ສື່ມວນຊົນໄທ ຕີລາຄາສູງຕໍ່ການເດີນທາງມາຢ້ຽມຢາມ ປະເທດ ຫວຽດນາມ ຂອງ ທ່ານນາຍົກລັດຖະມົນຕີ Anutin Charnvirakul

	ເພື່ອນມິດສາກົນຕີລາຄາສູງຕໍ່ບົດບາດຂອງ ປະເທດ ຫວຽດນາມ ພາຍໃດການກຳນົດທິດທາງອະນາຄົດຂອງ ASEAN
	ປະເທດ ໄທ ຊຸກຍູ້ການຫັນບັນດາຂໍ້ຕົກລົງຮ່ວມມືຮ່ວມກັບ ຫວຽດນາມ ໃຫ້ເປັນຮູບປະທຳ

ອີງຕາມ ບົດລາຍງານຂອງ ໜັງສືພິມເຍີນເຢີນ, ບັນດາອົງການສື່ມວນຊົນໄທ ໄດ້ຮັບຮູ້ວ່າ ການເດີນທາງມາຢ້ຽມຢາມ ປະເທດ ຫວຽດນາມ ຢ່າງເປັນທາງການເປັນຄັ້ງທຳອິດ ຂອງ ທ່ານນາຍົກລັດຖະມົນຕີ ອະນຸທິນຊານວີຣະກູນ ແມ່ນໄດ້ດຳເນີນໄປພາຍໃດສະພາບການອັນພິເສດ, ເຊິ່ງແມ່ນທັນທີພາຍຫຼັງການເດີນທາງໄປຢ້ຽມຢາມ ປະເທດ ໄທ ຢ່າງເປັນທາງການ ຂອງ ທ່ານເລຂາທິການໃຫຍ່, ປະທານປະເທດ ໂຕເລິມ ແລະ ເພຍລະຍາ ພ້ອມດ້ວຍຄະນະຜູ້ແທນຂັ້ນສູງ ປະເທດ ຫວຽດນາມ ໃນທ້າຍເດືອນພຶດສະພາ 2026 ທີ່ຜ່ານມານີ້.

ສື່ມວນຊົນໄທ ຖືວ່າ ການເດີນທາງມາຢ້ຽມຢາມໃນຄັ້ງນີ້ ແມ່ນຂີດໝາຍອັນສຳຄັນ, ເຊິ່ງເປັນການສືບຕໍ່ບັນດາຜົນສຳເລັດທີ່ບັນລຸໄດ້ ພາຍໃດການແລກປ່ຽນຂັ້ນສູງລະຫວ່າງສອງປະເທດ, ໃນຂະນະດຽວກັນ ກໍສະແດງໃຫ້ເຫັນເຖິງຄວາມມານະພະຍາຍາມຂອງ ປະເທດ ຫວຽດນາມ ແລະ ປະເທດ ໄທ ພາຍໃດການຊຸກຍູ້ສາຍພົວພັນຄູ່ຮ່ວມມືຍຸດທະສາດຮອບດ້ານ, ເປັນພິເສດແມ່ນຢູ່ພາຍໃດໄລຍະທີ່ສອງປະເທດພວມຮ່ວມກັນສະເຫຼີມສະຫຼອງວັນສ້າງຕັ້ງສາຍພົວພັນການທູດ ປະເທດ ຫວຽດນາມ - ປະເທດ ໄທ ຄົບຮອບ 50 ປີ (1976-2026).

ສື່ NBT ລົງຂ່າວກ່ຽວກັບ ທ່ານເລຂາທິການໃຫຍ່, ປະທານປະເທດ ໂຕເລິມ ຕ້ອນຮັບ ທ່ານນາຍົກລັດຖະມົນຕີ Anutin Charnvirakul.

