ສາຍພົວພັນສາມັກຄີ ພິເສດ ຫວຽດນາມ-ລາວ ພັດທະນາລົງສູ່ລວງເລິກ ເປັນຈິງ ແລະ ມີປະສິດທິຜົນ
 |
ເລຂາທິການໃຫຍ່ ຫວຽດນາມ ຫງວຽນຝູຈ້ອງ ຕ້ອນຮັບ ທ່ານ ໄຊສົມພອນ ພົມວິຫານ ກຳມະການກົມການເມືອງ, ປະທານ ຄະນະກຳມະການສູນກາງແນວລາວສ້າງຊາດ.
ທ່ານ ໄຊສົມພອນ ພົມວິຫານ ສະແດງຄວາມຂອບໃຈນຳທ່ານເລຂາທິການໃຫຍ່ ທີ່ສະຫຼະເວລາໃຫ້ກຽດຕ້ອນຮັບຄະນະ ດ້ວຍຄວາມອົບອຸ່ນແລະເປັນກັນເອງ; ເປັນກຽດສົ່ງຄຳຢ້ຽມຢາມຖາມຂ່າວອັນສະໜິດສະໜົມຂອງ ເລຂາທິການໃຫຍ່ ບຸນຍັງ ວໍລະຈິດ ເຖິງເລຂາທິການໃຫຍ່ ຫງວ໋ຽນຟູ໋ຈ້ອງ.
ທ່ານ ໄຊສົມພອນ ພົມວິຫານ ສະແດງຄວາມຍິນດີຕໍ່ກັບ ຜົນສຳເລັດ ທີ່ຫວຽດນາມ ຍາດມາໄດ້ໃນໄລຍະທີ່ຜ່ານມາ; ເຊື່ອໝັ້ນວ່າພາຍໃຕ້ການນຳຂອງພັກ ຄອມມູນິດຫວຽດນາມ ປະຊາຊົນຫວຽດນາມ ຈະສືບຕໍ່ຍາດໄດ້ໄຊຊະນະອັນໃໝ່, ຍິ່ງໃຫຍ່ກວ່າເກົ່າໃນຂະບວນການປ່ຽນແປງໃໝ່ຈັດຕັ້ງປະຕິບັດສຳເລັດແລະມີໄຊ ມະຕິກອງປະຊຸມໃຫຍ່ຄັ້ງທີ XII ຂອງພັກຄອມມູນິດຫວຽດນາມ; ສະແດງຄວາມຍິນດີຕໍ່ກັບສາຍພົວພັນສາມັກຄີພິເສດ ລາວ-ຫວຽດນາມ ນັບມື້ນັບພັດທະນາທາງລວງເລິກ;ຂອບໃຈຢ່າງເລິກເຊິ່ງຕໍ່ກັບການຊ່ວຍເຫຼືອຍູ້ໜູນອັນຍິ່ງໃຫຍ່ ທັນການ ແລະ ມີປະສິດທິຜົນຂອງ ຫວຽດນາມໄດ້ມອບໃຫ້ສປປ ລາວ ແຕ່ອາດີດມາຮອດປະຈຸບັນ ພິເສດແມ່ນໃນມໍ່ໆມານີ້ໄດ້ຊ່ວຍເຫຼືອດ້ານວັດຖຸ ໃຫ້ແກ່ປະຊາຊົນເຂດປະສົບໄພພິບັດຈາກສາຍເຫດການຄູກັ້ນນຳ້ເຂື່ອນ ໄຟຟ້າພະລັງງານ ຢູ່ພາກໃຕ້ຂອງລາວ ແກ້ໄຂຄວາມຫຍຸ້ງຍາກ ເຮັດໃຫ້ຊີວິດການເປັນຢູ່ຂອງປະຊາຊົນກັບມາສູ່ສະພາບເດີມໂດຍໄວ.
ທ່ານ ທ່ານ ໄຊສົມພອນ ພົມວິຫານ ລາຍງານໃຫ້ແກ່ທ່ານເລຂາທິການໃຫຍ່ ຜົນສຳເລັດຂອງການຮ່ວມມື ລະຫວ່າງ ແນວລາວສ້າງຊາດ ກັບ ຄະນະຂົນຂວາຍສູນກາງ ຫວຽດນາມ ແລະ ແນວໂຮມຊາດຫວຽດນາມ ໃນໄລຍະຜ່ານມາ ແລະ ຜົນສຳເລັດຂອງການເຈລະຈາ ກັບຄະນະຂົນຂວາຍສູນກາງ; ລາຍງານໂດຍຫຍໍ້ ກັບທ່ານເລຂາທິການໃຫຍ່ ຜົນສຳເລັດບາງອັນກ່ຽວກັບສະພາບການຂອງລາວໃນເມື່ອມໍ່ໆມານີ້.
ທ່ານ ໄຊສົມພອນ ພົມວິຫານ ຢັ້ງຢືນວ່າ ພັກ, ລັດ ແລະ ປະຊາຊົນລາວຈະເຮັດສຸດຄວາມສາມາດຂອງຕົນ ເພື່ອພ້ອມກັບຫວຽດນາມ ປົກປັກຮັກສາ ແລະ ເພີ່ມພູນຄູນສ້າງໃຫ້ແກ່ສາຍພົວພັນສາມັກຄີພິເສດລາວ - ຫວຽດນາມ ໃຫ້ນັບມື້ນັບພັດທະນາຂຶ້ນສູ່ບາດກ້າວໃໝ່, ເພື່ອຜົນປະໂຫຍດຂອງປະຊາຊົນແຕ່ລະປະເທດ, ເພື່ອສັນຕິພາບ, ຄວາມໝັ້ນຄົງ, ການຮ່ວມມື ແລະ ການພັດທະນາຢູ່ພາກພື້ນ ແລະ ໃນໂລກ. ແນວລາວສ້າງຊາດຈະສົມທົບຢ່າງແໜ້ນແຟ້ນກັບ ຄະນະຂົນຂວາຍປະຊາຊົນສູນກາງ ແລະ ແນວໂຮມປະເທດຊາດຫວຽດນາມ ຜັນຂະຫຍາຍປະຕິບັດບັນດາການຕົກລົງຮ່ວມມືທີ່ໄດ້ລົງນາມໃຫ້ມີປະສິດທິຜົນ.
