ອະດີດ ເລຂາທິການໃຫຍ່ ສະຫະປະຊາຊາດ ທ່ານ Kofi Annan ເຖິງແກ່ມໍລະນະກຳ

ທ່ານອະດີດເລຂາທິການໃຫຍ່ສະຫະປະຊາຊາດ Kofi Annan ເຖິງແກ່ມໍລະນະກຳ.

ໃນໄລຍະເວລາດຳລົງຕໍາແໜ່ງເລຂາທິການໃຫຍ່ສະຫະປະຊາຊາດ, ທ່ານ Kofi Annan ຖືວ່າແມ່ນດວງດາວທີ່ໃສແຈ້ງໃນບັນດາສາຍພົວພັນສາກົນ. ທ່ານ Kofi Annan ນຳເອົາພະລັງຊີວິດໃໝ່ມາໃຫ້ອົງການມີອໍານາດໃຫຍ່ທີ່ສຸດໃນໂລກ ພາຍຫຼັງ ສອງ ສະໄໝທີ່ເປັນການນໍາຂອງຕົນ. ທ່ານໄດ້ກາຍເປັນຄົນອາຟິກາທໍາອິດເປັນເລຂາທິການໃຫຍ່ອົງການສະຫະປະຊາຊາດ. ຄຽງຂ້າງນັ້ນ, ທ່ານ Annan ຍັງໄດ້ຮັບຮອງເປັນເລຂາທິການໃຫຍ່ຜູ້ທໍາອິດທີ່ໄດ້ຮັບການເລືອກຕັ້ງຈາກຖັນແຖວພະນັກງານສະຫະປະຊາຊາດ.

ໃນໄລຍະ 10 ປີທີ່ດຳລົງຕໍາແໜ່ງເປັນຜູ້ນໍາອົງການອໍານາດໃຫຍ່ທີ່ສຸດໃນໂລກ, ທ່ານ Annan ໄດ້ຮັບການຕີລາຄາຈາກບັນດານັກວິເຄາະ, ນັກການເມືອງວ່າເປັນເລຂາທິການໃຫຍ່ທີ່ດີເດັ່ນທີ່ສຸດໃນປະຫວັດສາດສະຫະປະຊາຊາດ. ດ້ວຍການອຸທິດສ່ວນອັນໃຫຍ່ຫຼວງໃຫ້ມວນມະນຸດ, ໃນວັນທີ 10 ທັນວາ 2001, ທ່ານ Annan ແລະ ສະຫະປະຊາຊາດເປັນກຽດທີ່ໄດ້ຮັບລາງວັນ Nobel ສັນຕິພາບ.

（ຫັດ​ທະ​ບູນ）