ສະຫະພັນບັນດາອົງການມິດຕະພາບ ຫວຽດນາມ ແລະ ກະຊວງການຕ່າງປະເທດ ຫວຽດນາມ ປຶກສາຫາລືກ່ຽວກັບກົນໄກປະສານງານໃນສະພາບການໃໝ່
ກອງປະຊຸມ ເພື່ອປຶກສາຫາລືກ່ຽວກັບກົນໄກປະສານງານລະຫວ່າງສອງອົງການໃນສະພາບການໃໝ່. ພ້ອມກັນນັ້ນ, ກໍ່ເພີ່ມທະວີການເຊື່ອມຕໍ່ບັນດາຄະນະ, ຫົວໜ່ວຍອົງການປະຈຳສະຫະພັນບັນດາອົງການມິດຕະພາບຫວຽດນາມ ກັບບັນດາກົມ, ຫົວໜ່ວຍຂອງກະຊວງການຕ່າງປະເທດ, ເສີມຂະຫຍາຍກຳລັງແຮງສັງລວມ, ຍົກສູງປະສິດທິຜົນຂອງການເຄື່ອນໄຫວການຕ່າງປະເທດຂອງແຕ່ລະອົງການ, ປະກອບສ່ວນປະຕິບັດໄຊຊະນະແນວທາງການຕ່າງປະເທດຂອງພັກ ແລະ ລັດ.
ກອງປະຊຸມໄດ້ຮັບຟັງບົດລາຍງານກ່ຽວກັບໝາກຜົນການປະຕິບັດງານຂອງສະຫະພັນບັນດາອົງການມິດຕະພາບ ຫວຽດນາມ ແລະ ໝາກຜົນການສົມທົບກັນລະຫວ່າງ 2 ອົງການໃນໄລຍະມໍ່ໆມານີ້, ພ້ອມກັນນັ້ນ ປຶກສາຫາລືກ່ຽວກັບບັນດາທິດທາງ ແລະ ມາດຕະການລະອຽດ ເພື່ອຍົກສູງປະສິດທິຜົນການສົມທົບກັນໃນໄລຍະຈະມາເຖິງ.
 |
| ທ່ານປະທານສະຫະພັນບັນດາອົງການມິຕະພາບ ຫວຽດນາມ ຟານແອງເຊີນ ກ່າວຄຳປາໄສທີ່ກອງປະຊຸມ. (ພາບ: Dinh Hoa) |
ຕາມບົດລາຍງານທີ່ກອງປະຊຸມແລ້ວ, ໃນໄລຍະຜ່ານມາ, ໃນສະພາບການໂລກທີ່ມີການປ່ຽນແປງຢ່າງວ່ອງໄວ, ສັບສົນ ແລະ ບໍ່ສາມາດຄາດຄະເນໄດ້, ວຽກງານການຕ່າງປະເທດປະຊາຊົນຂອງສະຫະພັນບັນດາອົງການມິດຕະພາບຫວຽດນາມ ບັນລຸໄດ້ບັນດາໝາກຜົນຢ່າງຕັ້ງໜ້າ. ບັນດາໝາກຜົນດັ່ງກ່າວໄດ້ປະກອບສ່ວນສ້າງພື້ນຖານສັງຄົມອັນໜັກແໜ້ນ, ຍົກສູງທີ່ຕັ້ງຂອງປະເທດ, ເພີ່ມທະວີການພົວພັນມິດຕະພາບປະຊາຊົນ, ຍາດແຍ່ງບັນດາແຫຼ່ງກຳລັງສາກົນຢ່າງມີປະສິດທິຜົນ ແລະ ພ້ອມກັບວຽກງານການຕ່າງປະເທດຂອງພັກ, ການທູດຂອງລັດ ກໍ່ສ້າງຈັດວາງກຳລັງການຕ່າງປະເທດຮອບດ້ານ, ຮັບໃຊ້ການພັດທະນາ ແລະ ປົກປັກຮັກສາປະເທດຊາດ.
