ຟົດຟື້ນການແຂ່ງຂັນເຕະບານຮັດແໜ້ນຄວາມສາມັກຄີຂອງຊຸມຊົນຄົນຫວຽດນາມ ຢູ່ ແຂວງ ອີຊິກາວະ (ປະເທດຍີ່ປຸ່ນ)

	ເທດສະການວັດທະນະທຳຫວຽດນາມ ຢູ່ໂອຊາກ້າ, ປະເທດຍີ່ປຸ່ນ ຈຳລອງພິທີໄຫວ້ບູຊາບັນພະບຸລຸດເຈົ້າຊີວິດຮຸ່ງ ທີ່ເຕັມໄປດ້ວຍຄວາມຕື້ນຕັນໃຈ ແລະ ແຜ່ຂະຫຍາຍຢ່າງກວ້າງຂວາງ
	ປະເທດຍີ່ປຸ່ນ ສົ່ງສິນຄ້າຊ່ວຍເຫຼືອສຸກເສີນ ເພື່ອຊ່ວຍເຫຼືອຫວຽດນາມ ຜ່ານຜ່າຜົນ​ຮ້າຍຂອງພາຍຸນໍ້າຖ້ວມ.

ການແຂ່ງຂັນທີ່ມີຊື່ວ່າ FAVIJA HOKURIKU CUP 2026 ໄດ້ຮັບການຈັດຕັ້ງໂດຍ ອົງການແລກປ່ຽນສາກົນ ຫວຽດນາມ ຍີ່ປຸ່ນ (FAVIJA). 16 ທີມບານເຕະສະມັກເລ່ນຂອງຄົນຫວຽດນາມ ໄດ້ແບ່ງອອກເປັນ 4 ສາຍ, ແຂ່ງຂັນແບບພົບກັນໝົດໃນສາຍໃນເວລາທຳກັນຢູ່ 4 ສະໜາມ ກ່ອນທີ່ຈະດຳເນີນການແຂ່ງຂັນແບບຂັດອອກໂດຍກົງ.

ຕາມທ່ານ ເລແທັງຕຸ່ງ, ຫົວໜ້າຄະນະກຳມະການຈັດການແຂ່ງຂັນ: ນີ້ແມ່ນການແຂ່ງຂັນປະຈຳປີ ໂດຍ FAVIJA ຈັດຕັ້ງຢູ່ເຂດ Hokuriku ເຊິ່ງໄດ້ຮັບການຄອຍຖ້າຈາກບັນດາຊາວໜຸ່ມທີ່ມີຄວາມມັກຮັກໃນກິລາເຕະບານ. ການແຂ່ງຂັນບໍ່ພຽງແຕ່ແມ່ນສະໜາມຫຼິ້ນກິລາເພື່ອເຝິກຝົນຫຼໍ່ຫຼອມສຸຂະພາບເທົ່ານັ້ນ, ແຕ່ຍັງແມ່ນໂອກາດເພື່ອໃຫ້ບັນດາຊາວໜຸ່ມຄົນຫວຽດນາມ ທີ່ຢູ່ຫ່າງໄກຈາກບ້ານເກີດເມືອງນອນ ມີໂອກາດໄດ້ພົບປະແລກປ່ຽນນຳກັນ, ເພີ່ມທະວີຄວາມສາມັກຄີ ແລະ ຊ່ວຍເຫຼືອເຊິ່ງກັນແລະກັນ ຢູ່ເທິງດິນແດນຂອງເພິ່ນ.

ບັນດານັກກິລາແຂ່ງຂັນຢູ່ເທິງສະໜາມ. (ຮູບ: FAVIJA)

ທ່ານ ຊິມະ ໂຢອິຈິ, ຜູ້ນໍາພາ ບໍລິສັດຫຸ້ນສ່ວນ Wise ມາຮອດສະໜາມເພື່ອຮ່ວມເຊຍ ໃຫ້ຮູ້ວ່າ: "ບໍລິສັດພວກເຮົາ ມີພະນັກງານເປັນຄົນຫວຽດນາມ ເປັນຈຳນວນຫຼວງຫຼາຍ. ພວກເຮົາບໍ່ພຽງແຕ່ເອົາໃຈໃສ່ຕໍ່ກັບວຽກງານເທົ່ານັ້ນ ແຕ່ຍັງເອົາໃຈໃສ່ເຖິງຊີວິດການເປັນຢູ່ທາງດ້ານຈິດໃຈຂອງທຸກໆຄົນອີກດ້ວຍ. ພວກເຮົາຫວັງວ່າ, ບັນດາເພື່ອນພະນັກງານຄົນຫວຽດນາມ ຈະສາມາດອຸ່ນອ່ຽນທຸ່ນທ່ຽງ, ມີຄວາມເບີກບານມ່ວນຊື່ນ ຕະຫຼອດໄລຍະເວລາທີ່ດຳເນີນຊີວິດຢູ່ ຍີ່ປຸ່ນ. ພວກເຮົາຕີລາຄາສູງຕໍ່ບົດບາດ ແລະ ຄວາມໝາຍຂອງບັນດາເຫດການກິລາແລກປ່ຽນໃນຊຸມຊົນ ຄືດັ່ງການແຂ່ງຂັນເຕະບານໃນຄັ້ງນີ້. ຜ່ານກິລາເຕະບານ, ທຸກສິ່ງກີດຂວາງທາງດ້ານວັດທະນະທຳ, ພາສາ ແມ່ນລ້ວນແຕ່ໄດ້ຮັບການແກ້ໄຂ. ສາຍພົວພັນລະຫວ່າງເພື່ອນຮ່ວມງານ ກໍນັບມື້ນັບມີຄວາມສະໜິດສະໜົມກັນຍິ່ງຂຶ້ນ, ໄລຍະຫ່າງລະຫວ່າງພະນັກງານ ແລະ ຂັ້ນເທິງ ກໍນັບມື້ນັບໃກ້ຊິດຕິດແທດ, ມີຄວາມເຂົ້າອົກເຂົ້າໃຈ ແລະ ຮັກແພງກັນຫຼາຍຂຶ້ນ".

