ສະມາຄົມມິດຕະພາບ ຫວຽດນາມ ແລະ ລາວ ແລກປ່ຽນທິດທາງແຜນກ່ານ-ການຮ່ວມມື ປີ 2020

ສະມາຄົມມິດຕະພາບ ຫວຽດນາມ - ລາວ ແລກປ່ຽນແຜນການຮ່ວມມືໃນປີ 2020

ຄະນະຜູ້ແທນ ນຳໂດຍ ທ່ານ ເຈີ່ນ ວັນ ຕຸ໋ຍ, ກໍາມະການສູນກາງພັກ, ກໍາມະການຄະນະປະຈຳສະພາແຫ່ງຊາດ, ຫົວຫນ້າຄະນະປະຕິບັດງານຜູ້ແທນສະພາແຫ່ງຊາດ, ຮອງຫົວຫນ້າຄະນະຈັດຕັ້ງສູນກາງພັກ, ປະທານຄະນະສູນກາງສະມາຄົມມິດຕະພາບຫວຽດນາມ - ລາວ.

ໃນການຢ້ຽມຢາມຄັ້ງນີ້, ຄະນະຜູ້ແທນຈະຮ່ວມກັບ ສະມາຄົມມິດຕະພາບ ລາວ - ຫວຽດນາມ ເປີດກອງປະຊຸມ ລະຫວ່າງສອງອົງການ ເພື່ອຕີລາຄາການຮ່ວມມື ຂອງສອງສະມາຄົມ ໃນໄລຍະຜ່ານມາ, ແລກປ່ຽນ ແລະ ເປັນເອກກະພາບກັນກ່ຽວກັບແຜນການ-ການຮ່ວມມື ໃນປີ 2020.

ໃນປີ 2020, ເປັນປີທີ່ ຫວຽດນາມ ແລະ ລາວ ຈະຈັດງານສະເຫຼີມສະຫຼອງວັນສໍາຄັນ ກໍ່ຄືເຫດການຕ່າງໆ ຂອງສາຍພົວພັນສອງປະເທດຄື: ວັນສ້າງຕັ້ງພັກຄອມມິວນິດ ອິນດູຈີນ - ກົກເຄົ້າຂອງພັກກອມມູນິດຫວຽດນາມ ແລະ ພັກປະຊາຊົນປະຕິວັດລາວ ຄົບຮອບ 90 ປີ; ວັນຊາດຫວຽດນາມ ຄົບຮອບ 75 ປີ ແລະ ວັນຊາດລາວ ຄົບຮອບ 45 ປີ; ວັນຄ້າຍວັນເກີດ ປະທານ ໂຮຈິມິນ ຄົບຮອບ130 ປີ ແລະ ວັນຄ້າຍວັນເກີດ ປະທານ ໄກສອນ ພົມວິຫານ ຄົບຮອບ100 ປີ ...

ພ້ອມກັນນັ້ນ, ຄະນະຈະໄດ້ ໄປຢ້ຽມຢາມຖາມຂ່າວ ແລະ ພົບປະ ການນຳຂັ້ນສູງ ຂອງ ຄະນະພົວພັນສູນກາງພັກ ແຫ່ງ ສປປ ລາວ.

ແມ່ ກັນເຈຍ ຍິງລາວທີ່ແບ່ງປັນນຳ້ນົມໃຫ້ ແກ່ທະຫານອາສາສະໝັກ ຫວຽດນາມ ໃນປາງສົງຄາມ.

ໂອກາດດຽວກັນນີ້, ສະມາຄົມມິດຕະພາບ ລາວ ຈະໄດ້ຈັດພິທີມອບເຮືອນ ສ້າງໂດຍ ສະມາຄົມມິດຕະພາບຫວຽດນາມ - ລາວ ມອບໃຫ້ແກ່ ແມ່ ກັນເຈຍ (ກໍາລັງອາໄສຢູ່ແຂວງ ເຊກອງ) - ຜູ້ທີ່ໃຊ້ນໍ້ານົມຂອງຕົນເອງ ເພື່ອຊ່ວຍຊີວິດທະຫານອາສາສະຫມັກຫວຽດນາມ ສະໄໝກ່ອນ.

（ຄຳຮຸ່ງ）