ຮ່າໂນ້ຍ ໄຂປີທ່ອງທ່ຽວ ເຊີນເຕີຍ - ເຂດ ດວ່າຍ ແລະ ຖະໜົນຍ່າງ ກຳແພງເກົ່າ ເຊີນເຕີຍ
ສະມາຄົມນັກຮົບເກົ່າ ຫວຽດນາມ ຢູ່ ສະຫະພັນ ລັດເຊຍ ສະເຫຼີມສະຫຼອງວັນປົດປ່ອຍພາກໃຕ້ ແລະ ວັນກຳມະກອນສາກົນ | |
ເຂດຊາຍແດນ ກວ໋າງນິງ ມີການເຄື່ອນໄຫວທ່ອງທ່ຽວທີ່ຟົດຟື້ນຕ້ອນຮັບລະດູຮ້ອນ |
ພິທີໄຂປີທ່ອງທ່ຽວ ເຊີນເຕີຍ - ເຂດດວ່າຍ (ພາບ: VTV) |
ທີ່ພິທີ, ທ່ານນາງຮອງເລຂາຄະນະພັກນະຄອນ ຮ່າໂນ້ຍ ຫງວຽນທິຕວຽນ ຢັ້ງຢືນວ່າ ຕາມການວາງແຜນຜັງພັດທະນາລວມກ່ຽວກັບການພັດທະນາຕົວເມືອງຮອດປີ 2030, ວິໄສທັດຮອດປີ 2050, ເທດສະບານເມືອງເຊີນເຕີຍ ຈະພັດທະນາຕາມທິດກາຍເປັນຕົວເມືອງອ້ອມຂ້າງຂອງ ຮ່າໂນ້ຍ ດ້ວຍໜ້າທີ່ເປັນຕົວເມືອງວັດທະນະທຳ, ປະຫວັດສາດ, ຊີວະພາບ, ທ່ອງທ່ຽວພັກຜ່ອນຢ່ອນອາລົມ. ລາຍການໄຂປີທ່ອງທ່ຽວເຊີນເຕີຍ - ເຂດດວ່າຍ ແລະ ເປີດນຳໃຊ້ຖະໜົນຍ່າງກຳແພງເກົ່າ ເຊີນເຕີຍ ແມ່ນປະຖົມປັດໄຈເພື່ອບຸກທະລຸ, ປຸກລຸກກຳລັງຄວາມສາມາດອັນໃຫຍ່ຫຼວງແກ່ການພັດທະນາຂອງເທດສະບານເມືອງ, ພິເສດແມ່ນພັດທະນາເສດຖະກິດທ່ອງທ່ຽວ, ຕິດພັນກັບການອະນຸລັກຮັກສາ, ເສີມຂະຫຍາຍບັນດາຄຸນຄ່າມໍລະດົກວັດທະນະທຳທີ່ພົ້ນເດັ່ນ ພ້ອມທັງເສີມຂະຫຍາຍຄວາມສາມາດບົ່ມຊ້ອນຂອງເຂດທ່ອງທ່ຽວໃນທ້ອງຖິ່ນ.
ປີທ່ອງທ່ຽວ ເຊີນເຕີຍ - ເຂດດວ່າຍ ສຸມໃສ່ຂຸດຄົ້ນກຳລັງບົ່ມຊ້ອນປີທ່ອງທ່ຽວວັດທະນະທຳສົມທົບກັບສະຖານທີ່ທ່ອງທ່ຽວພັກຜ່ອນບຳລຸງສຸຂະພາບ, ທັດສະນະຕົວຈິງ, ການລະຫຼີ້ນບັນເທິງໃນບໍລິເວນ ແລະ ເຂດໃກ້ຄຽງ. ໝູ່ບ້ານວັດທະນະທຳທີ່ພົ້ນເດັ່ນ ຄືວັດວາອາຮາມ, ວິຫານ, ເຂດທ່ອງທ່ຽວດົ່ງໂມ ກັບ ເດີນຫຼີ້ນກັອບທີ່ບັນລຸມາດຕະຖານສາກົນ, ໝູ່ບ້ານວັດທະນະທຳທ່ອງທ່ຽວບັນດາເຜົ່າ ຫວຽດນາມ ແລະ ລະບົບສະຖານທີ່ທ່ອງທ່ຽວ, ພັກຜ່ອນບຳລຸງສຸຂະພາບໃນບໍລິເວນຈະແມ່ນສະຖານທີ່ຢ້ຽມຊົມ, ພັກຜ່ອນຂອງແຂກທ່ອງທ່ຽວຈຳນວນຫຼາຍ.