ທີ່ກອງປະຊຸມ, ທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ ຕີລາຄາສູງຜົນງານກໍ່ຄືຜົນສຳເລັດຂອງການຮ່ວມມື ລະຫວ່າງ ກະຊວງປ້ອງກັນຄວາມສະຫງົບ ສປປ ລາວ ແລະ ກະຊວງ ຕຳຫຼວດ ຫວຽດນາມ ໃນໄລຍະຜ່ານມາ; ທ່ານໄດ້ເນັ້ນຫນັກວ່າ ການຮ່ວມມືອັນແໜ້ນແຟ້ນ ລະຫວ່າງ ສອງກະຊວງໄດ້ປະກອບສ່ວນເຂົ້າໃນການຮັບປະກັນຄວາມສະຫງົບສຸກ ຂອງແຕ່ລະປະເທດ, ປະກອບສ່ວນຮັດແໜ້ນສ້າງສາຍພົວພັນມິດຕະພາບອັນຍິ່ງໃຫຍ່ ລະຫວ່າງ ລາວ- ຫວຽດນາມ.

ໃນສະພາບການທີ່ພາກພື້ນ ແລະ ໂລກ ມີການປ່ຽນແປງ, ທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງສປປ ລາວ ໄດ້ຮຽກຮ້ອງມາຍັງ ກະຊວງປ້ອງກັນ ຄວາມສະຫງົບລາວ ແລະ ກະຊວງຕຳຫຼວດຫວຽດນາມ ໃຫ້ເພີ່ມທະວີການຮ່ວມມືໃນທຸກໆຂົງເຂດ, ໂດຍສະເພາະກ່ຽວກັບຄວາມປອດໄພຂົງເຂດອິນເຕີແນັດ, ຕ້ານແລະສະກັດກັ້ນການກໍ່ການຮ້າຍ, ອາດສະຍາກຳ, ການຄ້າຂາຍຢາເສບຕິດ ແລະ ການກໍ່ສ້າງຊັບພະຍາກອນມະນຸດ.

ຮອງນາຍົກລັດຖະມົນຕີ ບຸ່ຍ ວັນ ນາມ ແລະ ລັດຖະມົນຕີປ້ອງກັນຄວາມສະຫົງບ ແຫ່ງ ສປປ ລາວ ວິໄລ ຫຼ້າຄຳພອງ.

ກ່ອນໜ້ານີ້, ພົນຕີ ບຸ່ຍ ວັນ ນາມ ແລະ ຄະນະຜູ້ແທນ ກະຊວງ ຕຳຫຼວດຫວຽດນາມ ໄດ້ເຂົ້າພົບປະກັບ ລັດຖະມົນຕິ ກະຊວງປ້ອງກັນຄວາມສະຫງົບ ສປປ ລາວ ວິໄລ ຫຼ້າຄຳພອງ ແລະ ເຂົ້າຮ່ວມກອງປະຊຸມຮ່ວມມືດ້ານຄວາມສະຫງົບ ຫວຽດນາມ - ລາວ ຄັ້ງທີ 10.

ບັນຍາກາດກອງປະຊຸມຮ່ວມມືດ້ານຄວາມສະຫງົບ ຫວຽດນາມ - ລາວ ຄັ້ງທີ 10.

ທີ່ກອງປະຊຸມ, ທັງສອງຝ່າຍໄດ້ສຸມໃສ່ ແລກປ່ຽນຂໍ້ມູນຂ່າວສານ, ແບ່ງປັນປະສົບການ, ການຈັດຕັ້ງປະຕິບັດການຮັບປະກັນຄວາມສະຫງົບສຸກແຫ່ງຊາດ; ຕື່ນຕົວຜັນຂະຫຍາຍຢ່າງມີປະສິດທິຜົນ ບົດບັນທືກຄວາມເຂົ້າໃຈ ຂອງກອງ ປະຊຸມການຮ່ວມມືດ້ານຄວາມສະຫງົບ ຫວຽດນາມ - ລາວ ຄັ້ງທີ 9 ໄດ້ປະກອບສ່ວນໃນການຮັບປະກັນຄວາມສະຫງົບ ດ້ານການເມືອງ, ຄວາມເປັນລະບຽບຮຽບຮ້ອຍທາງສັງຄົມຂອງແຕ່ລະປະເທດ. ທັງສອງຝ່າຍຈະປະສານສົມທົບ ຕໍ່ສູ້ ກັບຜູ້ກໍ່ການຮ້າຍມ້າງເພທຳລາຍ; ປະສານສົບທົບກັນໃນຂົງເຂດ ກໍ່ຄືວຽກງານການເຂົ້າ-ອອກເມືອງ, ຮັກສາສະຖຽນລະພາບ ແລະ ພັດທະນາຂອງເສັ້ນຊາຍແດນຮ່ວມ ລະຫວ່າງ ສອງປະເທດ.

（ຫັດ​ທະ​ບູນ）