ດັກລັກ: ຊາວປະມົງເຊັນບົດບັນທຶກຄຳໝັ້ນສັນຍາ ຕ້ານການຫາປາ IUU

	ບົດທີ 2: ເຄືອຂ່າຍທີ່ຢູ່ເບື້ອງຫຼັງການໂຈມຕີ ດັກລັກ
	ແຂວງຮ່າຕິ້ງ ເປີດຕົວ 5 ກຸ່ມປົກຄອງຕົນເອງ ເພື່ອປ້ອງກັນ ແລະ ຕ້ານການຫາປາ IUU.

ຕາມຂໍ້ມູນຈາກ ກອງບັນຊາການປ້ອງກັນຄວາມສະຫງົບ ແຂວງ ດັກລັກ, ຄຽງຄູ່ກັບການເພີ່ມທະວີການກວດກາ, ຕິດຕາມກວດກາການເຄື່ອນໄຫວຂອງເຮືອຫາປາ, ເຈົ້າໜ້າທີ່ຍັງໄດ້ຍູ້ແຮງການເຜີຍແຜ່ໂຄສະນາ, ປຸກລະດົມໃຫ້ຊາວປະມົງເຊັນບົດບັນທຶກຄຳໝັ້ນສັນຍາ ທີ່ຈະບໍ່ລະເມີດ IUU, ຜ່ານນັ້ນກໍ່ເພື່ອຍົກສູງສະຕິຄວາມຕື່ນຕົວໃນການປະຕິບັດກົດໝາຍ, ຈຳກັດການກັບຄືນມາລະເມີດຄືນໃໝ່.

ເມືອງ ຝູອຽນ ມີເຮືອຫາປາທັງໝົດ 268 ລຳ, ທີ່ພວມເຄື່ອນໄຫວຂຸດຄົ້ນສິນທາງນ້ຳຢ່າງເປັນປົກກະຕິ. ປະຕິບັດຕາມທິດຊີ້ນຳຂອງ ກອງບັນຊາການປ້ອງກັນຄວາມສະຫງົບແຂວ, ອຳນາດການປົກຄອງທ້ອງຖິ່ນ, ປ້ອງກັນຄວາມສະຫງົບແຂວງ ໄດ້ຜັນຂະຫຍາຍຫຼາຍມາດຕະການຢ່າງຄົບຊຸດ, ໃນນັ້ນໄດ້ຖືເອົາການເຜີຍແຜ່ໂຄສະນາ, ການປຸກລະດົມເປັນວຽກງານຈຸດສຸມ.

ກໍາລັງປ້ອງກັນຄວາມສະຫງົບ ເມືອງ ຝູອຽນ (ແຂວງ ດັກລັກ) ສົມທົບການເຜີຍແຜ່ໂຄສະນາ, ປຸກລະດົມໃຫ້ເຈົ້າຂອງເຮືອຫາປາ ເຊັນບົດບັນທຶກຄຳໝັ້ນສັນຍາ ທີ່ຈະບໍ່ລະເມີດການຂຸດຄົ້ນ IUU. (ຮູບ: ກອງບັນຊາການປ້ອງກັນຄວາມສະຫງົບ ແຂວງ ດັກລັກ)

ກຳລັງປ້ອງກັນຄວາມສະຫງົບ ສົມທົບກັບບັນດາພະແນກການ, ຂະແໜງການ, ອົງການຈັດຕັ້ງມະຫາຊົນ ແລະ ທະຫານຊາຍແດນ ຈັດຕັ້ງການເຜີຍແຜ່ໂຄສະນາໂດຍກົງໃຫ້ແກ່ ເຈົ້າຂອງເຮືອ, ນາຍເຮືອ, ຊາວປະມົງ ກ່ຽວກັບຂໍ້ກຳນົດຂອງກົດໝາຍ; ບັນດາພຶດຕິກຳທີ່ຖືກຫ້າມເດັດຂາດ ແລະ ມາດຕະການລົງໂທດ, ໂດຍສະເພາະແມ່ນພຶດຕິກຳການລະເມີດເຂດທະເລຂອງຕ່າງປະເທດ. ພ້ອມດຽວກັນນັ້ນ, ກໍ່ໄດ້ປຸກລະດົມໃຫ້ເຈົ້າຂອງເຮືອ ແລະ ຊາວປະມົງ ເຊັນບົດບັນທຶກຄຳໝັ້ນສັນຍາທີ່ຈະບໍ່ລະເມີດ; ປະຕິບັດຕາມຂໍ້ກຳນົດຢ່າງຄົບຖ້ວນກ່ຽວກັບການຈົດທະບຽນ, ການກວດກາເຕັກນິກເຮືອ, ຮັກສາອຸປະກອນຕິດຕາມການເດີນທາງ (VMS), ການບັນທຶກປຶ້ມບັນທຶກການຂຸດຄົ້ນ ແລະ ລາຍງານຜົນຜະລິດ.