ສະຖານີວິທະຍຸ ແລະ ໂທລະພາບແຫ່ງຊາດໄທ (NBT) ໄດ້ລົງຂ່າວຢ່າງລະອຽດກ່ຽວກັບບັນດາກິດຈະກຳພາຍໃດຂອບເຂດການເດີນທາງມາຢ້ຽມຢາມ, ພາຍໃດນັ້ນມີວາລະຕ້ອນຮັບລະຫວ່າງ ທ່ານເລຂາທິການໃຫຍ່, ປະທານປະເທດ ໂຕເລິມ ແລະ ທ່ານນາຍົກລັດຖະມົນຕີ Anutin Charnvirakul. ອີງຕາມສື່ NBT, ຢູ່ພາຍໃດວາລະຕ້ອນຮັບດັ່ງກ່າວ, ການນຳສອງປະເທດໄດ້ແລກປ່ຽນຄຳເຫັນກ່ຽວກັບທິດທາງການຮ່ວມມື, ພ້ອມທັງຢືນຢັນຄຳໝັ້ນສັນຍາທີ່ຈະສືບຕໍ່ຊຸກຍູ້ສາຍພົວພັນຄູ່ຮ່ວມມືຍຸດທະສາດຮອບດ້ານ ໂດຍຜ່ານບັນດາກົນໄກການຮ່ວມມືທີ່ມີຢູ່ໃນປັດຈຸບັນ, ພາຍໃດນັ້ນມີການປະຊຸມຄະນະລັດຖະມົນຕີຮ່ວມ.

ສື່ NBT ຍັງໄດ້ເນັ້ນໜັກວ່າ ສອງຝ່າຍໄດ້ເຫັນດີເປັນເອກະພາບກັນທີ່ຈະຊຸກຍູ້ຍຸດທະສາດ "ສາມການເຊື່ອມຕໍ່", ມານະພະຍາຍາມຊຸກຍູ້ມູນຄ່າການຄ້າທະວິພາຄີໃຫ້ບັນລຸຫຼາຍກວ່າ 25 ຕື້ USD. ຄຽງຄູ່ກັບການຮ່ວມມືທາງດ້ານເສດຖະກິດແລ້ວ, ການນຳສອງປະເທດກໍໄດ້ຕົກລົງເຫັນດີທີ່ຈະເພີ່ມທະວີການຮ່ວມມືພາຍໃດຂົງເຂດການປ້ອງກັນຊາດ, ຄວາມໝັ້ນຄົງ, ການລົງທຶນ ແລະ ບາງຂົງເຂດທີ່ທັງສອງຝ່າຍມີຄວາມສົນໃຈຮ່ວມກັນ.

ພາຍໃດຂໍ້ມູນຂ່າວສານກ່ຽວກັບພິທີຕ້ອນຮັບຢ່າງເປັນທາງການ ແລະ ວາລະເຈລະຈາລະຫວ່າງ ທ່ານນາຍົກລັດຖະມົນຕີ ເລມິງຮຶງ ແລະ ທ່ານນາຍົກລັດຖະມົນຕີ Anutin Charnvirakul, ສື່ NBT ໃຫ້ຮູ້ວ່າ ຜູ້ນຳທັງສອງທ່ານໄດ້ເຫັນດີເປັນເອກະພາບກັນ ທີ່ຈະສືບຕໍ່ເສີມຂະຫຍາຍບົດບາດຢ່າງມີປະສິດທິຜົນ ຂອງບັນດາກົນໄກການຮ່ວມມືທະວິພາຄີທີ່ມີຢູ່ໃນປັດຈຸບັນ ແນໃສ່ນຳພາສາຍພົວພັນຄູ່ຮ່ວມມືຍຸດທະສາດຮອບດ້ານ ປະເທດ ຫວຽດນາມ - ປະເທດ ໄທ ໃຫ້ມີການຂະຫຍາຍຕົວຢ່າງເປັນຮູບປະທຳຍິ່ງໆຂຶ້ນພາຍໃດໄລຍະຕໍ່ໜ້າ.

