ທ່ານປະທານປະເທດຫວຽດນາມ ເຈິ່ນດ້າຍ ກວາງ ເຖິງແກ່ ອະສັນຍະກຳ
ສະຫາຍປະທານປະເທດ ເຈີ່ນດ້າຍ ກວາງ ເຖິງແກ່ມໍລະນະກຳເວລາ 10ໂມງ 5ນາທີ ເຊົ້າຂອງວັນທີ21 ກັນຍາ 2018 ຢູ່ທີ່ ໂຮງໝໍ ທະຫານສູນກາງ 108.
 |
ປະທານປະເທດ ເຈິ່ນດ້າຍ ກວາງ ແຫ່ງ ສສ ຫວຽດນາມ.
ປະຫວັດຫຍໍ້ຂອງທ່ານປະທານປະເທດ ເຈີ່ນດ້າຍ ກວາງ
ວັນທີ 2 ເມສາ ທີ່ກອງປະຊຸມຄັ້ງທີ 11 ສະພາແຫ່ງຊາດ ສະໄໝທີ 13 ສະຫາຍ ເຈີ່ນດ້າຍ ກວາງ ໄດ້ຮັບການເຊື່ອໜັ້ນ ດຳລົງຕຳແໜ່ງ ປະທານປະເທດ.
ຂໍຖືເປັນກຽດນຳສະເໜີຊີວະປະຫວັດຫຍໍ້ ຂອງ ພະນະທ່ານປະທານປະເທດ ເຈີ່ນດ້າຍ ກວາງ .
1. ຊື່ ແລະ ນາມສະກຸນ: ເຈີ່ນ ດ້າຍ ກວາງ
2. ວັນເດືອນປີເກີດ: 12 ຕຸລາ 1956
3. ບ້ານເກີດ: ຕາແສງ ກວາງທ້ຽນ ເມືອງ ກີມເຊີນ ແຂວງ ນິງບິ່ງ
4. ບ່ອນຢູ່ປະຈຸບັນ: ຕາແສງ ເຍີນຈິ໋ງ ເມືອງ ແທັງຊົນ ນະຄອນ ຮ່າໂນ້ຍ
5. ຊົນເຜົ່າ: ກິງ; ສາດສະໜາ: ບໍ່ມີ
6. ລະດັບການສຶກສາ, ວິຊາສະເພາະ: ປະລິນຍາເອກ ດ້ານກົດໜາຍວິທະຍາ ມະຫາວິທະຍາໄລ ປ້ອງກັນຄວາມສະຫງົບ
- ລະດັບການສຶກສາ: ປະລິຍາເອກ ; ວຸດທິການສຶກສາ: ສາດສະດາຈານ
- ທິດສະດີການເມືອງ: ຊັ້ນສູງ
- ລະດັບພາສາຕ່າງປະເທດ: ພາສາ ຈີນ ຊັ້ນສູງ
7. ວັນເດືອນປີເຂົ້າພັກສຳຮອງ : 26 ກໍລະກົດ 1980; ວັນເຂົ້າພັກສົມບູນ: 26 ກໍລະກົດ 1981
8. ສະມາຊິກສະພາແຫ່ງຊາດ ຊຸດທີ 13
9. ສະຫຼຸບຫຍໍ້ໄລຍະການເຄື່ອນໄຫວການເຮັດວຽກ:
- ແຕ່ເດືອນ ຕຸລາ 1975 ຫາ ເດືອນ 6 1987: ພະນັກງານ ກົມ ປ້ອງກັນ ການເມືອງ ເຂດ I , ພາຍຫຼັງແຍກມາເປັນ ກົມ ປ້ອງກັນ ການເມືອງ ເຂດ II , ດຳລົງຕຳແໜງ ຮອງຫົວໜ້າຫ້ອງ ສືບສວນ, ກົມປ້ອງກັນ ການເມືອງ ເຂດ II, ກະຊວງພາຍໃນ ( ປະຈຸບັນແມ່ນ ກະຊວງ ຕຳຫຼວດ).
- ແຕ່ເດືອນ ມິຖຸນາ 1987 ຫາ ເດືອນມິຖຸນາ 1990: ຫົວໜ້າຫ້ອງ ເສນາທິການ ແລະ ຫົວໜ້າຫ້ອງການສືບສວນ ກົມປ້ອງກັນການເມືອງ ເຂດ II, ກະຊວງພາຍໃນ ( ປະຈຸບັນແມ່ນ ກະຊວງ ຕຳຫຼວດ).