ປະກອບສ່ວນເຂົ້າໃນຜົນສຳເລັດນັ້ນແມ່ນການສົມທົບກັນຢ່າງແໜ້ນແຟ້ນ, ແທດຈິງລະຫວ່າງສະຫະພັນບັນດາອົງການມິດຕະພາບຫວຽດນາມ ແລະ ກະຊວງການຕ່າງປະເທດໃນຫຼາຍຂົງເຂດຄື: ການເປັນເສນາທິການ, ສົມທົບກັນສ້າງບັນດາເອກະສານກ່ຽວກັບວຽກງານການຕ່າງປະເທດ; ການເຄື່ອນໄຫວານຕ່າງປະເທດປະຊາຊົນ; ວຽກງານບໍ່ຂຶ້ນກັບລັດຖະບານຕ່າງປະເທດ; ຂໍ້ມູນຕ່າງປະເທດ; ວຽກງານຍ້ອງຍໍ ແລະ ວຽກງານພະນັກງານ. ພ້ອມກັນນັ້ນ, ບັນດາພະນັກງານ, ອະດີດພະນັກງານຂອງກະຊວງການຕ່າງປະເທດເຂົ້າຮ່ວມບັນດາສະມາຄົມມິດຕະພາບທີ່ເປັນອົງການສະມາຊິກຂອງສະຫະພັນບັນດາອົງການມິດຕະພາບ ຫວຽດນາມ ຢ່າງຫຼວງຫຼາຍ. ບັນດາອົງການຜູ້ຕາງໜ້າຫວຽດນາມ ຢູ່ຕ່າງປະເທດ ກໍ່ໜູນຊ່ວຍສະຫະພັນບັນດາອົງການມິດຕະພາບ ຫວຽດນາມ ຢ່າງຕັ້ງໜ້າໃນການເຊື່ອມໂຍງ, ຈັດຕັ້ງບັນດາໂຄງການກັບເພື່ອນມິດສາກົນ.
 |
| ຜູ້ແທນໄດ້ປຶກສາຫາລືກ່ຽວກັບທິດທາງ ແລະ ມາດຕະການຍົກສູງປະສິດທິຜົນການສົມທົບລະຫວ່າງສະຫະພັນບັນດາອົງການມິດຕະພາບຫວຽດນາມ ແລະ ກະຊວງການຕ່າງປະເທດໃນໄລຍະຈະມາເຖິງ. (ພາບ: Dinh Hoa) |
ກ່າວຄຳປາໄສທີ່ສະຫຼຸບກອງປະຊຸມ, ທ່ານຮອງລັດຖະມົນຕີການຕ່າງປະເທດ ໂງເລວັນ ໄດ້ຕີລາຄາສູງຂໍ້ລິເລີ່ມຈັດຕັ້ງກອງປະຊຸມ, ຖືວ່າ ນີ້ແມ່ນການເຄື່ອນໄຫວຢ່າງເເທດຈິງໃນສະພາບການໃໝ່. ທ່ານໄດ້ສະແດງຄວາມຊົມເຊີຍສະຫະພັນບັນດາອົງການມິດຕະພາບຫວຽດນາມ ໄດ້ມີການປັບປຸງກົງຈັກການຈັດຕັ້ງຂອງຕົນໃຫ້ສົມບູນແບບ, ຢັ້ງຢືນທີ່ຕັ້ງອັນສູງສົ່ງຂອງຕົນເມື່ອປະຕິບັດວຽກງານການທູດປະຊາຊົນຕື່ມອີກໃນລະບົບແນວໂຮມປະເທດຊາດຫວຽດນາມ.
ທ່ານຮອງນາຍົກລັດຖະມົນຕີ ໄດ້ຮັບຮູ້ບັນດາການປະກອບສ່ວນສຳຄັນ, ປະສິດທິຜົນ ແລະ ມີຄວາມຮັບຜິດຊອບຂອງສະຫະພັນບັນດາອົງການມິດຕະພາບຫວຽດນາມ ໃນການຜັນຂະຫຍາຍແນວທາງການຕ່າງປະເທດຂອງພັກ, ພິເສດ ບົນຊ່ອງທາງການຕ່າງປະເທດປະຊາຊົນ. ທ່ານໄດ້ຕີລາຄາວ່າ ວຽກງານປະສານງານລະຫວ່າງສອງອົງການໃນໄລຍະມໍ່ໆມານີ້ໄດ້ດຳເນີນໄປຢ່າງສະດວກສະບາຍ, ແໜ້ນແຟ້ນ, ບໍ່ມີສິ່ງກີດຂວາງອັນສຳຄັນໃນດ້ານກົນໄກດຳເນີນງານ ຫຼື ຂະບວນການປະສານງານ. ແຕ່ແນວໃດກໍ່ຕາມ, ສອງຝ່າຍຕ້ອງສືບຕໍ່ຍົກສູງຄຸນນະພາບການປະສານງານໃນສະພາບການເພີ່ມທະວີຄວາມກົດດັນໃນການເຮັດວຽກ ແລະ ບາງລະບຽບກົດໝາຍຍັງບໍ່ທັນຮັກສາຄວາມເປັນຈິງ.