ອີງຕາມສື່ມວນຊົນໄທ ໃຫ້ຮູ້ວ່າ, ການຮ່ວມມືທາງດ້ານເສດຖະກິດແມ່ນເນື້ອໃນຈຸດສຸມອັນດັບໜຶ່ງ ຢູ່ພາຍໃດວາລະເຈລະຈາ. ສອງຝ່າຍໄດ້ແລກປ່ຽນກ່ຽວກັບການເຊື່ອມຕໍ່ຕ່ອງໂສ້ອຸປະທານ, ການຮ່ວມມືເສດຖະກິດລະຫວ່າງທ້ອງຖິ່ນ, ການພັດທະນາແບບຍືນຍົງ, ການສ້າງເງື່ອນໄຂອັນສະດວກໃຫ້ແກ່ການຄ້າ ແລະ ການລົງທຶນ. ທ່ານນາຍົກລັດຖະມົນຕີທັງສອງທ່ານ ຍັງໄດ້ຍົກເຖິງການເປີດກວ້າງການຮ່ວມມືພາຍໃດການປ້ອງກັນ, ຕ້ານອາຍາຊະຍາກຳຂ້າມຊາດ, ຄວາມໝັ້ນຄົງທາງທະເລ, ການເຊື່ອມໂຍງດ້ານຄົມມະນາຄົມ ແລະ ການພັດທະນາອະນຸພາກພື້ນແມ່ນ້ຳຂອງ, ໃນຂະນະດຽວກັນ ກໍເນັ້ນໜັກເຖິງຄວາມໝາຍອັນສຳຄັນຂອງຄວາມສາມັກຄີ ASEAN ແລະ ການເຊື່ອມຕໍ່ພາຍໃດພາກພື້ນ.

ຂ່າວ ທ່ານປະທານສະພາແຫ່ງຊາດ ເຈີນແທັງເໝິນ ພົບປະຮ່ວມກັບ ທ່ານນາຍົກລັດຖະມົນຕີ Anutin Charnvirakul ຢູ່ບົນສື່ NBT.

ໜຶ່ງພາຍໃດເນື້ອໃນທີ່ໜ້າສົນໃຈອື່ນໆ ທີ່ສື່ມວນຊົນໄທໄດ້ຍົກເຖິງ ແມ່ນການຮ່ວມມືອະນຸລັກສັດປ່າ, ພາຍໃດນັ້ນມີການທີ່ ປະເທດ ໄທ ສົ່ງມອບນົກກະຮຽນຫົວແດງ ໃຫ້ແກ່ ປະເທດ ຫວຽດນາມ. ນີ້ແມ່ນຂົງເຂດການຮ່ວມມືທີ່ມີຄວາມໝາຍທາງດ້ານສິ່ງແວດລ້ອມ, ການອະນຸລັກຄວາມຫຼາກຫຼາຍທາງຊີວະພາບ ແລະ ການພັດທະນາແບບຍືນຍົງ.

ສື່ NBT ຍັງໄດ້ລົງຂ່າວກ່ຽວກັບວາລະພົບປະລະຫວ່າງ ທ່ານປະທານສະພາແຫ່ງຊາດ ເຈີນແທັງເໝິນ ແລະ ທ່ານນາຍົກລັດຖະມົນຕີ Anutin Charnvirakul. ສອງຝ່າຍໄດ້ແລກປ່ຽນກ່ຽວກັບການຮ່ວມມືບົນຊ່ອງທາງນິຕິບັນຍັດ, ພາຍໃດນັ້ນມີການຈັດຕັ້ງປະຕິບັດບົດບັນທຶກຄວາມເຂົ້າໃຈ (MOU) ວ່າດ້ວຍການຮ່ວມມື ລະຫວ່າງ ສະພາຕໍ່າໄທ ແລະ ສະພາແຫ່ງຊາດຫວຽດນາມ, ກໍຄືການເພີ່ມທະວີການແລກປ່ຽນລະຫວ່າງ ກຸ່ມສະມາຊິກສະພາແຫ່ງຊາດມິດຕະພາບ ຂອງສອງປະເທດ. ສອງຝ່າຍຍັງໄດ້ຍົກເຖິງການຮ່ວມມືຢູ່ພາຍໃດບັນດາເວທີປາໄສສະພາແຫ່ງຊາດພາກພື້ນ ແລະ ສາກົນ, ພ້ອມກັບສາຍພົວພັນການແລກປ່ຽນລະຫວ່າງປະຊາຊົນທີ່ມີມາແຕ່ດົນນານ ລະຫວ່າງ ປະເທດ ຫວຽດນາມ ແລະ ປະເທດ ໄທ.

