ທ່ານປະທານປະເທດ ຫວໍວັນເຖືອງ ຢ້ຽມຢາມສະຖານທູດຫວຽດນາມ ປະຈຳ ລາວ ແລະປະຊາຄົມຊາວຫວຽດນາມ ອາໄສ ຢູ່ ລາວ
| ສະຖານທູດຫວຽດນາມ ປະຈຳ ກຳປູເຈຍ ໄດ້ຈັດຕັ້ງງານສະເຫຼີມສະຫຼອງບຸນປີໃໝ່ປະຈຳຊາດ | |
| ສະຖານທູດຫວຽດນາມ ປະຈຳ ການາດາ ຈັດພິທີໄຫວ້ບູຊາເຈົ້າຊີວິດຮຸ່ງ ຜ່ານລະບົບທາງໄກ |
ຕາມທ່ານເອກອັກຄະລັດຖະທູດ ຫວຽດນາມ ປະຈຳ ລາວ ຫງວຽນບ໋າຮຸ່ງ ແລ້ວ, ປະຈຸບັນ ມີຊາວຫວຽດນາມ ທີ່ອາໄສ, ເຮັດວຽກ ແລະ ຮ່ຳຮຽນຢູ່ ລາວ ຈຳນ່ວນປະມານ 100.000 ຄົນ, ໃນນັ້ນ ມີຊາວຫວຽດນາມ ອາໄສຢູ່ນະຄອນຫຼວງວຽງຈັນ ເກືອບ 40.000 ຄົນ.
ທີ່ການພົບປະ, ຜູ້ຕາງໜ້າຊາວຫວຽດນາມ ອາໄສຢູ່ລາວ ໄດ້ກ່າວຄຳປາໄສ ແລະ ສະແດງຄວາມຍິນດີຕ້ອນຮັບທ່ານປະທານປະເທດ ຫວໍວັນເຖືອງ ມາຢ້ຽມຢາມ ສປປ ລາວ ຢ່າງເປັນທາງການ; ໃຫ້ຮູ້ວ່າປະຊາຄົມຊາວຫວຽດນາມ ມີຮີດຄອງປະເພນີສາມັກຄີ, ຕິດພັນກັນ ແລະ ສະໜັບສະໜູນເຊິ່ງກັນ ແລະ ກັນໃນຊີວິດ.
 |
ທ່ານປະທານປະເທດ ຫວໍວັນເຖືອງ ຢ້ຽມຢາມສະຖານທູດຫວຽດນາມ ປະຈຳ ລາວ ແລະປະຊາຄົມຊາວຫວຽດນາມ ອາໄສ ຢູ່ ລາວ |
ໃນໄລຍະຜ່ານມາ, ປະຊາຄົມຊາວຫວຽດນາມ ຢູ່ລາວ ໄດ້ມີການເຄື່ອນໄຫວປະຕິບັດຫຼາຍຢ່າງຕໍ່ບ້ານເກີດເມືອງນອນ, ໃນນັ້ນມີການບໍລິຈາກເພື່ອຊ່ວຍເຫຼືອປະຊາຊົນທີ່ຮັບຜົນກະທົບຈາກໄພທຳມະຊາດ, ສະໜັບສະໜູນກອງທຶນວັກແຊງຕ້ານພະຍາດໂຄວິດ-19.
ຊາວຫວຽດນາມ ຢູ່ລາວ ມີຄວາມສະໜິດຕິດພັນ, ແໜ້ນແຟ້ນກັບບັນດາອົງການ ແລະ ປະຊາຊົນລາວ, ແລະ ເປັນຂົວຕໍ່ທີ່ມີປະສິດທິຜົນໃນການປູກຝັງສາຍພົວພັນມິດຕະພາບທີ່ເປັນມູນເຊື້ອ, ໂດຍສະເພາະ ແມ່ນລະຫວ່າງປະຊາຊົນສອງປະເທດ; ຍາມໃດກໍ່ສະແດງຄວາມມານະພະຍາຍາມ, ປະກອບສ່ວນຢ່າງຕັ້ງໜ້າເຂົ້າໃນການພັດທະນາເສດຖະກິດ-ສັງຄົມຂອງປະເທດປະຈຳຖິ່ນ.
ກ່າວຄຳເຫັນນະທີ່ນີ້, ທ່ານປະທານປະເທດ ຫວໍວັນເຖືອງ ເນັ້ນໜັກວ່າ: ພັກ, ລັດ ຍາມໃດກໍ່ເອົາໃຈໃສ່ເຖິງພໍ່ແມ່ພີ່ນ້ອງຊາວຫວຽດນາມ ອາໄສຢູ່ຕ່າງປະເທດ; ຫວັງວ່າພໍ່ແມ່ປະຊາຊົນເຊື່ອມໂຍງກັບປະເທດປະຈຳຖິ່ນໃຫ້ເປັນຢ່າງດີ, ທຳມາຫາກິນ, ດຳລົງຊີວິດ ແລະ ພັດທະນາ, ພ້ອມທັງຍາມໃດກໍ່ອວ່າຍໜ້າເມື່ອຫາບ້ານເກີດເມືອງນອນ, ປະເທດຊາດ.
 |
ທ່ານປະທານປະເທດ ເຈີ່ນດ້າຍກວາງ ມອບຂອງຂວັນໃຫ້ຜູ້ຕາງໜ້າປະຊາຄົມຊາວຫວຽດນາມ ຢູ່ລາວ ເນື່ອງໃນໂອກາດບຸນເຕັດບຸນປີໃຫມ່ |
ທ່ານປະທານປະເທດ ປາດຖະໜາວ່າ ພໍ່ແມ່ປະຊາຊົນສືບຕໍ່ແມ່ນຂົວເຊື່ອມຕໍ່ເພີ່ມພູນຄຸນສ້າງສາຍພົວພັນແບບພິເສດ ຫວຽດນາມ - ລາວ; ສະຖານທູດຫວຽດນາມ ປະຈຳ ລາວ ສືບຕໍ່ເອົາໃຈໃສ່ປະຕິບັດວຽກງານປົກປ້ອງພົນລະເມືອງ ແລະຊ່ວຍເຫຼືອພໍ່ແມ່ປະຊາຊົນຊາວ ຫວຽດນາມ ອາໄສຢູ່ລາວ.
ແລະ ກໍ່ໃນຕອນເຊົ້າວັນດຽວກັນ, ທ່ານປະທານປະເທດ ຫວໍວັນເຖືອງ ແລະຄະນະຜູ້ແທນຂັ້ນສູງຫວຽດນາມ ໄດ້ໄປວາງພວງມາລາຢູ່ອະນຸສາວະລີ ປະທານ ໄກສອນ ພົມວິຫານ ໃນບໍລິເວນຫໍພິພິທະພັນ ໄກສອນ ພົມວິຫານ ຢູ່ນະຄອນຫຼວງວຽງຈັນ.
ຄຳຮຸ່ງ