ຂັນລາງວັນຊະນະເລີດ ແມ່ນຕົກເປັນຂອງ ທີມ FC Ba Mien. (ຮູບ: FAVIJA)

ຫຼັງຈາກການແຂ່ງຂັນເປັນເວລາໜຶ່ງວັນ, ຂັນລາງວັນຊະນະເລີດ ແມ່ນຕົກເປັນຂອງ ທີມ FC Ba Mien, ຮອງຊະນະເລີດ ແມ່ນຕົກເປັນຂອງ ທີມ FC IIKANJI, 2 ທີມຮ່ວມອັນດັບສາມ ແມ່ນ ທີມ FC Komatsu ແລະ ທີມ FC Chat.

ຄະນະກຳມະການຈັດການແຂ່ງຂັນ ຍັງໄດ້ມອບລາງວັນສ່ວນບຸກຄົນໃຫ້ແກ່ ນັກກິລາ ຫງວຽນມິງຮວາງນາມມະຍົດດາວຢິງສູງສຸດ, ນັກກິລາ ເຈີນວັນຊາງ ໄດ້ຮັບນາມມະຍົດຜູ້ຮັກສາປະຕູດີເດັ່ນ ແລະ ນັກກິລາ ເຈີນວັນດາດ ໄດ້ຮັບລາງວັນນັກກິລາດີເດັ່ນ ເຊິ່ງທັງໝົດແມ່ນສັງກັດຢູ່ ທີມ FC Ba Mien.

ທ່ານ ໂດ໋ກວາງບາ, ປະທານ FAVIJA ມອບນາມມະຍົດນັກກິລາດີເດັ່ນ. (ຮູບ: FAVIJA)

ຕາມທ່ານ ໂດ໋ກວາງບາ, ປະທານ FAVIJA ໃຫ້ຮູ້ວ່າ, 4 ທີມບານເຕະທີ່ໄດ້ຮັບລາງວັນ ແມ່ນຈະໄດ້ຮັບສິດເຂົ້າຮ່ວມມະຫາກຳກິລາເຕະບານຊີງຂັນລາງວັນຊະນະເລີດທົ່ວປະເທດຂອງຄົນຫວຽດນາມ ຢູ່ ຍີ່ປຸ່ນ ເຊິ່ງຈະຈັດຕັ້ງຂຶ້ນໃນກາງເດືອນພະຈິກປີນີ້ ຢູ່ທີ່ ໂຕກຽວ ເມືອງຫຼວງ.

ເປີດງານເຫດການແລກປ່ຽນວັດທະນະທຳ ຫວຽດນາມ-ຈີນ ປີ 2025 ຢູ່ ແຂວງ ຢຸນນານ, ຈີນ ຍສໝ - ຕອນ​ຄ່ຳ​ວັນ​ທີ 13 ມັງກອນ​, ພິທີເລີ່ມຕົ້ນການເຄື່ອນໄຫວພົບ​ປະ​ແລກປ່ຽນມະນຸດສະທຳ ແລະ​ ງານມະໂຫລານ​ປະຊາຊົນ​ເຂດ​ຊາຍ​ແດນ​ ຫວຽດນາມ - ຈີນ 2025 ​ໄດ້​ດຳເນີນ​ຢູ່​ເມືອງ​ ມາລີ​ຟໍ​, ແຂວງ​ ຢຸນນານ,​ ຈີນ. ເຫດການ​ໄດ້​ດຶງ​ດູດ​ປະຊາຊົນ​ເຂດ​ຊາຍ​ແດນ​ສອງ​ປະ​ເທດເຂົ້າ​ຮ່ວມ​ມ່ວນ​ຊື່ນ ແລະ ຮ້ອງ​ເພງ​ມິດຕະພາບ​ໃນ​ລະດູບານ​ໃໝ່​ເປັນ​ຈຳນວນ​ຫຼວງ​ຫຼາຍ​.

ບຸນເຕັດພື້ນເມືອງບຸນປີໃໝ່ ​ແລະ Chol Chnam Thmay ໄດ້​ຮັບ​ການ​ຈັດ​ຕັ້ງ​ຢູ່​ຫຼາຍ​ແຂວງ, ນະຄອນ​​ຢູ່ ​ຫວຽດນາມ ຍສໝ - ເດືອນເມສາ, ເນື່ອງໃນໂອກາດບຸນເຕັດພື້ນເມືອງ (ລາວ) ແລະ Chol Chnam Thmay (ກຳປູເຈຍ), ມີຫຼາຍຫຼາຍການພົບປະແລກປ່ຽນ, ພົບປະກັບນັກສຶກສາ ລາວ ແລະ ກຳປູເຈຍ ໄດເດຳເນີນຢູ່ບັນດາແຂວງ ໄທງວຽນ, ດົ່ງນາຍ, ແທງຮວ໋າ. ການ​ເຄື່ອນ​ໄຫວປະກອບສ່ວນ​ເຂົ້າ​ໃນ​ການ​ເພີ່ມ​ທະວີ​ການ​ພົບ​ປະ​ແລກປ່ຽນ, ການຕິດພັນ, ຄວາມ​ສາມັກຄີ ແລະ ມິດຕະພາບ​ລະຫວ່າງ 3 ...