ໜັງສືພິມ Bangkok Post ໄດ້ລົງຂ່າວວ່າ ທ່ານນາຍົກລັດຖະມົນຕີ Anutin Charnvirakul ໄດ້ພົບປະຮ່ວມກັບຕົວແທນວິສາຫະກິດ ແລະ ນັກລົງທຶນໄທຫຼາກຫຼາຍທ່ານ ທີ່ພວມດຳເນີນທຸລະກິດຢູ່ ປະເທດ ຫວຽດນາມ ພາຍໃດຂົງເຂດຕ່າງໆ ເປັນຕົ້ນແມ່ນ ກະສິກຳ, ການຂາຍຍ່ອຍ, ການເງິນ, ພະລັງງານ, ການຜະລິດ ແລະ ການກໍ່ສ້າງ. ຢູ່ພາຍໃດບັນດາການພົບປະດັ່ງກ່າວ, ທ່ານນາຍົກລັດຖະມົນຕີໄທ ໄດ້ຢືນຢັນຄຳໝັ້ນສັນຍາທີ່ຈະເພີ່ມທະວີສາຍພົວພັນທາງດ້ານເສດຖະກິດທະວິພາຄີ ແລະ ສະໜັບສະໜູນບັນດານັກລົງທຶນໄທ ຢູ່ພາຍໃດ ປະເທດ ຫວຽດນາມ.

ອີງຕາມສື່ Bangkok Post, ທ່ານນາຍົກລັດຖະມົນຕີ Anutin Charnvirakul ຖືວ່າ ພື້ນຖານເສດຖະກິດຂອງ ປະເທດ ຫວຽດນາມ ແລະ ປະເທດ ໄທ ແມ່ນມີຈຸດແຂງທີ່ສາມາດຊ່ວຍເຕີມເຕັມໃຫ້ແກ່ກັນແລະກັນໄດ້, ສະນັ້ນ ຈຶ່ງຈຳເປັນຕ້ອງສຸມໃສ່ເປີດກວ້າງການຮ່ວມມືດ້ານການຄ້າ, ການລົງທຶນ ແລະ ຕ່ອງໂສ້ອຸປະທານ. ຜູ້ນຳໄທ ໄດ້ຕີລາຄາວ່າ ປະເທດ ຫວຽດນາມ ແມ່ນນັບມື້ນັບມີບົດບາດອັນສຳຄັນພາຍໃດຕ່ອງໂສ້ອຸປະທານການຜະລິດທົ່ວໂລກ, ໃນຂະນະ dຽວກັນ ປະເທດ ໄທ ກໍມີຈຸດແຂງທາງດ້ານອຸດສາຫະກຳ, ການບໍລິການ, ໂລຈິສຕິກສ໌ (Logistics) ແລະ ການເຊື່ອມຕໍ່ພາຍໃດພາກພື້ນ.

ກໍອີງຕາມສື່ Bangkok Post ໃຫ້ຮູ້ວ່າ, ພາຍໃດຂອບເຂດການເດີນທາງມາຢ້ຽມຢາມ, ທ່ານນາຍົກລັດຖະມົນຕີ ອະນຸທິນຊານວີຣະກູນ ໄດ້ເຂົ້າຮ່ວມເປັນສັກຂີພະຍານ ພາຍໃດພິທີແລກປ່ຽນເອກະສານຄວາມຮ່ວມມື ລະຫວ່າງ ບັນດາກຸ່ມບໍລິສັດໃຫຍ່ຂອງ ໄທ ແລະ ຫວຽດນາມ ພາຍໃດຂົງເຂດການພັດທະນາເຂດອຸດສາຫະກຳອັດສະລິຍະ ແລະ ການປະຍຸກໃຊ້ເຕັກໂນໂລຊີປັນຍາປະດິດ (AI). ບັນດາຕົວແທນວິສາຫະກິດໄທ ຕ່າງກໍຖືວ່າ ຍັງມີໂອກາດອີກຫຼວງຫຼາຍ ເພື່ອເປີດກວ້າງການເຄື່ອນໄຫວ ແລະ ເພີ່ມທະວີການຮ່ວມມືຮ່ວມກັບບັນດາຄູ່ຮ່ວມມື ຫວຽດນາມ.

ພົວພັນເຖິງເວທີປາໄສອະນາຄົດ ASEAN ຄັ້ງທີສາມ, ໜັງສືພິມ The Nation ໃຫ້ຮູ້ວ່າ ເຫດການດັ່ງກ່າວແມ່ນຈັດຂຶ້ນໂດຍ ປະເທດ ຫວຽດນາມ ເປັນເຈົ້າພາບ ພາຍໃຕ້ຫົວຂໍ້ “ຮ່ວມກັນກຳນົດທິດທາງອະນາຄົດຮ່ວມ: ສັນຕິພາບ, ຄວາມວັດທະນາຖາວອນ, ເອົາມະນຸດເປັນສູນກາງ”, ໂດຍມີການເຂົ້າຮ່ວມຂອງການນຳຈາກ ປະເທດ ລາວ, ກຳປູເຈຍ, ໄທ ແລະ Timor-Leste.