ເຈົ້າໜ້າທີ່ເພີ່ມທະວີການກຳສະພາບການ, ຄຸ້ມຄອງທ້ອງຖິ່ນ; ຕິດຕາມກວດກາຢ່າງເຂັ້ມງວດຕໍ່ກັບເຮືອຫາປາທີ່ບໍ່ມີເງື່ອນໄຂຄົບຖ້ວນໃນການເຄື່ອນໄຫວ; ຈັດຕັ້ງການລາດຕະເວນຕາມທ່າເຮືອຫາປາ, ຈຸດຈອດເຮືອແບບດັ້ງເດີມ ແລະ ຈຸດຈອດເຮືອທີ່ເກີດຂຶ້ນເອງ ເພື່ອຊອກໃຫ້ເຫັນ, ແກ້ໄຂການລະເມີດຢ່າງທັນການ.

ຕາມຂໍ້ມູນຈາກ ພະແນກກະສິກຳ ແລະ ສິ່ງແວດລ້ອມ ແຂວງ ດັກລັກ, ທົ່ວແຂວງໃນປັດຈຸບັນມີເຮືອຫາປາທີ່ຈົດທະບຽນແລ້ວທັງໝົດ 2.576 ລຳ, ເຊິ່ງເກືອບ 100% ຂອງເຮືອແມ່ນຍັງມີໃບອະນຸຍາດຂຸດຄົ້ນທີ່ຍັງມີຜົນສັກສິດ. ບັນດາເຮືອທີ່ມີຄວາມຍາວແຕ່ 15 ແມັດຂຶ້ນໄປ ແມ່ນໄດ້ຕິດຕັ້ງອຸປະກອນ VMS ຄົບຖ້ວນ ແລະ ໄດ້ຮັບການຕິດຕາມກວດກາຕະຫຼອດ 24 ຊົ່ວໂມງ.

ເຖິງຢ່າງໃດກໍ່ຕາມ, ຍັງມີການລະເມີດຈຳນວນໜຶ່ງເກີດຂຶ້ນ ເປັນຕົ້ນແມ່ນ ການຂາດການເຊື່ອມຕໍ່ຂອງອຸປະກອນຕິດຕາມການເດີນທາງ, ການຂຸດຄົ້ນຜິດເຂດທີ່ກຳນົດໄວ້, ບໍ່ໄດ້ບັນທຶກ ຫຼື ບັນທຶກປຶ້ມບັນທຶກການຂຸດຄົ້ນບໍ່ຄົບຖ້ວນ. ນັບແຕ່ປີ 2024 ມາຮອດປັດຈຸບັນ, ເຈົ້າໜ້າທີ່ໄດ້ກວດພົບ, ປັບໃໝ 119 ກໍລະນີ.

ກ່ອນຄວາມຮຽກຮ້ອງຕ້ອງການອັນຮີບດ່ວນໃນການແກ້ໄຂຄຳເຕືອນ "ບັດເຫຼືອງ" ຂອງ EC, ແຂວງ ດັກລັກ ຍັງຄົງສືບຕໍ່ ແໜ້ນການຄຸ້ມຄອງການເຄື່ອນໄຫວຂອງເຮືອຫາປາ; ເພີ່ມທະວີການກວດກາ, ຄວບຄຸມຢູ່ບັນດາທ່າເຮືອຫາປາ; ຕິດຕາມກວດກາເຮືອເຂົ້າ, ອອກທ່າ ແລະ ປະລິມານສິນຄ້າທີ່ຂົນຖ່າຍໃຫ້ໄດ້ 100%; ພ້ອມດຽວກັນນັ້ນ ກໍ່ຍູ້ແຮງການນຳໃຊ້ເຕັກໂນໂລຊີເຂົ້າໃນການກວດສອບແຫຼ່ງທີ່ມາຂອງສິນທາງນ້ຳ.

