ຈົບພາລະກິດ-ປະຕິບັດການຊ່ວຍເຫຼືອ 13 ຊີວິດຕິດໃນຖ້ຳຫຼວງຂຸນນ້ຳນາງນອນ
 |
ການຖະແຫຼງຂ່າວ ຜົນສຳເລັດໃນພາລະກິດກູ້ໄພຂອງຄະນະບັນຊາການຮ່ວມໃນການຊ່ວຍເຫຼືອ ທີມນັກເຕະ 13 ຊີວິດ.
ເມື່ອເວລາ 18.48 ນາທີ ຂອງວັນທີ 10 ກໍລະກົດ 2018 ນັກຂ່າວລາຍງານວ່າ ສະມາຊິກທີມໝູປ່າຄົນທີ 12 ແລະ ຄູຝືກ ທ້າວ ເອກ ຖືກນຳຕົວອອກມາຈາກຖ້ຳຫຼວງແລ້ວ ແລະ ຫຼັງຈາກທີ່ກວດຮ່າງກາຍເບື້ອງຕົ້ນ ໂດຍແພດທີ່ໂຮງໝໍສະໜາມ, ເຈົ້າໜ້າທີ່ໄດ້ນຳສົ່ງພວກເຂົາໄປຮັກສາຕົວທີ່ໂຮງໝໍຊຽງລາຍ ປະຊານຸເຄາະ.
ໂດຍວິນາທີທີ່ທີມໝູປ່າຄົນທີ 12 ແລະ ຄູຝຶກ ເອກ ອອກມາຈາກຖ້ຳຫຼວງນັ້ນ ຄົນທີ່ປະຕິບັດພາລະກິດບໍລິເວນຖ້ຳຫຼວງ ຕ່າງກໍ່ພາກັນຕົບມືດ້ວຍຄວາມດີໃຈ.
ແຕ່ຢ່າງໃດກໍ່ຕາມນອກຈາກ ທີມໝູປ່າ 5 ຄົນທີ່ຖືກນຳຕົວອອກຈາກຖ້ຳຫຼວງມື້ນີ້ ຍັງມີແພດອີກ 1 ຄົນ, ນັ້ນຄື ໝໍພາກ ແລະ ເຈົ້າໜ້າທີ່ໜ່ວຍຊິວອີກ 3 ຄົນ ທີ່ຖືກນຳຕົວອອກມາຈາກຖ້ຳບໍລິເວນເນີນນົມສາວ ໂດຍທັງ 4 ຄາດວ່າຈະຕ້ອງຖືກນຳສົ່ງໄປທີ່ໂຮງໝໍ ເພື່ອກວດຫາເຊື້ອໃນຮ່າງກາຍ ຫຼັງຈາກເຂົ້າໄປປະຕິບັດພາລະກິດຢູ່ກັບພວກນ້ອງໆໃນຖ້ຳຕັ້ງແຕ່ມື້ທີ່ພົບຕົວໃນບໍລິເວນເນີນນົມສາວ
（ຫັດທະບູນ）