ສະຖານທູດຫວຽດນາມປະຈຳ ສປປ ລາວ ອວຍພອນຄົບຮອບ 64 ປີ ແຫ່ງວັນສ້າງຕັ້ງພັກປະຊາຊົນປະຕິວັດລາວ

ວັນທີ 20 ມີນາ 2019, ຄະນະພະນັກງານສະຖານທູດຫວຽດນາມປະຈຳ ສປປ ລາວ ໂດຍທ່ານເອກອັກຄະລັດຖະທູດ ຫງວຽນບາຮຸ່ງ ນຳໜ້າ ໄດ້ໄປຢ້ຽມຢາມຄະນະພົວພັນການຕ່າງປະເທດສູນກາງພັກປະຊາຊົນປະຕິວັດລາວທີ່ນະຄອນຫຼວງວຽງຈັນເພື່ອ ອວຍພອນເນື່ອງໃນໂອກາດສະເຫຼີມສະຫຼອງ 64 ປີແຫ່ງວັນສ້າງຕັ້ງພັກປະຊາຊົນປະຕິວັດລາວ (22/3/1955-22/3/2019).

ທີ່ການພົບປະ, ທ່ານ ເອກອັກຄະລັດຖະທູດ ຫງວຽນບາຮຸ່ງ ໄດ້ສະແດງຄວາມພາກພູມໃຈ ແລະ ເອກອ້າງທະນົງໃຈຕໍ່ບັນດາໄຊຊະນະ ແລະ ຜົນງານອັນໃຫຍ່ຫຼວງຊຶ່ງປະຊາຊົນລາວອ້າຍນ້ອງຍາດມາໄດ້ໃນຕະຫຼອດພາລະກິດແຫ່ງການຕໍ່ສູ້ປົດປ່ອຍຊາດ ກໍຄືໃນໄລຍະປົກປັກຮັກສາ ແລະ ສ້າງສາປະເທດຊາດໃນໄລຍະ 64 ປີທີ່ຜ່ານມາ.

ທີ່ການພົບປະ, ທ່ານນາງ ສູນທອນ ໄຊຍະຈັກ ຫົວໜ້າຄະນະພົວພັນຕ່າງປະເທດສູນກາງພັກປະຊາຊົນປະຕິວັດລາວ ເນັ້ນໜັກວ່າສາຍພົວພັນມິດຕະພາບແບບພິເສດລະຫວ່າງລາວ-ຫວຽດນາມ ແມ່ນສາຍພົວພັນມີພຽງແຕ່ໜຶ່ງບໍ່ມີສອງໃນໂລກ. ຄະນະພົວພັນຕ່າງປະເທດສູນກາງພັກປະຊາຊົນປະຕິວັດລາວ ຈະເຮັດສຸດຄວາມສາມາດຂອງຕົນເພື່ອເພີ່ມພຸນຄູນສ້າງສາຍພົວພັນມິດຕະພາບທີ່ຍິ່ງໃຫຍ່, ສາມັກຄີແບບພິເສດ ແລະ ການຮ່ວມມືຢ່າງຮອບດ້ານລະຫວ່າງລາວ-ຫວຽດນາມ ໃຫ້ນັບມື້ນັບຂະຫຍາຍຕົວ, ແລະ ນຳຜົນປະໂຫຍດອັນແທດຈິງມາໃຫ້ແກ່ປະຊາຊົນສອງປະເທດ.

（ໄຊພອນ）