ຫວຽດນາມ - ກໍາປູເຈຍເພີ່ມທະວີການຮ່ວມມືການຄ້າຊາຍແດນ

ລັດຖະມົນຕີກະຊວງການຄ້າກຳປູເຈຍ ທ່ານ ປານ ຊໍຣະສັກ (ຊ້າຍ) ມອບຂອງທີ່ລະລືກ ໃຫ້ທ່ານ ໂດ໋ທັ໋ງຫ້າຍ ລັດຖະມົນຕີ ກະຊວງ ອຸດສາຫະກຳ ແລະ ການຄ້າ ຫວຽດນາມ. (ພາບ: ມິງຮຶງ-ຈັນດາ ສຳນັກຂ່າວຫວຽດນາມທີ່ກຳປູເຈຍ)

ການວຽກໄດ້ດຳເນີນໄປເພື່ອຮ່ວມກັນຕີລາຄາປະເມີນຜົນ ແລະ ຊອກຫາວິທີແກ້ໄຂບັນຫາຕ່າງໆທີ່ຍັງຫຍຸ້ງຍາກ ແລະ ຄົງຄ້າງ, ສົ່ງເສີມການກໍ່ສ້າງຕະຫຼາດ ຢາ (Chợ Da), ຕະຫລາດຊາຍແດນແບບຢ່າງທຳອິດຂອງສອງປະເທດ ສຳເລັດຕາມຄາດໝາຍໃນທ້າຍປີ 2018,ກ້າວໄປສູ່ການນຳສະເຫນີແຜນການກໍ່ສ້າງຕະຫລາດຊາຍແດນອື່ນໆເພີ່ມເຕີມ, ປະກອບສ່ວນເຂົ້າໃນການພັດທະນາພື້ນຖານໂຄງລ່າງດ້ານການຄ້າຜ່ານຊາຍແດນຫວຽດນາມ - ກໍາປູເຈຍ.

ພ້ອມເວລາດຽວກັນ, ທັງສອງຝ່າຍໄດ້ປຶກສາຫາລືບາງບັນຫາທີ່ກ່ຽວກັບ "ກອງປະຊຸມການຮ່ວມມືພັດທະນາການຄ້າຊາຍແດນ ໄລຍະປີ 2018-2019" ທີ່ຄາດວ່າຈະຈັດຂຶ້ນຢູ່ກໍາປູເຈຍໃນປີ 2018 ແລະ "ແຜນການພັດທະນາການຄ້າຊາຍແດນ ຫວຽດນາມ - ກໍາປູເຈຍປີ 2025 ມີວິໄສທັດເຖິງປີ 2035. "

ທີ່ກອງປະຊຸມເຮັດວຽກ ທັງສອງຝ່າຍໄດ້ເຫັນດີເປັນເອກະພາບການຕິລາຄາ, ຄວາມສຳພັນທາງດ້ານການຄ້າ ຮ່ວມສອງຝ່າຍເວົ້າລວມ ແລະ ຄວາມສຳພັນການຄ້າຊາຍແດນຂອງສອງປະເທດເວົ້າສະເພາະ ໄດ້ມີບາດກ້າວພັດທະນາ ເປັນທີ່ຍອມຮັບ, ປະກອບສ່ວນເຂົ້າໃນການພັດທະນາເສດຖະກິດ - ສັງຄົມຂອງແຕ່ລະປະເທດ ເວົ້າສະເພາະ, ກໍ່ຄືປະກອບສ່ວນເຂົ້າໃນການເພີ່ມທະວີ ແລະ ພັດທະນາຄວາມສະພັນມິດຕະພາບ ການຮ່ວມມືລະຫວ່າງສອງປະເທດເວົ້າລວມ.

ກ່ຽວກັບການນຳສະເຫນີການສ້າງຕະຫຼາດຊາຍແດນລະຫວ່າງສອງປະເທດ, ທັງສອງຝ່າຍໄດ້ເຫັນດີເປັນເອກພາບນໍາການຕີລາຄາ, ສຳເລັດໄວກ່ອນກຳນົດ ແລະ ເປີດການນໍາໃຊ້ຕະຫຼາດ ຢາ (Chợ Da) ຢ່າງມີປະສິດທິຜົນ ຈະເປັນພື້ນຖານທີ່ສໍາຄັນສໍາລັບສອງກະຊວງທີ່ຈຳນຳ ສະເຫນີສ້າງແລະ ພັດທະນາຕະຫຼາດຊາຍແດນຕໍ່ໄປ.

