ຄະນະຜູ້ແທນຫວຽດນາມ ເປັນປະທານຄະນະກຳມະການປະສານງານອາຊຽນຢູ່ ເຈນີວາ - ສະວິດເຊີແລນ

ຄະນະຜູ້ແທນບັນດາປະເທດສະມາຊິກອາຊຽນ ຢູ່ເຈນີວາ ແລະ ບັນດາເຈົ້າໜ້າທີ່ເຂົ້າຮ່ວມກອງປະຊຸມ ໄດ້ຊົມເຊີຍທ່ານເອກອັກຄະລັດຖະທູດຜູ້ມີອຳນາດເຕັມແຫ່ງ ສສ.ຫວຽດນາມ ເລຖິຕ໋ວຽດມາຍ ໄດ້ເລີ່ມຕົ້ນສິ້ນສຸດອາຍຸການ, ສະແດງຄວາມຂອບໃຈຕໍ່ການກະກຽມທີ່ມີຄວາມລອບຄອບຂອງຄະນະຜູ້ແທນຫວຽດນາມ.

ທີ່ກອງປະຊຸມ, ບັນດາຄະນະຜູ້ແທນຂອງບັນດາປະເທດສະມາຊິກອາຊຽນ ໄດ້ມີຄວາມເຫັນດີເປັນເອກະສັນກ່ຽວກັບບັນດາບາດກ້າວກະກຽມໃຫ້ແກ່ວຽກງານ ອົງການການຄ້າໂລກ ທີ່ຈະມາເຖິງ, ໃນນັ້ນມີການຮ່າງຖະແຫຼງການຮ່ວມອາຊຽນ ໃນການກວດການະໂຍບາຍການຄ້າຂອງສະຫະພາບເອີຣົບ (ອີຢູ), ຊຸກຍູ້ການເຈລະຈາກ່ຽວກັບເງິນອຸດໜູນການຫາປາ, ເພີ່ມທະວີການສົນທະນາກັບບັນດາຄູ່ຮ່ວມອາຊຽນກ່ຽວກັບການປະຕິຮູບ ອົງການການຄ້າໂລກ WTO.

ຄະນະຜູ້ແທນຫວຽດນາມ ເປັນປະທານຄະນະກຳມະການປະສານງານອາຊຽນຢູ່ ເຈນີວາ - ສະວິດເຊີແລນ. (ພາບ: baoquocte)

ບັນດາສະມາຊິກອາຊຽນ ສະແດງຄວາມເຊື່ອໝັ້ນວ່າ ຫວຽດນາມໃນຖານະເປັນປະທານອາຊຽນໃນປີ 2020, ຈະຊ່ວຍຍົກສູງຖານະບົດບາດຂອງອາຊຽນໃນ WTO ແລະ ນຳມາເຊິ່ງຜົນສຳເລັດຮ່ວມສຳ ລັບອາຊຽນ ໃນກອງປະຊຸມລັດຖະມົນຕີ WTO ຄັ້ງທີ 12 ທີ່ກຳນົດຈະຈັດຂຶ້ນໃນເດືອນມິຖຸນາປີນີ້ ທີ່ປະເທດ ກາຊັກສະຖານ.

ກອງປະຊຸມ ACG ກ່ຽວກັບວຽກງານ WTO ຢູ່ເຈນີວາ ຊ່ວຍໃຫ້ບັນດາຄະນະຜູ້ແທນສະມາຊິກອາຊຽນແບ່ງປັນຂໍ້ມູນ, ທັດສະນະ ແລະ ຊຸກຍູ້ການປະສານງານກ່ຽວກັບເນື້ອໃນຂອງວຽກງານ WTO, ປະກອບສ່ວນເພີ່ມທະວີຄວາມສາມັກຄີໃນອາຊຽນ.

（ຄຳຮຸ່ງ）