ທ່ານເລຂາທິການໃຫຍ່ ຫງວ໋ຽນຟູ໋ ຈ້ອງ ຊົມເຊີຍ ແລະ ຕີລາຄາສູງ ທ່ານ ໄຊສົມພອນ ພົມວິຫານ ນຳພາຄະນະ ກຳມະການ ສູນກາງ ແນວລາວສ້າງຊາດ ມາຢ້ຽມຢາມ ແລະ ຮ່ວມກອງປະຊຸມກ່ຽວກັບວຽກງານຂົນຂວາຍ ຢູ່ຫວຽດນາມ; ສະແດງຄວາມຍິນດີຕໍ່ບັນດາຜົນສຳເລັດອັນສຳຄັນ ພາຍໃນແລະ ດ້ານການທູດ ທີ່ ສປປ ລາວ ຍາດມາໄດ້ ພາຍຫຼັງການຜັນຂະຫຍາຍມະຕິກອງປະຊຸມໃຫຍ່ ຄັ້ງທີ X ຂອງພັກປະຊາຊົນປະຕິວັດລາວ ສອງປີຜ່ານມາ.
ທ່ານເລຂາທິການໃຫຍ່ເຊື່ອໝັ້ນວ່າພາຍໃຕ້ການນຳຂອງພັກປະຊາຊົນປະຕິວັດລາວ ປະເທດ ແລະ ປະຊາຊົນລາວ ຈະສືບຕໍ່ຍາດໄດ້ຜົນສຳເລັດໃໝ່ ຍິ່ງໃຫຍ່ກວ່າເກົ່າໃນຂະບວນການ ປ່ຽນແປງໃໝ່
ຈັດຕັ້ງປະຕິບັດ ມະຕິກອງປະຊຸມໃຫຍ່ຄັ້ງທີ X ຂອງພັກປະຊາຊົນປະຕິວັດລາວ ຢ່າງມີໄຊ ແລະ ກະກຽມກອງປະຊຸມໃຫຍ່ຂອງພັກທຸກຂັ້ນປະສົບຜົນສຳເລັດ ກ້າວໄປສູ່ກອງປະຊຸມໃຫຍ່ພັກປະຊາຊົນປະຕິວັດລາວ ທົ່ວປະເທດຄັ້ງທີ 11; ສະແດຄວາມຍິນດີຕໍ່ກັບສາຍພົວພັນສາມັກຄີ ພິເສດຫວຽດນາມ-ລາວ ນັບມື້ນັບພັດທະນາ ລົງສູ່ລວງເລິກ ແທ້ຈິງ ແລະ ມີປະສິດທະຜົນ ໃນທຸກໆຂົງເຂດ , ໃນນັ້ນມີການປະກອບສ່ວນສຳຄັນຂອງແນວລາວສ້າງຊາດ.
ທ່ານເລຂາທິການໃຫຍ່ ຫງວ໋ຽນຟູ໋ ຈ້ອງ ຍັງຕີລາຄາສູງຜົນສຳເລັດຂອງການຮ່ວມມື ລະຫວ່າງ ຄະນະກຳມະການຂົນຂວາຍ ສູນກາງ ກັບແນວລາວສ້າງຊາດ ທີ່ຜ່ານມາ, ກໍ່ຄືຜົນສຳເລັດຂອງການເຈລະຈາ ລະຫວ່າງ ຄະນະຜູ້ແທນອັນດັບສູງ ແນວລາວສ້າງຊາດ ກັບ ຄະນະກຳມະການຂົວຂວາຍສູນກາງ; ເນັ້ນໜັກຄວາມສຳຄັນຂອງວຽກງານຂົນຂວາຍໃນສະພາບການປະຈຸບັນໃໝ່; ສະແດງຄວາມມູ້ງຫວັງທັງສອງຝ່າຍຈະປະສານສົມທົບຢ່າງແໜ້ນແຟ້ນ ເພີ່ມທະວີການແລກປ່ຽນດ້ານທິດສະດີ ແລະ ພຶດຕິກຳ ໂດຍສະເພາະແມ່ນບົດຮຽນກ່ຽວກັບວຽກງານຂົນຂວາຍຂອງພັກ, ກໍ່ສ້າງອົບຮົມພະນັກງານ ຮ່ວມມືຊ່ວຍເຫຼືອເຊິ່ງກັນແລະກັນ ໃນວຽກງານປຸກລະດົມ ໂຄສະນາ ສຶກາອົບຮົມ ປະຊາຊົນທຸກຂັ້ນ ໂດຍສະເພາະແມ່ນເຍົາວະຊົນຄົນລຸ້ນໃໝ່ ກ່ຽວກັບ ມູນເຊື້ອສາຍພົວພັນພິເສດຫວຽດນາມ-ລາວ.
（ຫັດທະບູນ）