ສູນກາງແນວລາວສ້າງຊາດ ທາບທາມຄຳເຫັນຕໍ່ມະຕິວຽກງານ ແນວໂຮມ ແລະ ມະຫາຊົນຂອງພັກ

ການຈັດກອງປະຊຸມໃນຄັ້ງນີ້ ແມ່ນເພື່ອປະຕິບັດຕາມແຈ້ງການຂອງຫ້ອງວ່າການສູນກາງພັກສະບັບເລກທີ 025/ຫສພ, ລົງວັນທີ 14 ມີຖຸນາ 2018 ວ່າດ້ວຍທິດຊີ້ນຳຂອງຄະນະເລຂາທິການສູນກາງພັກກ່ຽວກັບການປັບປຸງມະຕິ 05/ກມສພ,ລົງວັນທີ 10 ກຸມພາ 1993 ແລະ ເພື່ອເສີມຂະຫຍາຍປະຊາທິປະໄຕ, ເຕົ້າໂຮມເອົາຄຳຄິດ ຄຳເຫັນຂອງພະນັກງານລັດຖະກອນ ແລະ ບັນດາຊັ້ນຄົນຕ່າງໆຢ່າງກວ້າງຂວາງໃນການປະກອບຄຳຄິດເຫັນຕໍ່ເນື້ອໃນຮ່າງມະຕິຂອງຄະນະບໍລິຫານງານສູນກາງພັກກ່ຽວກັບວຽກງານແນວໂຮມ ແລະ ອົງການຈັດຕັ້ງມະຫາຊົນຂອງພັກໃນໄລຍະໄໝ່ໃຫ້ມີເນື້ອໃນຢ່າງເລິກຊຶ່ງ,ຈະແຈ້ງ ແລະ ແທດເໝາະກັບສະພາບຕົວຈິງ ແນໃສ່ຮັບໃຊ້ໃຫ້ແກ່ການເຄື່ອນໄຫວວຽກງານຂອງແນວໂຮມ ແລະ ອົງການຈັດຕັ້ງມະຫາຊົນໃນສະເພາະໜ້າ ແລະ ຍາວນານໃຫ້ມີປະສິດທິຜົນ ໃນກອງປະຊຸມບັນດາຜູ້ເຂົ້າຮ່ວມໄດ້ພ້ອມກັນ ປະກອບຄຳຄິດຄຳເຫັນໃສ່ຮ່ງມະຕິດັ່ງກ່າວ ເພື່ອໃຫ້ມີຄວາມຮັດກຸມ, ແທດເໝາະ ແລະ ຖືກຕ້ອງແນ່ໃສ່ ເພື່ອກ້າວໄປເຖິງ ການຈັດຕັ້ງປະຕິບັດເຂົ້າໃນວຽກງານຕົວຈິງໃຫ້ມີຜົນສຳເລັດເປັນກ້າວໆ.

（ແຫຼ່ງຂໍ້ມູນ： pasaxon.org.la）