ການຮ່ວມມືລະຫວ່າງ ແນວໂຮມຊາດ ຫວຽດນາມ ແລະ ແນວລາວສ້າງຊາດ ລາວ
 |
ກອງປະຊຸມປຶກສາຫາລື ແນວໂຮມຊາດ ຫວຽດນາມ ແລະ ແນວລາວສ້າງຊາດ. (ພາບ: ສະນັກຂ່າວຫວຽດນາມ.)
ຮອງປະທານ ກໍາມະການສູນກາງ ແນວໂຮມຊາດ ຫວຽດນາມ ເຮົ່າອາເລັ່ງ ສະແດງຄວາມປາດຖະຫນາວ່າໃນອະນາຄົດ, ທ່ານໄຊສົມພອນ ພົມວິຫານ ແລະ ຜູ້ນໍາກໍາມະການສູນກາງແນວລາວສ້າງຊາດ ຍັງສືບຕໍ່ ເອົາໃຈໃສ່ ຊີ້ນຳ, ເພີ່ມທະວີ ຈັດຕັ້ງ ຂະບວນການມິດຕະພາບ, ການຮ່ວມມື ເພື່ອໃຫ້ພົວພັນເລິກເຊິ່ງ, ເປັນນາມມະທຳ,ພິເສດແມ່ນເອົາໃຈໃສ່ດ້ານການຮ່ວມມື ແລະ ແລກປ່ຽນປະສານງານລະຫວ່າງ ອົງການຈັດຕັ້ງສັງຄົມ,ປະຊາຊົນທັງສອງປະເທດ; ສືບຕໍ່ເອົາໃຈໃສ່ ໃນການສ້າງເງື່ອນໄຂສະດວກ ໃຫ້ແກ່ ສະມາຄົມ ຊາວຫວຽດນາມ ທີ່ດໍາລົງຊີວິດ, ເຮັດວຽກ ແລະ ສຶກສາ ຢູ່ ປະເທດລາວ, ປະກອບສ່ວນເຂົ້າໃນການສ້າງສາປະເທດຊາດໃຫ້ມີຄວາມຈະເລີນ ຮຸ່ງເຮືອງ ສີວິໄລ ແລະ ປະກອບສ່ວນ ໃນການເພິ່ມທະວີ, ພັດທະນາ ສາຍສຳພັນມິດຕະພາບອັນເກົ່າແກ່, ຄວາມສາມັກຄີ ພິເສດ ແລະ ຮ່ວມມືຮອບດ້ານ ຫວຽດນາມ-ລາວ.
ທ່ານປະທານ ແນວລາວສ້າງຊາດ ທ່ານ ໄຊສົມພອນ ພົມວິຫານ ຕີລາຄາສູງ ແລະ ຊົມເຊີຍການມາຢ້ຽມຢາມ ລາວ ຂອງຄະນະ ໃນຄັ້ງນີ້. ທ່ານຍັງ ຕີລາຄາສູງ ແລະ ຊົມເຊີຍ ຜົນສຳເລັດຂອງກອງປະຊຸມເຈລະຈາ ລະຫວ່າງ ຮອງປະທານ ເຮົ່າອາເລັ່ງ ແລະ ທ່ານ ຄຳໃບ ດຳລາດ, ພິເສດແມ່ນ ວຽກງານການປະສານງານ ປະຕິບັດຖະແຫຼງການຮ່ວມ ຫວຽດນາມ - ລາວ ປີ 2017, ນອກນັ້ນຍັງຫວັງວ່າໃນອານາຄົດ, ແນວໂຮມຂອງສອງປະເທດ ຈະຮວ່ມກັນລົງທ້ອງຖິ່ນ ເຂດຊາຍແດນ ຮ່ວມກັນ. ເພື່ອຊອກຫາ ແມ່ແບບ ລວມ ແນ່ໃສ່ ສ້າງລະບົບການແກ້ໄຂບັນຫາໃຫ້ດີຂື້ນ ຄື: ການແຕ່ງງານໂດຍບໍ່ແຈ້ງອຳນາດການປົກຄອງ, ອົບພະຍົບແບບເອກະລາດ, ຄ້າຂາຍເຖື່ອນ…ໃນເຂດຊາຍແດນຂອງສອງປະເທດ.
ກ່ອນຫນ້ານັ້ນ, ໃນກອງປະຊຸມເຈລະຈາ ລະຫວ່າງ ຮອງປະທານ ເຮົ່າອາເລັ່ງ ແລະ ທ່ານ ຄຳໃບ ດຳລາດ ທັງສອງຝ່າຍ ໄດ້ລາຍງານໃຫ້ກັນແລະກັນ, ສະພາບ ເສດຖະກິດ - ສັງຄົມ ຂອງແຕ່ລະປະເທດ, ຜົນສຳເລັດຂອງການເຮັດວຽກຂອງ ແນວໂຮມ ທັງສອງ, ພ້ອມກັນນັ້ນໄດ້ ຈັດຕັ້ງປະເມີນຜົນ ແລະ ຕີລາຄາ ໜຶ່ງປີຂອງການຮ່ວມມຶ ແລະ ຈັດຕັ້ງປະຕິບັດ ເນື້ອໃນຂອງຖະແຫຼງການຮ່ວມ ຂອງກອງປະຊຸມ ສະກົນ ກ່ຽວກັບການກໍ່ສ້າງ ເສັ້ນຊາຍແດນ ສັນຕິພາບ, ມິດຕະພາບ, ຮ່ວມມຶ ຮອບດ້ານ ພ້ອມກັນພັດທະນາ ຫວຽດນາມ-ລາວ ປີ 2017.
（ຫັດທະບູນ）