ຄຳມ່ວນ-ກວາງບິ່ງ ສືບຕໍ່ຮ່ວມມືຄຸ້ມຄອງ-ຮັກສາຫລັກໝາຍ ຊາຍແດນ

ໂອກາດດຽວກັນທັງສອງຝ່າຍ ຍັງໄດ້ຮ່ວມເຊັນບົດບັນທຶກການເພີ່ມທະວີ ບູລະນະການຮ່ວມມືມິດຕະພາບແບບພິເສດ ລະຫວ່າງ ສອງຊາດ ລາວ-ຫວຽດນາມ ກໍຄື ການພົວພັນຮ່ວມມື ຂອງສອງ ແຂວງຄຳມ່ວນ-ກວາງບິ່ງ ໃນແຕ່ລະຂັ້ນຂອງທ້ອງຖິ່ນ ທີ່ໄດ້ມີການພົວພັນປະສານງານເປັນປະຈຳ ເປັນຕົ້ນ ການພົບປະແລກປ່ຽນບັນດາຂໍ້ມູນ, ຂ່າວສານ ທີ່ພົວພັນເຖິງບັນຫາຊາຍແດນ ໂດຍສະເພາະ ແມ່ນ ການບູລະນະປົວແປງ, ກໍ່ສ້າງຫລັກໝາຍຊາຍແດນແຫ່ງຊາດ ໃນກໍລະນີທີ່ມີການເປ່ເພ, ຖືກທຳລາຍ, ຖືກເຄື່ອນຍ້າຍ ຫລື ສູນຫາຍ ຕາມທີ່ໄດ້ກຳນົດໃນມາດຕາ 7 ສັນຍາວ່າດ້ວຍ ກົດລະບຽບຄຸ້ມ ຄອງ ຊາຍ ແດນ ແລະ ດ່ານຊາຍແດນທາງບົກ ລະຫວ່າງ ລັດຖະບານແຫ່ງ ສປປ ລາວ ແລະ ລັດຖະບານ ສສ ຫວຽດນາມ ທີ່ໄດ້ຮ່ວມກັນລົງນາມໃນ​ໄລຍະຜ່ານມາ.

ພິທີເຊັນບົດບັນທຶກມອບແຜນວາດແຕ້ມຜົນສຳເລັດ ແລະ ແບ່ງຄວາມຮັບຜິດຊອບໃນການຄຸ້ມຄອງ, ປົກປັກຮັກສາຫລັກໝາຍ ຊາຍແດນແຫ່ງຊາດ ລະຫວ່າງ ແຂວງຄຳມ່ວນ ສປປ ລາວ ແລະ ແຂວງກວາງບິ່ງ ສສ ຫວຽດນາມ.

​ໃນ​ໂອກາດ​ມາ​ຢ້ຽມຢາມ ​ແລະ ​ເຮັດ​ວຽກ​ຢູ່ ​ແຂວງ​ຄຳ​ມ່ວນ ​ໃນ​ຄັ້ງນີ້, ທ່ານ ເລ ມິງ ເງິນ ພ້ອມ​ຄະນະ ​ຍັງ​ໄດ້​ເຂົ້າພົບ​ປະຢ້ຽມຢາມການນຳ ຂອງແຂວງຄຳມ່ວນ ໂດຍການຕ້ອນຮັບ ຈາກ ທ່ານ ໂອໄດ ສຸດາ ພອນ ເຈົ້າແຂວງຄຳມ່ວນ ​ແລະ ​ໄດ້ມອບເງິນຊ່ວຍເຫລືອ ຈຳນວນ 15.000 ໂດລາສະຫາລັດ ເພື່ອປະກອບສ່ວນຊ່ວຍເຫລືອ ແກ້ໄຂຊິວິດການເປັນຢູ່ຂອງປະຊາຊົນທີ່ປະສົບໄພນໍ້າຖ້ວມ ພາຍ​ໃນ​​ແຂວງຄຳ​ມ່ວນ ຕື່ມ​ອີກ.

（ແຫຼ່ງ​ຂໍ້​ມູນ​： ຂ​ປ​ລ）