ລັດຖະມົນຕີກະຊວງພາຍໃນຕ້ອນຮັບທູດອາເມຣິກາ ປະຈຳ ສປປ ລາວ ຄົນໃໝ່

ໃນໂອກາດການພົບປະໂອລົມຄັ້ງນີ້, ທ່ານລັດຖະມົນຕີ ໄດ້ສະແດງຄວາມຍິນດີຕ້ອນຮັບ ແລະ ຊົມເຊີຍຕໍ່ ທ່ານ ປີເຕີ ເຮມ໋ອນ (Peter M. Haymond) ທີ່ໄດ້ຮັບການແຕ່ງຕັ້ງເປັນ ເອກອັກຄະລັດຖະທູດວິສາມັນ ຜູ້ມີອໍານາດເຕັມ ແຫ່ງ ສະຫະລັດ ອາເມຣິກາ ປະຈຳ ສປປ ລາວ, ພ້ອມທັງສະແດງຄວາມເຊື່ອໝັ້ນວ່າ ໃນໄລຍະການປະຕິບັດໜ້າທີ່ ວຽກງານການທູດດັ່ງກ່າວ, ພ້ອມຈະປະກອບສ່ວນ ຢ່າງຕັ້ງໜ້າເຂົ້າໃນການເສີມຂະຫຍາຍ ແລະ ເພີ່ມທະວີການພົວພັນຮ່ວມມື ລະຫວ່າງສອງປະເທດ ໃຫ້ນັບມື້ນັບເຂັ້ມ ແຂງ ແລະ ຂະຫຍາຍຕົວຍິ່ງໆຂຶ້ນ.

ໃນໂອກາດດຽວກັນນີ້, ທ່ານ ປີເຕີ ເຮມ໋ອນ (Peter M. Haymond) ກໍ່ໄດ້ກ່າວສະແດງຄວາມພາກພູມໃຈເປັນຍ່າງຍິ່ງ ທີ່ໄດ້ຖືກແຕ່ງຕັ້ງມາດໍາລົງຕໍາແໜ່ງ ເປັນເອກອັກຄະລັດຖະທູດ ປະຈໍາ ສປປ ລາວ ພ້ອມກັນນັ້ນ, ທ່ານທູດຍັງໄດ້ຢືນຢັນວ່າ ຈະຕັ້ງໜ້າປະຕິບັດໜ້າທີ່ ຢ່າງສຸດຄວາມສາມາດ ເພື່ອປະ ກອບສ່ວນເຂົ້າໃນ ການເພີ່ມທະວີຮັດແໜ້ນ ແລະ ເສີມຂະຫຍາຍການພົວພັນຮ່ວມມື ລະຫວ່າງສອງປະ ເທດ ໃຫ້ມີບາດກ້າວຂະຫຍາຍຕົວຢ່າງບໍ່ຢຸດຢັ້ງ.

（ແຫຼ່ງຂໍ້ມູນ： ຂປລ）