ແນວໂຮມຂອງສອງນະຄອນຫຼວງ ຫວຽດນາມ-ລາວ ເພີ່ມທະວີການຮ່ວມມື

ບັນຍາກາດກອງປະຊຸມ.

ຕ້ອນຮັບຄະນະຝ່າຍຫວຽດນາມ ນຳໂດຍ ທ່ານຮອງປະທານ ກຳມະການສູນກາງ ແນວໂຮມແຫ່ງຊາດ ຫວຽດນາມ, ປະທານກຳມະການ ແນວໂຮມແຫ່ງຊາດ ນະຄອນຫຼວງຮ່າໂນ້ຍ ຮົ່ງແຂັງ; ຝ່າຍລາວ ນຳໂດຍ ທ່ານ ບຸນທ່ຽງ ຄູນສີ ປະທານແນວລາວສ້າງຊາດ ນະຄອນຫຼວງວຽງຈັນ ຮ່ວມກັນເປັນປະທານ.

ທີ່ກອງປະຊຸມ ທ່ານ ບຸນທ່ຽງ ຄູນສີ ສະແດງຄວາມຂອບໃຈຢ່າງເລິກເຊິ່ງໃນການສະໜັບສະໜູນ, ຊ່ວຍເຫຼືອອັນມີຄ່າ ມີປະສິດທິຜົນ ຂອງ ຄະນະກຳມະການ ແນວໂຮມແຫ່ງຊາດ ນະຄອນຫຼວງຮ່າໂນ້ຍມອບໃຫ້ຄະນະໃນການມາເຮັດວຽກຄັ້ງນີ້.

ທ່ານ ບຸນທ່ຽງ ຄູນສີ ໃຫ້ຮູ້ວ່າ: ການມາຢ້ຽມຢາມ ແລະ ເຮັດວຽກ ຢູ່ຫວຽດນາມຄັ້ງນີ້ ຄືກັນກັບການກັບມາບ້ານເກີດຂອງຕົນອີກເທື່ອໜື່ງ. ສິ່ງນີ້ມີຄວາມໝາຍສຳຄັນຕໍ່ຄະນະ ບົນພື້ນຖານສາຍພົວພັນຮ່ວມມື ມູນເຊື້ອຂອງສອງນະຄອນຫຼວງ.

ຄະນະທັງສອງມອບຂອງທີ່ລະນຶກ.

ໃນຂອບເຂດການປຶກສາຫາລື ທ່ານ ບຸນທ່ຽງ ຄູນສີ ກໍ່ໄດ້ແນະນຳຄະນະກ່ຽວກັບເງື່ອນໄຂທາງດ້ານທຳມະຊາດກໍ່ຄືດ້ານເສດຖະກິດ-ສັງຄົມ ຂອງນະຄອນຫຼວງວຽງຈັນ

ໃນນັ້ນຢືນຢັນວ່າ: ໃນທຸກໆຂະບວນການແຂ່ງຂັນ ລ້ວນແລ້ວແຕ່ມີການເຂົ້າຮ່ວມ ແລະ ກະຕຸກຊຸກຍູ້ ຂອງແນວລາວສ້າງຊາດ.

ບົດບາດຂອງແນວລາວສ້າງຊາດ ນະຄອນຫຼວງ ວຽງຈັນ ແມ່ນທ້ອນໂຮມໄດ້ບັນດາພໍ່ແມ່ປະຊາຊົນພາຍໃຕ້ຄັນທຸງຂອງພັກ.

ແນວລາວແມ່ນແຫຼ່ງກຳລັງແຮງອັນຍິ່ງໃຫຍ່ ໃຫ້ປະຊາຊົນເຂົ້າໃຈເລິກເຊິ່ງເຖິງ ມູນເຊື້ອຮັກຊາດຂອງປະຊາຊົນບັນດາເຜົ່າ, ກຳແໜ້ນເນື້ອໃນຈິດໃຈ, ແນວທາງ, ນະໂຍບາຍ ຂອງພັກ-ລັດ.

ຈາກນັ້ນບັນດາການເຄື່ອນໄຫວຂອງແນວລາວສ້າງຊາດ, ປະຊາຊົນນະຄອນຫຼວງ ວຽງຈັນ ໄດ້ມີຄວາມຕື່ນຕົວສະດຸ້ງໄວໃນການຈັດຕັ້ງປະຕິບັດ ລັດຖະດຳລັດ ກໍ່ຄືແນວທາງ ຂອງແນວລາວສ້າງຊາດ ນະຄອນຫຼວງ ໃນນັ້ນແນວລາວສ້າງຊາດ ມີນະໂຍບາຍ ເອົາຮາກຖານເປັນຈຸດໃຈກາງ.

ຍ້ອນແນວນັ້ນ ນະຄອນຫຼວງວຽງຈັນ ໄດ້ກໍ່ສ້າງໄດ້ຫຼາຍກວ່າ 80% ຄອບຄົວວັດທະນະທຳ ສາມັກຄີ, ກວ່າ 60% ບ້ານວັດທະນະທຳ ສາມັກຄີ.