ສື່ ເດິ ເນຊັ່ນ ໄດ້ຖອດຄຳປາໄສຂອງ ທ່ານນາຍົກລັດຖະມົນຕີ Anutin Charnvirakul ຢູ່ພາຍໃດວາລະເປີດສາກ, ພາຍໃດນັ້ນຜູ້ນຳໄທ ໄດ້ຕີລາຄາສູງຕໍ່ກັບບົດບາດເຈົ້າພາບຂອງ ປະເທດ ຫວຽດນາມ ແລະ ຖືວ່າ ເວທີປາໄສອະນາຄົດ ASEAN ໄດ້ກາຍມາເປັນພື້ນຖານອັນສຳຄັນ ເພື່ອໃຫ້ບັນດາປະເທດຮ່ວມກັນແລກປ່ຽນກ່ຽວກັບອະນາຄົດຂອງພາກພື້ນ. ທ່ານໄດ້ສະແດງຄວາມເຊື່ອໝັ້ນວ່າ ASEAN ມີຄວາມສາມາດພຽງພໍພາຍໃດການຮັບມືກັບບັນດາສິ່ງທ້າທາຍ ແລະ ຍາດແຍ່ງເອົາໂອກາດຕ່າງໆ ພາຍໃດສະພາບການຂອງພາກພື້ນ ກໍຄືໂລກທີ່ມີການຜັນແປຢ່າງຫຼວງຫຼາຍ.

ທ່ານນາຍົກລັດຖະມົນຕີ Anutin Charnvirakul ໄດ້ເນັ້ນໜັກວ່າ ASEAN ຈຳເປັນຕ້ອງເສີມຂະຫຍາຍບັນດາຈຸດແຂງທາງດ້ານສະຖຽນລະພາບ, ການເຊື່ອມຕໍ່ ແລະ ຄວາມໄວ້ເນື້ອເຊື່ອໃຈ ແນໃສ່ຮັບປະກັນບົດບາດໃຈກາງ, ຊຸກຍູ້ສັນຕິພາບ, ຄວາມໝັ້ນຄົງ ແລະ ຮັກສາຂອບເຂດທີ່ເປີດກວ້າງສຳລັບການຮ່ວມມື. ຕາມທ່ານແລ້ວ, ຄວາມສາມາດພາຍໃດການກຸ້ມຕົນເອງ ແລະ ຟື້ນໂຕ ຈະແມ່ນພື້ນຖານອັນສຳຄັນໃຫ້ແກ່ຄວາມວັດທະນາຖາວອນ ຂອງ ASEAN ພາຍໃດອະນາຄົດ.

ຜູ້ນຳໄທ ຍັງຖືວ່າ ASEAN ຈຳເປັນຕ້ອງເລັ່ງລັດການເຊື່ອມໂຍງທາງດ້ານເສດຖະກິດ ແລະ ການເຊື່ອມຕໍ່ໃນທຸກໆດ້ານ, ມຸ່ງໜ້າສູ່ບັນດາຜົນປະໂຫຍດຕົວຈິງໃຫ້ແກ່ປະຊາຊົນ. ຄຽງຄູ່ກັນນັ້ນ, ພາກພື້ນກໍຈຳເປັນຕ້ອງເພີ່ມທະວີການຮ່ວມມືພາຍໃດການຮັບມືກັບໄພພິບັດທາງທຳມະຊາດ, ການປ້ອງກັນ ແລະ ຕ້ານການສໍ້ໂກງທາງອອນລາຍ, ການລົງທຶນໃຫ້ແກ່ການສຶກສາ, ການພັດທະນາທັກສະ, ລະບົບສາທາລະນະສຸກ ກໍຄືສະຫວັດດິການສັງຄົມ.