 |
| ທ່ານຮອງລັດຖະມົນຕີການຕ່າງປະເທດ ໂງເລວັນ ກ່າວຄຳປາໄສທີ່ກອງປະຊຸມ. (ພາບ: Dinh Hoa) |
ເພື່ອຍົກສູງປະສິດທິຜົນຂອງການປະສານງານ, ທ່ານຮອງລັດຖະມົນຕີ ສະເໜີສອງຝ່າຍຄົ້ນຄວ້າ ແລະ ສ້າງກົນໄກຮ່ວມມືທີ່ເໝາະສົມ, ສາມາດພາຍໃຕ້ຮູບແບບຂໍ້ຕົກລົງ ຫຼື ແຜນປະຈຳປີ, ເພື່ອເພີ່ມທະວີການແບ່ງປັນຂໍ້ມູນຂ່າວສານ, ສ້າງຄວາມເປັນເຈົ້າການ ແລະ ເຂົ້າແກັບເຂົ້າເກັຍກັນດີໃນການຜັນຂະຫຍາຍບັນດາໜ້າທີ່ານທູດປະຊາຊົນ. ທ່ານຢືນຢັນວ່າ ກະຊວງການຕ່າງປະເທດ ພ້ອມແລ້ວທີ່ຈະສົມທົບກັນຢ່າງແໜ້ນແຟ້ນກັບສະຫະພັນບັນດາອົງການມິດຕະພາບຫວຽດນາມ ໃນການປະຕິບັດໜ້າທີ່ທີ່ໄດ້ຮັບມອບໝາຍ, ພ້ອມນັ້ນຫວັງວ່າ ສະຫະພັນບັນດາອົງການມິດຕະພາບ ຫວຽດນາມ ຈະສືບຕໍ່ເປັນເຈົ້າການໃນການສະເໜີບັນດາມາດຕະການແກ້ໄຂ ເພື່ອຂຸດຄົ້ນທ່າແຮງຂອງຊ່ອງທາງການທູດຢ່າງມີປະສິດທິຜົນໃນການພົວພັນກັບແຕ່ລະຄູ່ຮ່ວມມືສະເພາະ.
ເຫັນດີກັບຂໍ້ສະເໜີຂອງທ່ານຮອງລັດຖະມົນຕີການຕ່າງປະເທດ ໂງເລວັນ, ທ່ານປະທານສະຫະພັນບັນດາອົງການຈັດຕັ້ງມິດຕະພາບ ຫວຽດນາມ ຟານແອງເຊີນ ສະເໜີໃຫ້ 2 ຝ່າຍສືບຕໍ່ສຳເລັດກົນໄກການປະສານງານ, ກໍ່ສ້າງບັນດາລະບຽບການເຮັດວຽກຮ່ວມ, ເພີ່ມທະວີການແບ່ງປັນຂໍ້ມູນຂ່າວສານ ແລະ ສົມທົບກັນລະຫວ່າງບັນດາຫົວໜ່ວຍວິຊາສະເພາະ ເພື່ອຍົກສູງປະສິດທິຜົນການເຄື່ອນໄຫວວຽກງານການທູດປະຊາຊົນ.
ທ່ານສະເໜີໃຫ້ກະຊວງການຕ່າງປະເທດສ້າງເງື່ອນໄຂເພື່ອໃຫ້ສະຫະພັນບັນດາອົງການມິດຕະພາບຫວຽດນາມ ມີຄວາມເປັນເຈົ້າການກ່ວາອີກໃນການເກັບກຳຂໍ້ມູນກ່ຽວກັບການຢ້ຽມຢາມ, ຄະນະຜູ້ແທນຂັ້ນສູງ ແລະ ບັນດາການເຄື່ອນໄຫວການຕ່າງປະເທດສຳຄັນຂອງພັກ ແລະ ລັດ, ຈາກນັ້ນ ມີການກະກຽມຢ່າງທັນການ, ເໝາະສົມບົນຊ່ອງທາງປະຊາຊົນ. ພ້ອມກັນນັ້ນ, ທ່ານຍັງໄດ້ເນັ້ນໜັກເຖິງການຮັກສາການແລກປ່ຽນກັບບັນດາໜ່ວຍງານວິຊາສະເພາະຂອງກະຊວງເປັນປະຈຳ ເພື່ອຍົກສູງຄຸນນະພາບການເປັນເສນາທິການ ແລະ ແກ້ໄຂບັນຫາທີ່ເກີດຂຶ້ນຢ່າງມີປະສິດທິຜົນ.
