ພິທີມອບຫຼຽນກາ, ຫຼຽນໄຊຂອງລັດຖະບານຫວຽດນາມ ໃຫ້ແກ່ບັນດາໝູ່ຄະນະ ແລະ ບຸກຄົນຂອງສະພາແຫ່ງຊາດ ສປປ.ລາວ

ອີງຕາມການຕັດສິນໃຈມອບຫຼຽນໄຊເອກະລາດໃນວັນທີ 21 ກັນຍາ 2019 ລົງນາມໂດຍ ປະທານປະເທດສາທາລະນະລັດສັງຄົມນິຍົມຫວຽດນາມ ທ່ານ ຫງວຽນຟູຈ້ອງ, ຫວຽດນາມໄດ້ມອບຫຼຽນໄຊເອກະລາດຊັ້ນໜຶ່ງ 4 ຫຼຽນ, 13 ຫຼຽນໄຊເອກະລາດຊັ້ນສອງ ແລະ 30 ຫຼຽນໄຊເອກະລາດຊັ້ນສາມມອບໃຫ້ແກ່ 12 ໝູ່ຄະນະ ແລະ 35 ບຸກຄົນຂອງສະພາແຫ່ງຊາດ, ບັນດາອົງການຂອງສະພາແຫ່ງຊາດ, ຄະນະເລຂາຂອງສະພາແຫ່ງຊາດແຫ່ງສປປລາວ ມີຜົນງານດີເດັ່ນໂດຍສະເພາະໃນການເສີມຂະຫຍາຍ ແລະ ຮັດແໜ້ນສາຍພົວພັນ, ຄວາມສາມັກຄີພິເສດລະຫວ່າງສະພາແຫ່ງຊາດ, ບັນດາອົງການຂອງສະພາແຫ່ງຊາດສອງປະເທດ ຫວຽດນາມ ແລະ ລາວ.

ປະທານສະພາແຫ່ງຊາດຫວຽດນາມ ທ່ານນາງ ຫງວຽນທິກິມເງິນ ແລະ ປະທານສະພາແຫ່ງຊາດລາວ ທ່ານນາງ ປານີ ຢາທໍ່ຕູ້ ໄດ້ມອບຫຼຽນໄຊເອກະລາດໃຫ້ແກ່ບັນດາໝູ່ຄະນະ ແລະ ບຸກຄົນຂອງສະພາແຫ່ງຊາດ ສປປ.ລາວ. (ພາບ: TTXVN)

ກ່າວຄຳເຫັນນະພິທີ, ປະທານສະພາແຫ່ງຊາດ ທ່ານນາງ ຫງວຽນທິກິມເງິນ ເນັ້ນໜັກວ່າ ໃນໄລຍະ 8 ທົດສະວັດຜ່ານມາ, ການມູນເຊື້ອມິດຕະພາບ, ຄວາມສາມັກຄີແບບພິເສດ ລະຫວ່າງປະຊາຊົນສອງປະເທດຫວຽດນາມ - ປະເທດລາວໄດ້ວາງພື້ນຖານ ໂດຍປະທານໂຮ່ຈີມິນ ແລະ ປະທານ ໄກສອນ ພົມວິຫານ ແລະ ໄດ້ຮັບການເສີມສ້າງໂດຍລຸ້ນຜູ້ນຳສືບຕໍ່ຂອງສອງພັກ, ສອງລັດ ແລະ ປະຊາຊົນຂອງສອງປະເທດ, ກາຍເປັນຊັບສົມບັດອັນລ້ຳຄ່າຂອງ ສອງປະເທດ.

ປະທານສະພາແຫ່ງຊາດ ທ່ານນາງ ຫງວຽນທິກິມເງິນ ເນັ້ນໜັກວ່າ ໃນສະພາບການໂລກສັບສົນ, ສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານຫວຽດນາມ - ລາວຍາມໃດກໍ່ໄດ້ຮັບການເພີ່ມທະວີຢ່າງບໍ່ຢຸດຢັ້ງ, ພັດທະນາ ແລະ ມີປະສິດທິຜົນໃນທຸກຂົງເຂດ, ໃນທາງດ້ານພັກ, ລັດ ແລະ ການຮ່ວມມື, ການພົບປະແລກປ່ຽນປະຊາຊົນ.

ສ່ວນຄະນະຜູ້ແທນລາວ, ຕາງໜ້າໃຫ້ບັນດາໝູ່ຄະນະ ແລະ ບຸກຄົນຂອງສະພາແຫ່ງຊາດ ສປປ.ລາວ ທີ່ໄດ້ຮັບຫຼຽນໄຊ, ຮອງປະທານສະພາແຫ່ງຊາດລາວ ທ່ານນາງ ສີໃສ ລືເດດມູນສອນ ສະແດງຄວາມຂອບໃຈຢ່າງຈິງໃຈຕໍ່ລັດຖະບານຫວຽດນາມ ສຳລັບການມອບຫຼຽນກາ, ຫຼຽນໄຊອັນລໍ້າຄ່າ; ໃຫ້ຮູ້ວ່ານີ້ບໍ່ພຽງແຕ່ເປັນກຽດໃຫ້ແກ່ບຸກຄົນ ແລະ ໝູ່ຄະນະທີ່ໄດ້ຮັບຫຼຽນໄຊເທົ່ານັ້ນ, ແຕ່ຍັງເປັນກຽດຕິຍົດລວມຂອງສະພາແຫ່ງຊາດລາວ, ຢືນຢັນຜົນສຳເລັດໃນການເສີມຂະຫຍາຍສາຍພົວພັນສາມັກຄີແບບພິເສດລະຫວ່າງສະພາແຫ່ງຊາດ ແລະ ອົງການຕ່າງໆຂອງສະພາແຫ່ງຊາດລາວ ແລະ ຫວຽດນາມ.

（ຄຳຮຸ່ງ）