- ແຕ່ເດືອນ ມິຖຸນາ 1990 ຫາ ເດືອນ ກັນຍາ 1996: ຮອງເລຂາ ພັກແຂວງ, ຮອງກົມ-ກົມ ເສນາທິການ ປ້ອງກັນຄວາມສະຫງົບ ກະຊວງພາຍໃນ ( ປະຈຸບັນແມ່ນ ກະຊວງ ຕຳຫຼວດ).
- ແຕ່ເດືອນກັນຍາ 1996 ຫາ ເດືອນ ຕຸລາ 2000: ຫົວໜ້າກົມ - ກົມ ເສນາທິການ ປ້ອງກັນຄວາມສະຫງົບ ກະຊວງຕຳຫຼວດ; ກະມຳມະການ ຄະນະບໍລິຫານງານ ພັກ ກົມໃຫຍ່ປ້ອງກັນຄວາມສະຫງົບ, ກຳມະການຄະນະປະຈຳ ພັກແຂວງ ກົມໃຫຍ່ປ້ອງກັນຄວາມສະຫົງບ, ເລຂາພັກແຂວງ ກົມເສນາທິການປ້ອງກັນຄວາມສະຫງົບ ກະຊວງປ້ອງກັນຄວາມສະຫງົບ.
- ແຕ່ເດືອນ ຕຸລາ 2000 ຫາ ເມສາ 2006: ເປັນຮອງເລຂາພັກແຂວງ ຮອງຫົວໜ້າກົມໃຫຍ່-ກົມປ້ອງກັນຄວາມສະຫງົບ ກະຊວງຕຳຫຼວດ;ໄດ້ຮັບການເລື່ອນຊັ້ນ ເປັນ ພົນຕີ(2003); ໄດ້ຮັບການເລື່ອນນາມມະຍົດ ເປັນ ຮອງສາດສະດາຈານ(2003).
- ແຕ່ເດືອນເມສາ 2006 ຫາ ເດືອນ ມັງກອນ 2011: ເປັນ ກຳມະການ ຄະນະບໍລິຫານງານ ສູນກາງພັກ ສະໄໝທີ 10 ກຳມະການພັກ ຕຳຫຼວດສູນກາງ, ກຳມະການຄະນະປະຈຳພັກ ຕຳຫຼວດສູນກາງ, ຮອງລັດຖະມົນຕີກະຊວງຕຳຫຼວດ; ໄດ້ຮັບການເລື່ອນຊັ້ນ ພົນໂທ (ປີ2007); ໄດ້ຮັບການເລື່ອນນາມມະຍົດເປັນ ສາດສະດາຈານ(ປີ2009).
- ແຕ່ເດືອນ ມັງກອນ 2011 ຫາ ເດືອນສິງຫາ 2011: ກຳມະການກົມການເມືອງ ຄະນະບໍລິຫານງານສູນກາງພັກ, ກຳມະການຄະນະປະຈຳພັກ ຕຳຫຼວດສູນກາງ, ຮອງລັດຖະມົນຕີກະຊວງຕຳຫຼວດ.
- ແຕ່ເດືອນສິງຫາ 2011 ຮອດປະຈຸບັນ: ກຳມະການກົມການເມືອງ(ສະໄໝທີ XI, XII), ກຳມະການ ສະພາປ້ອງກັນປະເທດ ແລະ ປ້ອງກັນຄວາມສະຫົງບ, ກຳມະການຄະນະພັກ ລັດຖະບານ, ເລຂາພັກ ຕຳຫຼວດສູນກາງ, ລັດຖະມົນຕີກະຊວງຕຳຫຼວດ; ໄດ້ຮັບການເລື່ອນຊັ້ນຂື້ນເປັນພົນໂທ(ປີ2011), ພົນເອກ(ປີ2012); ຫົວໜ້າຊີ້ນຳເຂດພູພຽງພາກຕາເວັນຕົກ; ສະມາຊິກສະພາແຫ່ງຊາດ ສະໄໝທີ XIII; ຮອງຫົວໜ້າຄະນະຊີ້ນຳສູນກາງ ກ່ຽວກັບວຽກງານ ຕ້ານ ແລະ ສະກັດກັ້ນ ການສໍ້ລາດບັງຫຼວງ; ຮອງຫົວໜ້າອະນຸກຳມະການ ປ້ອງກັນການເມືອງພາຍໃນສູນກາງ.
ວັນທີ 2 ເດືອນເມສາ 2016 ຢູ່ທີ່ກອງປະຊຸມຄັ້ງທີ 11 ສະພາແຫ່ງຊາດ ສະໄໝທີ XIII ໄດ້ຮັບການແຕ່ງຕັ້ງເປັນປະທານປະເທດ ສາທາລະນະລັດ ສັງຄົມນິຍົມ ຫວຽດນາມ.
（ຫັດທະບູນ）