ຄະນະ ພະນັກງານ ກວດກາລັດຖະບານລາວ ເຮັດວຽກກັບພະແນກກວດກາແຂວງກາວບັ່ງ

ຝ່າຍແຂວງກາວບັ່ງ ຮັບ ແລະ ເຮັດວຽກກັບຄະນະ ປະກອບມີສະຫາຍການນຳ, ຫົວໜ້າຫ້ອງ ແລະ ຮອງ ວິຊາການ ກວດກາ ແຂວງກາວບັ່ງ.(ພາບ: baocaobang.vn)

ບັນດາຜູ້ແທນເຂົ້າຮ່ວມກອງປະຊຸມເຮັດວຽກ.

ທີ່ກອງປະຊຸມເຮັດວຽກ ສະຫາຍ ຮ່ວາງ ຕ໋ຽນຄາງ ປະທານກວດກາແຂວງກາວບັ່ງ ໄດ້ລາຍງານສະພາບການໃຫ້ຄະນະຊາບໂດຍຫຍໍ້ດ້ານເສດຖະກິດ-ສັງຄົມ, ຄວາມສາມາດບົ່ມຊ້ອນ ແລະ ທ່າແຮງຂອງແຂວງ ກາວບັ່ງ ກ່ຽວກັບການພັດທະນາ ການທ່ອງທ່ຽວ, ການຄ້າ ແລະການຂຸດຄົ້ນ້ປຸງແຕ່ງແຮ່ທາດ, ເສດຖະກິດດ່ານຊາຍແດນ, ກະສິກຳອິນຊີ. ໝາກຜົນຂອງການຊີ້ນຳບໍລິຫານ ວຽກງານການກວດກາ, ແກ້ໄຂບັນຫາການຟ້ອງຮ້ອງ, ແລະ ຕ້ານ , ສະກັດກັ້ນການສໍ້ລາດບັງຫຼວງ ຂອງ ພະແນກກວດກາແຂວງກາວບັ່ງໃນທີ່ຜ່ານມາ. ສະເລ່ຍໃນແຕ່ລະປີ ຂະແໜງກວດກາ ຈັດຕັ້ງການກວດກາ ເຖິງ 70 ຄັ້ງ; ຕ້ອນຮັບ ປະຊາຊົນ 3.500ຄັ້ງ/ປີ; ຮັບ ຈົດໝາຍ ແລະ ໃບສະເໜີຈາກປະຊາຊົນ 1.800 ສະບັບ.

ສະຫາຍ ຮ່ວາງ ຕ໋ຽນຄາງ ປະທານກວດກາ ໄດ້ກ່າວລາຍງານ ການເຄື່ອນໄຫວຂອງ ຂະແໜງກວດກາ ແຂວງກາວບັ່ງຕໍ່ກອງປະຊຸມ. (ພາບ: baocaobang.vn)

ສະຫາຍ ຄຳພັນ ລີພຸ່ງ ໄດ້ກ່າວຄຳຂອບໃຈຕໍ່ການຕ້ອນຮັບອັນອົບອຸ່ນ ແລະ ໄມຕີຈິດ ຂອງ ອົງການກວດກາແຂວງ ກາວບັ່ງ ທີ່ມອບໃຫ້ຄະນະ. ອົງການກວດກາລັດຖະບານລາວ ຍາມໃດກໍ່ເຫັນສຳຄັນກ່ຽວກັບສາຍພົວພັນມິດຕະພາບອັນຍາວນານ ແລະ ພິເສດຂອງ ຫວຽດນາມ ແລະ ລາວ ເວົ້າລວມ ແລະ ອົງການກວດກາ ຂອງສອງປະເທດເວົ້າສະເພາະ; ທ່ານຫັວງເປັນຢ່າງຍິ່ງວ່າ ຈະຊຸກ ຍູ້ ສາຍພົວພັນອັນເກົ່າແກ່ແລະ ຍາວນານ, ຄວາມສາມັກຄີພິເສດ ແລະ ຮ່ວມມືຮອບດ້ານ ຫວຽດນາມ-ລາວ, ລາວ-ຫວຽດນາມ ນັບມື້ນັບເລິກເຊິ່ງຂື້ນກວ່າເກົ່າ.

ສະຫາຍ ຄຳພັນ ລີພຸງ ຮອງຫົວໜ້າກົມ ຄົ້ນຄວ້າ ແລະ ວາລະສານ ກວດກາລັດຖະບານ ລາວ ກ່າວຄຳເຫັນທີ່ກອງປະຊຸມເຮັດວຽກ.(ພາບ: baocaobang.vn)

ທີ່ກອງປະຊຸມການເຮັດວຽກ ທັງສອງຝ່າຍໄດ້ແບ່ງປັນບົດຮຽນໃນບາງຂະແໜງການເປັນຕົ້ນແມ່ນ: ຂະແໜງກວດກາ, ການຮັບຕ້ອນປະຊາຊົນ, ແກ້ໄຂການຟ້ອງຮ້ອງ ແລະ ຕ້ານ-ສະກັດກັ້ນການສໍ້ລາດບັງຫຼວງ; ແລກປ່ຽນບັນຫາທີ່ມີຄວາມຫຍຸ້ງຍາກໃນວຽກງານກວດກາ.

（ຫັດ​ທະ​ບູນ）