ກ່ຽວກັບວຽກງານບໍ່ຂຶ້ນກັບລັດຖະບານຕ່າງປະເທດ, ທ່ານກ່າວວ່າ ຕ້ອງມີວິທີການເຂົ້າເຖິງຢ່າງມີໄຫວພິບ, ເໝາະສົມກັບລັກສະນະຊ່ອງທາງຂອງປະຊາຊົນ, ຮັບປະກັນການປະຕິບັດບັນດາແຜນການ, ນະໂຍບາຍໃໝ່ທີ່ບໍ່ເຮັດໃຫ້ຂາດການເຄື່ອນໄຫວຂອງບັນດາອົງການບໍ່ຂຶ້ນກັບລັດຖະບານຕ່າງປະເທດຢູ່ຫວຽດນາມ.
ທ່ານ ຟານແອງເຊີນ ກໍ່ຢືນຢັນເຖິງບົດບາດຊື່ອມໂຍງ, ລະດົມຂອງສະຫະພັນບັນດາອົງການມິດຕະພາບຫວຽດນາມ ຢູ່ບັນດາບໍລິເວນຍຸດທະສາດ, ພ້ອມກັນນັ້ນ ສະເໜີເພີ່ມທະວີການສົມທົບກັນຢ່າງແທດຈິງ ກັບບັນດາອົງການຜູ້ຕາງໜ້າຫວຽດນາມ ຢູ່ຕ່າງປະເທດ. ທ່ານເນັ້ນໜັກວ່າ ສະຫະພັນບັນດາອົງການມິດຕະພາບຫວຽດນາມ ຈະສືບຕໍ່ເສີມຂະຫຍາຍບົດບາດເປັນກຳລັງຫຼັກແຫຼ່ງໃນວຽກງານການຕ່າງປະເທດປະຊາຊົນ, ປະກອບສ່ວນຊຸກຍູ້ການພົວພັນຮ່ວມມືດ້ານການທູດຂອງພັກ, ການທູດຂອງລັດ ແລະ ການທູດປະຊາຊົນຢ່າງມີປະສິດທິຜົນ.
 | ອົງຄະນະພັກສະຫະພັນບັນດາອົງການມິດຕະພາບຫວຽດນາມ ອາຍຸການ 2020 – 2025: ຜ່ານຜ່າບັນດາສິ່ງທ້າທາຍ, ການປ່ຽນໃໝ່ຫຼາຍຢ່າງ ຍສໝ - ອາຍຸການ 2020 – 2025 , ໃນສະພາບການໂລກ ແລະ ພາກພື້ນພວມມີການຜັນຂະຫຍາຍຢ່າງວ່ອງໄວ, ສັບສົນ ແລະ ບໍ່ສາມາດຄາດຄະເນໄດ້, ໂດຍປະເຊີນໜ້າກັບຄວາມຮຽກຮ້ອງຕ້ອງການຂອງການນຳພັກ ແລະ ລັດ, ອົງຄະນະພັກສະຫະພັນບັນດາອົງການມິດຕະພາບຫວຽດນາມໄດ້ກຳນົດ, ມານະພະຍາຍາມ, ນະວັດຕະກຳແນວຄິດ ແລະ ວິທີເຂົ້າເຖິງ ເພື່ອການນຳ, ຊີ້ນຳລະບົບສະຫະພັນບັນດາອົງການມິດຕະພາບຫວຽດນາມ ບັນລຸໄດ້ບັນດາຜົນງານ. |
 | ຄະນະກໍ່ສ້າງເລກທີ 64 - 60 ປີແຫ່ງການພົວພັນມິດຕະພາບ ແລະ ການຮ່ວມມື ຫວຽດນາມ - ລາວ ຍສໝ - ວັນທີ 22 ມິຖຸນາ, ຢູ່ຮ່າໂນ້ຍ,ຄະນະກໍ່ສ້າງເລກທີ 64 - ຫົວໜ່ວຍຂຶ້ນກັບກະຊວງຄົມມະນາຄົມຂົນສົ່ງ (ປະຈຸບັນແມ່ນກະຊວງກໍ່ສ້າງ) ໄດ້ຈັດຕັ້ງພິທີສະເຫຼີມສະຫຼອງ 60 ປີແຫ່ງວັນສ້າງຕັ້ງ, ໂດຍການເຂົ້າຮ່ວມຂອງທ່ານ ສົມມາດ ພົນເສນາ, ຮອງປະທານສະພາແຫ່ງຊາດລາວ, ບັນດາການນໍາກະຊວງ, ສະຖານທູດ ແລະ ພະນັກງານ-ລັດຖະກອນ 300 ກວ່າຄົນ. |
ມີງດຶກ