ເປີດໂຕ ຊຸດປື້ມອ່ານ ພິເສດ ກ່ຽວກັບມິດຕະພາບ ຫວຽດນາມ-ລາວ
ຫວຽດນາມ ແລະ ລາວ ແມ່ນສອງປະເທດບ້ານໄກ້ເຮືອນຄຽງ ພູຕິດພູ, ແມ່ນ້ຳຕໍ່ແມ່ນ້ຳ ມີສາຍພົວພັນຮັດແໜ້ນ ຜ່ານປະຫວັດອັນຍາວນານໃນການສ້າງສາ, ປົກປັກຮັກສາ ແລະ ພັດທະນາ ປະເທດຊາດ. ໃນ 7 ທົດສະຫວັດທີ່ຜ່ານມາ ມູນເຊື້ອແຫ່ງສາຍພົວພັນອັນດີງາມ, ຄວາມສຳພັນອັນຊື່ສັດຕໍ່ກັນລະຫວ່າງ ປະຊາຊົນສອງປະເທດ ຫວຽດນາມ-ລາວ ໄດ້ຖືກ ປະທານ ໂຮ່ຈີ໋ມິງ ແລະ ປະທານ ໄກສອນ ພົມວິຫານ ສ້າງພື້ນຖານ, ໄດ້ຮັບເສີມຂະຫຍາຍເສີມສ້າງ, ກາຍເປັນມໍລະດົກອັນລຳຄ່າຂອງປະຊາຊົນສອງປະເທດ ຈາກບັນດາການນຳຂອງສອງພັກ-ສອງລັດ ກໍ່ຄືປະຊາຊົນຂອງສອງຊາດ.
 |
ປື້ມ ເລື່ອງເລົ່າກ່ຽວກັບຄວາມສາມັກຄີມິດຕະພາບຫວຽດນາມ-ລາວ.
ໃນສະໄໝການຕໍ່ສູ້ຕ້ານຈັກກະພັດຜູ້ຮຸກຮານ, ສອງປະເທດໄດ້ສ້າງຕັ້ງທະຫານປະສົມ ລາວ-ຫວຽດ ເພື່ອຮ່ວມກຳລັງຕໍ່ສູ້ສັດຕູໂຕດຽວກັນ. ບັນດານັກຮົບອາສາສະໝັກ ຫວຽດນາມ ທຳອິດເດີນທາງມາລາວຮ່ວມກັນຕໍ່ສູ້ຄຽງບ່າຄຽງໄລ່ກັບກຳລັງປະກອບອາວຸດ ປະເທດລາວ. ຄວາມຕັດສິນໃຈ ການເສຍສະຫຼະເລືອດເນື້ອ ແລະ ປະສານສົມທົບຢ່າງແໜ້ນແຟ້ນລະຫວ່າງ ບັນດາລູກຮັກຫຼານແພງຂອງປະຊາຊົນບັນດາເຜົ່າຂອງສອງຊາດ ໄດ້ປະກອບສ່ວນນຳພາ-ພາລະກິດການປະຕິວັດຂອງສອງປະເທດໄປສູ່ໄຊຊະນະອັນສະຫງ່າລາສີ.
ປີ 2017 ແມ່ນປີທີ່ມີຄວາມໝາຍສຳຄັນພິເສດ ໃນການພົວພັນການທູດ ລະຫວ່າງ ລາວ-ຫວຽດນາມ ເມື່ອສອງປະເທດ ຄົບຮອບ 40ປີ ວັນເຊັນສົນທິສັນຍາມິຕະພາບ ແລະ ຮ່ວມມືຮອບດ້ານ ລາວ-ຫວຽດນາມ (18/7/1977 - 18/7/2017) ແລະ 55 ປີ ວັນສ້າງຕັ້ງສາຍພົວພັນການທູດ ລາວ-ຫວຽດນາມ (05/9/1962 - 05/9/2017).
ເມື່ອຕິດຕາມວັນສຳຄັນດັ່ງກ່າວນັ້ນ, ສຳນັກງານ ຈັດພິມ ຂ່າວສານ ແລະ ສື່ສານມວນຊົນ ປະສານສົມທົບກັບ ບັນດານັກຊ່ຽວຊານ ຈັດຕັ້ງການຂຽນ ແລະ ຈັດພິມຊຸດປື້ມອ່ານ ກ່ຽວກັບ ສາຍພົວພັນອັນແໜ້ນແຟ້ນລະຫວ່າງ ລາວ-ຫວຽດນາມ ເຊິ່ງປະກອບມີປື້ມອ່ານ 11 ຫົວ: ຫວຽດນາ-ລາວ; ຄວາມໄກ້ສິດຕິດແທດຜ່ານການເວລາ( ຄວາມຄ້າຄືກັນທາງດ້ານການເມືອງ, ປະຫວັດສາດ, ວັດທະນະທຳ ແຕ່ບູຮານ ຮອດ ຍຸກສະໄໝໃໝ່); ສາຍພົວພັນພິເສດ ຮ່ວມມືຮອບດ້ານ ຫວຽດນາມ-ລາວ ໄລຍະ ປີ 1954-2017; 55 ປີແຫ່ງສາຍພົວພັນການທູດ ຫວຽດນາມ-ລາວ; ຫວນຄືນ ແລະ ກ້າວໄປ…
 |
ຄົບຮອບ 55 ປີ ວັນສ້າງສາຍພົວພັນມິດຕະພາບ ຫວຽດນາມ-ລາວ.
