ໜູນຊ່ວຍນັກສຶກສາມະຫາວິທະຍາໄລ ໄທຫງວຽນ ໄປຝຶກງານ ແລະ ເຮັດວຽກຢູ່ ຍີ່ປຸ່ນ
ທ່ານຮອງສາດສະດາຈານ. ປອ ຮວ່າງວັນຮຸ່ງ, ຜູ້ອຳນວຍການມະຫາວິທະຍາໄລ ໄທຫງວຽນ ໃຫ້ຮູ້ວ່າ ໃນໄລຍະຈະມາເຖິງ, ໂຮງຮຽນອາດຈະລົງນາມໃນການຮ່ວມມືຮອບດ້ານກັບບັນດາຄູ່ຮ່ວມມື ຍີ່ປຸ່ນ, ພິເສດແມ່ນອົງການເພື່ອນຮ່ວມອາຊີບ Kishuu ໃນຫຼາຍຂົງເຂດຄື: ການແລກປ່ຽນນັກສຶກສາ, ການແລກປ່ຽນວິຊາຊີບໃນຫຼາຍຂົງເຂດບຳລຸງສ້າງຂອງມະຫາວິທະຍາໄລ ໄທຫງວຽນ. ຄຽງຂ້າງນັ້ນ, ກໍ່ສົມທົບກັນຜະລິດ, ຂາຍສິນຄ້າບັນດາຜະລິດຕະພັນເຄື່ອງໝາຍການຄ້າ ຫວຽດນາມ - ຍີ່ປຸ່ນ; ຮ່ວມມືດ້ານວິທະຍາສາດເຕັກໂນໂລຢີ, ພັດທະນາບັນດາຜະລິດຕະພັນ, ພິເສດແມ່ນກະສິກຳເພື່ອສົ່ງອອກໄປຍັງ ຍີ່ປຸ່ນ ແລະ ປະເທດອື່ນໆ.
 |
ອົງການເພື່ອນຮ່ວມອາຊີບຮ່ວມມືກະສິກຳ Kishuu, ຍີ່ປຸ່ນ ເຮັດວຽກຢູ່ມະຫາວິທະຍາໄລ ໄທຫງວຽນ |
ທີ່ການເຮັດວຽກ, ມີຫຼາຍແນວຄວາມຄິດ, ທິດທາງໄດ້ຮັບການສະເໜີ ເພື່ອເຊື່ອມຕໍ່ການຮ່ວມມືລະຫວ່າງໂຮງຮຽນ ແລະ ວິສາຫະກິດ ຍີ່ປຸ່ນ.
2 ຝ່າຍ ໄດ້ເຫັນດີເປັນເອກະພາບກ່ຽວກັບບັນດາທິດທາງການຮ່ວມມືເປີດກ້ວາງໃນໄລຍະຈະມາເຖິງ. ທ່ານ Shiba Mitsuhiro ສະແດງຄວາມປາດຖະໜາວ່າ ການຢ້ຽມຢາມຄັ້ງນີ້ ຈະແມ່ນກຳລັງຜັກດັນໃໝ່ເພື່ອຊຸກຍູ້ການຮ່ວມມື, ແລກປ່ຽນລະຫວ່າງບັນດາຝ່າຍ, ສ້າງກາລະໂອກາດຕື່ມອີກໃຫ້ບັນດາວິສາຫະກິດ ຍີ່ປຸ່ນ ແລະ ບັນດາໂຮງຮຽນມະຫາວິທະຍາໄລ ໄທຫງວຽນ ເຊື່ອມຕໍ່ຄວາມຕ້ອງການ ແລະ ການສະໜອງແຫຼ່ງຊັບພະຍາກອນມະນຸດທີ່ມີຄຸນນະພາບສູງ.
ມິງດຶກ