ເພີ່ມທະວີການຮ່ວມມື ຮັບປະກັນຄວາມສະຫງົບ ຊາຍແດນ ຫວຽດນາມ-ລາວ

ແຂວງ ກວ໋າງບິ່ງ ແລະ ແຂວງ ສະຫວັນນະເຂດ ເຊັນສັນຍາ ຮ່ວມມືທາງດ້ານຊາຍແດນ.

ທັງສອງແຂວງ ກວ໋າງບິ່ງ ແລະ ແຂວງ ສະຫວັນນະເຂດ ຍັງຄົງຮັກສາ ສາຍພົວພັນ ຮ່ວມມື ໃນຂົງເຂດ ປ້ອງກັນປະເທດ , ຄວາມສະຫງົບ ແລະ ຊາຍແດນ ລະຫວ່າງ ອຳນາດການປົກຄອງໃນແຕ່ລະຂັ້ນໄດ້ເປັນຢ່າງດີ; ບັນດາກອງກຳລັງຮັບຜິດຊອບ; ຮັກສາລະບົບການເຮັດວຽກແບບມີການປືກສາຫາລື ເປັນປະຈຳ ຂັ້ນແຂວງ ກໍ່ຄືຂະແໜງການທີ່ກ່ຽວຂ້ອງ. ໃນຂອບເຂດຊາຍແດນລະຫວ່າງສອງປະເທດໄດ້ຮັບປະກັນຄວາມສະຫງົບ, ສະຫງົບດ້ານການເມືອງ-ເປັນລະບຽບຮຽບຮ້ອຍ ສັງຄົມມີຄວາມປອດໄພ ພາຍໃນຂອບເຂດຊາຍແດນ ໃຫ້ມີຄວາມ ໝັ້ນຄົງ ແລະ ມີສະຖຽນລະພາບ.

ທັງສອງປະເທດເພີ່ມທະວີການໂຄສະນາ, ເຜີຍແຜ່, ອົບຮົມກົດຫມາຍ ກ່ຽວກັບຊາຍແດນປະເທດໃຫ້ແກ່ພະນັກງານ, ປະຊາຊົນ ຂອງແຕ່ລະປະເທດ ກຳແໜ້ນ ແລະ ປະຕິບັດຕາມລະບຽບກົດໝາຍຢ່າງເຂັ້ມງວດ, ໂດຍຜ່ານຫຼາຍຮູບແບບ, ອັນຫຼາກຫຼາຍ. ອຳນາດການປົກຄອງຂອງແຂວງ ໃນແຕ່ລະຂັ້ນ , ໄດ້ມີນະໂຍບາຍ, ແຜນການລົງທຶນກໍ່ສ້າງພື້ນຖານໂຄງລ່າງ, ພັດທະນາເສດຖະກິດ - ສັງຄົມ, ລົບລ້າງຄວາມທຸກຍາກ ຢູ່ເຂດຊາຍແດນ, ປະກອບສ່ວນເຂົ້າໃນການປັບປຸງຊີວິດການເປັນຢູ່ຂອງປະຊາຊົນຢູ່ເຂດຊາຍແດນຂອງສອງປະເທດ.

ບົນພື້ນຖານດັ່ງກ່າວ, ສອງຝ່າຍໄດ້ປຶກສາຫາລື ແລະ ເຫັນດີເປັນເອກພາບ ເຊັນສັນຍາການຮ່ວມມືໃນຕໍ່ຫນ້າ; ໃນນັ້ນ ເນັ້ນໜັກ: ສືບຕໍ່ເສີມຂະຫຍາຍ ສາຍພົວພັນຮ່ວມມື ຢ່າງແໜ້ນແຟ້ນ, ປົກກະຕິ ແລະ ມີປະສິດທິຜົນ ລະຫວ່າງບັນດາອຳນາດການປົກຄອງ ແລະ ກອງກຳລັງຄຸ້ມຄອງ, ປົກປັກຮັກສາຊາຍແດນ; ໂຄສະນາ, ປຸກລະດົມປະຊາຊົນ ຢ່າງຕັ້ງໜ້າ ຮ່ວມປົກປັກຮັກສາຊາຍແດນ, ຫຼັກຊາຍແດນ, ຍົກສູງນ້ຳໃຈຕື່ນຕົວ, ສະກັດກັ້ນ-ຕ້ານ ອາດສະຍາກຳ ທົ່ວຂົງເຂດ ຊາຍແດນ.

（ຫັດທະບູນ）