ປະທານສະພາແຫ່ງຊາດ ສປປ ລາວ ຕ້ອນຮັບປະທານສະພາປະຊາຊົນ ນະຄອນໂຮ່ຈິມິງ ສສ ຫວຽດນາມ
 |
ປະທານສະພາແຫ່ງຊາດ ລາວ ຕ້ອນຮັບປະທານສະພາປະຊາຊົນ ນະຄອນໂຮ່ຈິມິງ ສສ ຫວຽດນາມ
ໃນໂອກາດດັ່ງກ່າວ, ທ່ານ ນາງ ປານີ ຢາທໍ່ຕູ້ ໄດ້ສະແດງ ຄວາມຍິນດີຕ້ອນຮັບ ແລະ ຕີລາຄາສູງ ຕໍ່ການຢ້ຽມຢາມ ສປປ ລາວ ຂອງ ທ່ານ ນາງ ຫງວຽນ ທິ ເລ ພ້ອມຄະນະໃນຄັ້ງນີ້, ເຊິ່ງເປັນການປະກອບສ່ວນອັນສຳຄັນເຂົ້າໃນການເສີມຂະຫຍາຍສາຍພົວພັນມິດຕະພາບອັນເປັນມູນເຊື້ອ ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ ກໍຄື ນະຄອນໂຮ່ຈິມິງ ໃຫ້ນັບມື້ຈະເລີນງອກງາມຍິ່ງໆຂຶ້ນ ແລະ ຂໍຂອບໃຈຕໍ່ປະຊາຊົນ ແລະ ລັດຖະບານ ສສ ຫວຽດນາມ ທີ່ໃຫ້ຊ່ວຍເຫລືອລາວ ມາໂດຍຕະຫລອດ.
 |
ທ່ານ ນາງ ຫງວຽນ ທິ ເລ ແລະ ທ່ານ ນາງ ປານີ ຢາທໍ່ຕູ້
ໂອກາດດຽວກັນ, ທ່ານ ນາງ ຫງວຽນ ທິ ເລ ໄດ້ສະແດງຄວາມຂອບໃຈເປັນຢ່າງສູງຕໍ່ທ່ານປະທານ ສະພາແຫ່ງຊາດ ສປປ ລາວ ທີ່ໄດ້ໃຫ້ການຕ້ອນຮັບ ຢ່າງອົບອຸ່ນໃນຄັ້ງນີ້, ພ້ອມຕີລາຄາສູງຕໍ່ການພົວພັນຮ່ວມມື ຂອງສອງລັດຖະບານ ສປປ ລາວ ແລະ ສສ ຫວຽດນາມ ກໍຄື ນະຄອນໂຮ່ຈິມິງ ແລະ ນະຄອນ ຫລວງວຽງຈັນ ໃນໄລຍະຜ່ານມາ, ພ້ອມທັງສະແດງຄວາມຍີນດີ ສືບຕໍ່ເສີມຂະຫຍາຍສາຍພົວພັນມິດຕະພາບແບບພິເສດ ແລະ ການຮ່ວມມືຮອບດ້ານອັນເປັນມູນເຊື້ອ ໃຫ້ນັບມື້ແໜ້ນແຟ້ນຍິ່ງຂຶ້ນ.
（ແຫຼ່ງຂໍ້ມູນ： ຂປລ）