ກອງບັນຊາການປ້ອງກັນຄວາມສະຫງົບແຂວງ ແຈ້ງເຕືອນໃຫ້ຊາວປະມົງ ຫ້າມໄປຂຸດຄົ້ນແບບຜິດກົດໝາຍຢູ່ເຂດທະເລຂອງຕ່າງປະເທດຢ່າງເດັດຂາດ; ຮັກສາການເຄື່ອນໄຫວຂອງອຸປະກອນ VMS ຢ່າງຕໍ່ເນື່ອງ; ບັນທຶກປຶ້ມບັນທຶກການຂຸດຄົ້ນໃຫ້ຄົບຖ້ວນ, ລາຍງານຜົນຜະລິດ; ຂຸດຄົ້ນໃຫ້ຖືກເຂດ, ຖືກວິຊາອາຊີບ, ຖືກຕາມໃບອະນຸຍາດ ແລະ ປະຕິບັດຕາມກົດລະບຽບຢ່າງເຂັ້ມງວດ ເມື່ອເຮືອຫາປາ ເຂົ້າ, ອອກທ່າເຮືອ.

ໃນຕໍ່ໜ້າ, ເຈົ້າໜ້າທີ່ຈະສືບຕໍ່ເພີ່ມທະວີການລາດຕະເວນ, ກວດກາ, ຄວບຄຸມ; ຊອກໃຫ້ເຫັນ ແລະ ແກ້ໄຂຢ່າງເຂັ້ມງວດຕໍ່ກັບບັນດາພຶດຕິກຳທີ່ລະເມີດ, ໂດຍສະເພາະແມ່ນກໍລະນີທີ່ຈົງໃຈລະເມີດ, ລະເມີດຄືນໃໝ່ ຫຼື ມີສັນຍານຂອງການຈັດຕັ້ງ ແລະ ເປັນນາຍໜ້າພາເຮືອຫາປາໄປຂຸດຄົ້ນແບບຜິດກົດໝາຍຢູ່ເຂດທະເລຂອງຕ່າງປະເທດ. ສໍາລັບກໍລະນີທີ່ມີການລະເມີດຢ່າງຮ້າຍແຮງ ແລະ ມີອົງປະກອບຄົບຖ້ວນຂອງການກະທຳຜິດທາງອາຍາ ແມ່ນຈະຖືກດຳເນີນຄະດີຕາມຂໍ້ກຳນົດຂອງກົດໝາຍອາຍາ.

ຕ້ານການຫາປາ IUU: ແກ້ໄຂການລະເມີດຢ່າງເດັດຂາດ ແລະ ລາຍງານຕາມຄວາມຈິງຕໍ່ EC. ຍສໝ - ຕອນເຊົ້າວັນທີ 23 ທັນວາ, ໂດຍເປັນປະທານກອງປະຊຸມຄັ້ງທີ 27 ຂອງຄະນະຊີ້ນຳແຫ່ງຊາດກ່ຽວກັບການຕ້ານການຫາປາທີ່ຜິດກົດໝາຍ, ບໍ່ໄດ້ລາຍງານ ແລະ ບໍ່ໄດ້ຄວບຄຸມ (IUU), ທ່ານຮອງນາຍົກລັດຖະມົນຕີ ເຈີ່ນຮົ່ງຮ່າ, ຫົວໜ້າຄະນະຊີ້ນຳ, ໄດ້ເນັ້ນໜັກເຖິງຄວາມຈຳເປັນໃນການແກ້ໄຂບັນຫາທີ່ມີຢູ່ຢ່າງເດັດຂາດ, ລາຍງານດ້ວຍຄວາມຈິງ ແລະ ວັດຖຸປະສົງ, ໂດຍບໍ່ມີພິທີການ, ແລະ ຍົກເລີກ “ບັດເຫຼືອງ” ຂອງຄະນະກຳມະການເອີຣົບ (EC) ...

ນະຄອນໂຮ່ຈິມິນ: “ກາເຟຕອນເຊົ້າກັບຊາວປະມົງ” ເພື່ອໂຄສະນາການປ້ອງກັນ ແລະ ຕ້ານການຫາປາ IUU. ຍສໝ - ນະຄອນໂຮ່ຈິມິນ ກຳລັງເຜີຍແຜ່ກົດໝາຍກ່ຽວກັບການປ້ອງກັນ ແລະ ຕ້ານການຫາປາທີ່ຜິດກົດໝາຍ, ບໍ່ໄດ້ລາຍງານ ແລະ ບໍ່ໄດ້ຄວບຄຸມ (IUU) ໃຫ້ແກ່ຊາວປະມົງໂດຍຜ່ານຮູບແບບທີ່ມີສ່ວນຮ່ວມ ແລະ ມີນະວັດຕະກໍາເຊັ່ນ: "ກາເຟຕອນເຊົ້າກັບຊາວປະມົງ" - ບ່ອນທີ່ລັດຖະບານຮັບຟັງ, ສົນທະນາ ແລະ ຮ່ວມກັນແກ້ໄຂບັນຫາຕົວຈິງທີ່ເກີດຂຶ້ນຈາກທະເລ.