ການພົບປະເຈລະຈາ ລະຫວ່າງ ຄະນະຜູ້ແທນຄະນະຊາວໜຸ່ມນະຄອນຮ່າໂນ້ຍ ແລະ ຄະນະຊາວໜຸ່ມນະຄອນຫຼວງວຽງຈັນ

ບັນຍາກາດທີ່ການພົບປະເຈລະຈາ

ເຂົ້າຮ່ວມການພົບປະເຈລະຈາດັ່ງກ່າວມີ ທ່ານ ຫງວຽນ ງອກ ຫວຽດ, ກຳມະການຄະນະປະຈຳສູນກາງຊາວໜຸ່ມ, ເລຂາຄະນະຊາວໜຸ່ມນະຄອນຮ່າໂນ້ຍ; ທ່ານນາງ ສຸມາລີ ທຳມະວົງ, ກຳມະການຄະນະບໍລິຫານງານສູນກາງຊາວໜຸ່ມ, ເລຂາຄະນະຊາວໜຸ່ມນະຄອນຫຼວງ ວຽງຈັນ ພ້ອມກັບບັນດາຜູ້ຕາງໜ້າຫ້ອງການ, ຫົວໜ່ວຍ, ບັນດາຮາກຖານຄະນະຊາວໜຸ່ມຂຶ້ນກັບ ຄະນະຊາວໜຸ່ມນະຄອນ ຮ່າໂນ້ຍ ແລະ ຄະນະປະຕິບັດງານ ຂອງ ຄະນະຊາວໜຸ່ມນະຄອນຫຼວງວຽງຈັນ.

ທີ່ການພົບປະເຈລະຈາ, ຜູ້ຕາງໜ້າຂອງສອງຄະນະຊາວໜຸ່ມນະຄອນຫຼວງໄດ້ເຫັນດີຈະສ້າງເງື່ອນໄຂເພື່ອໃຫ້ສະມາຄົມວິສາຫະກິດໜຸ່ມ ສອງປະເທດຮ່ວມດຳເນີນທຸລະກິດ, ຮ່ວມສຳພັນ, ຮ່ວມມື, ລົງທຶນພັດທະນາໃນທຸກຂົງເຂດ, ຈັດຕັ້ງບັນດາການເຄື່ອນໄຫວທີ່ມຸ່ງໄປສູ່ການສະເຫຼີມສະຫຼອງ 60 ປີ ແຫ່ງວັນສ້າງຕັ້ງການພົວພັນທາງການທູດ, 45 ປີ ແຫ່ງວັນລົງນາມສົນທິສັນຍາມິດຕະພາບການຮ່ວມມືລະຫວ່າງ ຫວຽດນາມ - ລາວ ແລະ 25 ປີ ແຫ່ງວັນລົງນາມການຮ່ວມມື, ການພົວພັນມິດຕະພາບລະຫວ່າງ ຄະນະຊາວໜຸ່ມນະຄອນຮ່າໂນ້ຍ ແລະ ຄະນະຊາວໜຸ່ມນະຄອນຫຼວງວຽງຈັນ ໃນ ປີ 2020.

（ໄຊພອນ）