ແນວຄິດພຸດທະສາດສະໜາ ໃນວັດທະນະທຳຂອງລາວ-ຫວຽດນາມ ແມ່ນໜື່ງໃນພື້ນຖານ ສົ່ງຜົນໃຫ້ນ້ຳໃຈສາມັກຄີ; ປຽບທຽບ ຄຳສຸພາສິດ ກັບບົດເພງຂອງຫວຽດນາມ; ບັນດາເລື່ອງເລົ່າກ່ຽວກັບນ້ຳໃຈສາມັກຄີ ຫວຽດນາມ-ລາວ; ຮ່ວມສາຍພູຫຼວງ; ງານບຸນປະເພນີ ວັດທະນະທຳ ຄວາມຄ້າຍຄືກັນຫວຽດນາມ-ລາວ; ບັນດາບາດກ້າວໃນຂະບວນວິວັດ ວັນນະຄະດີ ພື້ນບ້ານ ຫວຽດນາມ-ລາວ; ຊອກຮູ້ວັດທະນະທຳ-ປະຫວັດສາດ ປະເທດລາວ.
ເນື້ອໃນຂອງປື້ມອ່ານ ແນະນຳຂໍ້ມູນພື້ນຖານ ກ່ຽວກັບປະເທດຊາດ ແລະ ປະຊາຊົນລາວ, ກ່ຽວກັບບັນດາຈຸພິເສດພື້ນຖານຂອງປະເທດລາວລ້ານຊ້າງ ຜ່ານປະຫວັດສາ-ທະຫານ, ການເມືອງ-ເສດຖະກິດ, ວັດທະນະທຳ-ສັງຄົມ… ຮ່ວມການເດີນທາງໃນແຕ່ລະໄລຍະ ສົມທຽບກັບຈຸດພິເສດ ຂອງປະເທດ ແລະ ປະຊາຊົນ ຫວຽດນາມ.
ພ້ອມກັນນັ້ນ ຊຸດປື້ມອ່ານນີ້ຍັງລົງເລິກວິເຄາະກ່ຽວກັບ ສາຍພົວພັນພິເສດ ຫວຽດນາມ-ລາວ, ລາວ-ຫວຽດນາມ ໃນອາດີດ, ປະຈຸບັນ ແລະ ຄວາມມຸ້ງມາດປາດທະໜາໃນການເຊື່ອມຕໍ່ໃນທຸກຂົງເຂດ.
ຈາກນັ້ນເຮັດໃຫ້ວຽກງານການຈັດຕັ້ງປະຕິບັດມີປະສິດທິຜົນ ໃນການດຳເນີນແຜນການຮ່ວມມືລະຫວ່າງ ສອງປະເທດໃນອານາຄົດ ແລະ ກໍ່ຄືເປົ້າໝາຍຈັດຕັ້ງປະຕິບັດແນວທາງ, ນະໂຍບາຍ ແລະ ແຜນນະໂຍບາຍ ຂອງພັກ-ລັດ ເວົ້າລວມ ໃຫ້ປະກົດຜົນເປັນຈິງ, ພິເສດແມ່ນຕໍ່ກັບປະເທດລາວເວົ້າສະເພາະ; ແນໃສເສີມຂະຫຍາຍ, ເພີ່ມທະວີ ຢ່າງບໍ່ຢຸດຢັັ້ງ ແລະ ພັດທະນາຕື່ມອີກ ສາຍພົວພັນສາມັກຄີພິເສດ, ຮ່ວມມືຮອບດ້ານລະຫວ່າງຫວຽດນາມ-ລາວ, ໃຫ້ຖືກຕາມຄວາມມຸ້ງມາດປາດຖະໜາຂອງ ປະທານ ໂຮ່ຈີ໋ມິງ : ຫວຽດ-ລາວ ສອງຊາດລາວ-ຫວຽດນາມ ໄດ້ຝັງຄວາມຮັກຢູ່ໃນໃຈ ຮົ່ງຮ່າທັງແມ່ຂອງ ບໍ່ເບິກປະນປານໄດ້.
（ຫັດທະບູນ）