ສອງຝ່າຍໄດ້ຕົກລົງທີ່ຈະສືບຕໍ່ປະສານງານນຳເອົາເນື້ອໃນຂອງການກໍ່ສ້າງຕະຫຼາດຊາຍແດນຕໍ່ໄປ ເຂົ້າໃນເນື້ອໃນການນຳສະເໜີ ແຜນການຮ່ວມມືໃຫ້ລັດຖະບານທັງສອງປະເທດ, ໂດຍສະເພາະແມ່ນ ພ້ອມກັນນຳສະເໜີກອງປະຊຸມຄັ້ງທີ 16 ຂອງຄະນະກໍາມະການປະສານງານຫວຽດນາມ ຄາດວ່າຈະໄດ້ຈັດຂຶ້ນໃນວັນທີ 16 ພຶດສະພານີ້.

ສໍາລັບ "ການຮ່ວມມືພັດທະນາການຄ້າຊາຍແດນຫວຽດນາມ - ກໍາປູເຈຍໃນໄລຍະ 2018-2019," ທັງສອງຝ່າຍເຫັນວ່າຈະບໍ່ສາມາດຈັດກອງປະຊຸມຄັ້ງທີ 16 ຂອງຄະນະກໍາມະການປະສານງານ ຫວຽດນາມ - ກໍາປູເຈຍ. ຍ້ອນວ່າທ່ານລັດຖະມົນຕີ ກະຊວງການຄ້າຂອງກໍາປູເຈຍຈະອອກໜັງສືແຈ້ງຢ່າງເປັນທາງການສົ່ງເຖິງ ຝ່າຍຫວຽດນາມກ່ຽວກັບເວລາ ແລະ ສະຖານທີ່ຈັດກອງປະຊຸມກໍ່ຄືງົບປະມານລາຍຈ່າຍລວມທີ່ກ່ຽວຂ້ອງ.

ກ່ຽວກັບ "ແຜນການພັດທະນາການຄ້າຊາຍແດນຫວຽດນາມ - ກໍາປູເຈຍເຖິງປີ 2025, ວິໄສທັດ 2035" ໂດຍລັດຖະມົນຕີ ກະຊວງອຸດສາຫະກໍາ ແລະ ການຄ້າ ຂອງຫວຽດນາມ, ລັດຖະມົນຕີການຄ້າ ປານ ຊໍຣະສັກ ກ່າວວ່າ ຈະລາຍງານຕໍ່ລັດຖະບານ ຈັດກອງປະຊຸມຂະແໜງການທີ່ກ່ຽວຂ້ອງຄົ້ນຄວ້າ, ປັບປຸງ ແລະ ແລກປ່ຽນກັບຝ່າຍຫວຽດນາມເພື່ອໃຫ້ທັງສອງຝ່າຍສຳເລັດໃນແຜນງານດ້ານເອກສານ ແລະ ເຊັນອະນຸມັດໂດຍໄວ.

ອີງຕາມວາລະ, ແຕ່ວັນທີ 10 ຫາ 10 ເດືອນພຶດສະພາ, ຄະນະຮັບຜິດຊອບ ຂອງ ກະຊວງອຸດສາຫະກໍາ ແລະ ການຄ້າຈະລົງເຮັດວຽກຕົວຈິງ ກັບຫົວໜ່ວຍຮັບເໝົາກໍ່ສ້າງ ຕະຫຼາດ ຢາ ແລະອົງການປົກຄອງຂອງທັງສອງຝ່າຍເພື່ອກວດກາເບິ່ງຄວາມຄືບຫນ້າຂອງການກໍ່ສ້າງ.

ຄວາມສຳພັນ "ບ້ານໄກ້ເຮືອນຄຽງ, ມິຕະພາບອັນເກົ່າແກ່, ການຮ່ວມມືຮອບດ້ານ, ແບບຍືນຍົງໃນໄລຍະຍາວ." ຫວຽດນາມ - ກໍາປູເຈຍ ແມ່ນກຳລັງຢູ່ໃນໄລຍະທີ່ດີ. ການນຳເຂົ້າສົ່ງອອກລະຫວ່າງສອງປະເທດໃນປີ 2017 ບັນລຸ 3,8 ຕື້ໂດລາ, ເພີ່ມຂຶ້ນ 25% ທຽບໃສປີ 2016.

ທັງສອງຝ່າຍໄດ້ສະແດງຄວາມຕັດສິນໃຈທີ່ຈະສົ່ງເສີມກິດຈະກໍາການຄ້າຢູ່ຊາຍແດນຂອງສອງປະເທດ ເຊິ່ງປະກອບສ່ວນໃຫ້ການນຳເຂົ້າສົ່ງອອກຂອງສອງ ຝ່າຍ ບັນລູໄດ້ 5 ຕື້ໂດລາໂດຍໄວໃນອະນາຄົດອັນໃກ້ນີ້.

（ຫັດທະບູນ）