ທີ່ກອງປະຊຸມ ທ່ານ ວູ໋ຮົ່ງແຂັງ ໄດ້ລາຍງານໃຫ້ຄະນະກ່ຽວກັບສະພາບການ ພັດທະນາ ເສດຖະກິດ-ສັງຄົມ ຂອງນະຄອນຫຼວງ ຮ່າໂນ້ຍ.ບັນດາການປະກອບສ່ວນບໍ່ໜ້ອຍຂອງລະບົບແນວໂຮງແຫ່ງຊາດແຕ່ລະຂັ້ນ ໃນຂອບເຂດທົ່ວນະຄອນຫຼວງ.

ພິເສດໃນສະໄໝເຮັດວຽກທີ່ຜ່ານມາ ແນວໂຮມນະຄອນຫຼວງກໍ່ໄດ້ຈັດຕັ້ງປະຕິບັດ 5 ພາລະກິດທີ່ສຳຄັນທີ່ນະຄອນຫຼວງມອບໝາຍໃຫ້: ສຸມໃສ່ພັດທະນາເສດຖະກິດ, ພັດທະນາ ວັດທະນະທຳສັງຄົມ, ກໍ່ສ້າງປະຊາຊົນ ຮ່າໂນ້ຍ ຈະເລີນສີວິໄລ; ສຸມໃສ່ສ້າງສາ, ຄຸ້ມຄອງຜັງເມືອງໃນເຂດຊົນນະບົດ; ຮັບປະກັນຄວາມໝັ້ນຄົງທາງການເມືອງ, ຮັກສາຄວາມເປັນລະບຽບຮຽບຮ້ອຍທາງສັງຄົມ, ປ້ອງກັນຊາດ; ເປີດກວ້າງການພົວພັນຕ່າງປະເທດ; ກໍ່ສ້າງພັກ, ກໍ່ສ້າງລະບົບການເມືອງ ມີຄວາມສະອາດ ເຂັ້ມແຂງ, ຍົກສູງຄວາມຮູ້ຄວາມສາມາດ ມີປະສິດທິຜົນ.

ພິເສດ ນະຄອນຫຼວງສຸມໃສ່ຊຸກຍູ້ໃນ 3 ບຸກທະລຸກທີ່ສຳຄັນໃນນັ້ນແມ່ນ: ສຸມໃສ່ກໍ່ສ້າງພື້ນຖານໂຄງລ່າງເປັນເອກກະພາບ; ສຸມໃສ່ປັບປຸງການປົກຄອງ; ກໍ່ສ້າງແຫຼ່ງບຸກຂະລາກອນ ປະຊາຊົນຮ່າໂນ້ຍຈະເລີນ, ສີວິໄລ.

ແບ່ງປັນກັບແນວລາວສ້າງຊາດ ນະຄອນຫຼວງວຽງຈັນກ່ຽວກັບເນື້ອໃນກ່ຽວຂ້ອງກັບ ກອງປະຊຸມໃຫຍ່ ແນວໂຮມແຫ່ງຊາດ ທຸກໆຂັ້ນທີ່ຈະມາເຖິງ, ທ່ານ ວູ໋ຮົ່ງແຂັງ ໃຫ້ຮູ້ວ່າ: ປີ 2018 ແນວໂຮມ ນະຄອນຫຼວງກຳລັງສຸມໃສ່ຊີ້ນຳ ກອງປະຊຸມໃຫຍ່ຂັ້ນບ້ານ, ຕາແສງ, ກຸ່ມບ້ານ ແລະ ພະຍາຍາມ ສຳເລັດພາຍໃນ ງວດ 1 -2019

ກອງປະຊຸມໃຫຍ່ບັນດາເມືອງ ຈະພະຍາມຕໍ່ສູ້ໃຫ້ທັນໃນເດືອນ ພຶດສະພາ 2019. ເດືອນ ກໍລະກົດ 2019, ອົງການຈັດຕັ້ງ ກອງປະຊຸມໃຫຍ່ຂັ້ນນະຄອນ ແລະ ທ້າຍ ປີ 2019, ສູນກາງຈະເລີ່ມກອງປະຊຸມໃຫຍ່.

ເນື້ອໃນຈິດໃຈຂອງກອງປະຊຸມໃຫຍ່ຄັ້ງນີ້ຈະສູມໃສ່ ສຳຫຼວດກວດກາຄືນຜົນສຳເລັດສະໄໝທີ່ຜ່ານມາ, ເຮັດໃຫ້ກະຈ່າງແຈ້ງຂໍ້ຄົງຄ້າງ, ຈຸດອ່ອນ ເພື່ອປ່ຽນແປງໃໝ່ ເຂັ້ມແຂງກ່ວາເກົ່າ ໃນການເຮັດວຽກງານແນວໂຮມ, ໃນນັ້ນຖືເອົາຮາກຖານເປັນພື້ນທີ່ຫຼັກ.

（ຫັດທະບູນ）