ທ່ານນາຍົກລັດຖະມົນຕີ Anutin Charnvirakul ໄດ້ຢືນຢັນວ່າ ປະເທດ ໄທ ພ້ອມແລ້ວທີ່ຈະຮ່ວມມືຮ່ວມກັບບັນດາປະເທດສະມາຊິກ ASEAN ແລະ ບັນດາຄູ່ຮ່ວມມື ເພື່ອຫັນວິໄສທັດຮ່ວມໃຫ້ກາຍເປັນຜົນສຳເລັດຕົວຈິງ ຢ່າງເປັນຮູບປະທຳ.

ການເດີນທາງມາຢ້ຽມຢາມ ປະເທດ ຫວຽດນາມ ຢ່າງເປັນທາງການ ແລະ ການເຂົ້າຮ່ວມເວທີປາໄສອະນາຄົດ ASEAN ຄັ້ງທີສາມ ຂອງ ທ່ານນາຍົກລັດຖະມົນຕີ ອະນຸທິນຊານວີຣະກູນ ແມ່ນໄດ້ຮັບການຕີລາຄາຈາກສື່ມວນຊົນໄທ ວ່າແມ່ນກິດຈະກຳດ້ານການຕ່າງປະເທດທີ່ມີຄວາມໝາຍອັນສຳຄັນຍິ່ງ, ປະກອບສ່ວນເຂົ້າໃສ່ການຮັດແໜ້ນຄວາມໄວ້ເນື້ອເຊື່ອໃຈທາງດ້ານການເມືອງ, ເປີດກວ້າງການຮ່ວມມືທາງດ້ານເສດຖະກິດ, ເພີ່ມທະວີການເຊື່ອມຕໍ່ລະຫວ່າງປະຊາຊົນ ແລະ ຊຸກຍູ້ບົດບາດຂອງ ປະເທດ ຫວຽດນາມ, ປະເທດ ໄທ ພາຍໃດວິວັດທະນາການແຫ່ງການກໍ່ສ້າງປະຊາຄົມ ASEAN.

ປະເທດ ຫວຽດນາມ ສະເໜີໃຫ້ ຍີ່ປຸ່ນ ມຸ່ງໜ້າສູ່ການຍົກເວັ້ນວີຊາໃຫ້ແກ່ພົນລະເມືອງ ຫວຽດນາມ ຍສໝ - ພາຍໃດບັນດາວາລະການເຮັດວຽກຮ່ວມກັບການນຳສະພາແຫ່ງຊາດ, ລັດຖະບານ ແລະ ບັນດາອົງການຈັດຕັ້ງຂອງ ຍີ່ປຸ່ນ ນັບຕັ້ງແຕ່ວັນທີ 8-10 ມິຖຸນາ ຢູ່ທີ່ Tokyo (ຍີ່ປຸ່ນ), ທ່ານຮອງນາຍົກລັດຖະມົນຕີ ເລຕ໋ຽນເຈົາ ໄດ້ສະເໜີໃຫ້ຝ່າຍ ຍີ່ປຸ່ນ ສືບຕໍ່ເຮັດໃຫ້ຂັ້ນຕອນການເດີນທາງເຂົ້າເມືອງມີຄວາມງ່າຍດາຍຂຶ້ນ, ມຸ່ງໜ້າສູ່ການຍົກເວັ້ນວີຊາໃຫ້ແກ່ພົນລະເມືອງ ຫວຽດນາມ, ໃນຂະນະດຽວກັນ ກໍຊຸກຍູ້ການຮ່ວມມືພາຍໃດຂົງເຂດໃໝ່ໆ ເປັນຕົ້ນແມ່ນ ປັນຍາປະດິດ (AI), ...

ຈົດໝາຍອວຍພອນນາຍົກລັດຖະມົນຕີ ລາຊະອານາຈັກໄທ Anutin Charnvirakul ຍສໝ -​ ​ເນື່ອງ​ໃນ​ໂອກາດ​ທີ່​ທ່ານ Anutin Charnvirakul ໄດ້​ຮັບ​ການ​ອະນຸມັດ​ຈາກ​ກະສັດ​ແຫ່ງລາຊະອານາຈັກໄທ ​ເປັນ​ນາຍົກລັດຖະມົນຕີ, ວັນ​ທີ 8 ກັນຍາ​ນີ້, ທ່ານ​ນາຍົກລັດຖະມົນຕີ ຟ້າ​ມມິງຈິງ ໄດ້​ສົ່ງ​ຈົດໝາຍ​ອວຍພອນ.