ແປກແຕ່ປະໂຫຍດຕໍ່ຄົນລາວທີ່ກຳລັງດຳລົງຊີວິດ ແລະ ຄົ້ນຄວ້າຮ່ຳຮຽນ ຢູ່ຫວຽດນາມ

ທ່ານ ເກດແກ້ວ ມະນີວົງ, ເລຂາ ສອງ ສະຖານເອກອັກຄະລັດຖະທູດ ແຫ່ງ ສປປ ລາວ ປະຈຳຫວຽດນາມ; ທ່ານ ສົມສັກ ແສງສັກດາ, ຮອງນວຍການ ໂຮງຮຽນການເມືອງການປົກຄອງ ແຂວງຈຳປາສັກ, ປະຈຸບັນເປັນນັກຄົ້ນຄວ້າຂອງ ສະຖາບັນການເມືອງແຫ່ງຊາດ ໂຮ່ຈີ໋ມິງ; ທ່ານ ອຸດົມພອນ ສີວົງສາ ພະນັກງານ ວິຊາການ-ຫ້ອງວ່າການປົກຄອງແຂວງ ເຊກອງ, ລາວ ປະຈຸບັນເປັນນັກຄົ້ນຄວ້າ ຢູ່ມະຫາວິທະຍາໄລ ເສດຖະສາດ ແຫ່ງຊາດ ຮ່າໂນ້ຍ ແລະ ທ່ານ ພານິດ ສີລາວີ, ຫົວໜ້າຂະແໜງ ອຸດສາຫະກຳ ພະແນກ ອຸດສາຫະກຳ ແລະ ການຄ້າ ແຂວງເຊກອງ ປະຈຸບັນກຳລັງສຶກສາຂັ້ນປະລິນຍາໂທ ຢູ່ມະຫາວິທະຍາໄລ ເສດຖະສາດ ແຫ່ງຊາດ ຮ່າໂນ້ຍ ໄດ້ມີການແລກປ່ຽນຄວາມສຶກກ່ຽວກັບເນື້ອໃນການທູດປະຊາຊົນຢູ່ໃນໜ້າໜັງສືພິມ ເທີ່ຍດ້າຍ ພາກພາສາລາວ.

ທ່ານ ເກດແກ້ວ ມະນີວົງ ເລຂາ ສອງ ສະຖານເອກອັກຄະລັດຖະທູດ ແຫ່ງ ສປປ ລາວ ປະຈຳຫວຽດນາມ.

ນັກຂ່າວ: ທ່ານຮູ້ສຶກແນວໃດເມື່ອທ່ານໄດ້ອ່ານໜັງສືພິມ ເທີ່ຍດ້າຍ ພາກພາສາລາວ?

ທ່ານ ເກດແກ້ວ ມະນີວົງ: ຕອນທຳອິດທີ່ເຂົ້າເບິ່ງ ຂ້າພະເຈົ້າເຫັ້ນໜ້າໜັ້ງສືພິມນີ້ແປກໆດີ. ແຕ່ເມືອເຂົ້າໄປອ່ານຮູ້ສຶກວ່າໂຄງສ້າງຂອງໜ້າໜັງສຶພິມມີຄວາມອຸດົມສົມບູນ ແລະ ເນຶ້ອໃນກໍ່ຫຼາກຫຼາຍ, ຮູບພາບແຈ່ມແຈ້ງ. ແລະ ຂ້ອຍຮູ້ສຶກວ່າໜັງສືພິມເອເລັກໂຕນິກນີ້ ຈະເປັນໜ້າທີ່ຂ້ອຍຈະອ່ານແລະຕິດຕາມ ນອກຈາກໜ້າໜັງສືພິມຂອງລາວແທ້ແລ້ວ.

ທ່ານ ສົມສັກ ແສງສັກດາ: ຄັກ! ອ້າຍຮູ້ສຶກວວ່າ ຫົວຂໍ້ທີ່ແປມາຈາກພາສາຫວຽດແມ່ນບໍ່? ເມື່ອອ່ານ ອ້າຍມັກອ່ານຄຳສັບໃໝ່ທີ່ໜັງສືພິມແປມາຈາກພາສາຫວຽດ ເພາະມັນເຮັດໃຫ້ອ້າຍໄດ້ຮູ້ຄຳສັບຫຼາຍຂື້ນ.

ທ່ານ ອຸດົມພອນ ສີວົງສາ: ໃນນາມເປັນພະນັກງານມາຮຽນ ດັ່ງນັ້ນການຊອກຫາຂໍ້ມູນຂ່າວສານ ແມ່ນມີຄວາມໝາຍສຳຄັນ, ພິເສດແມ່ນຂໍ້ມູນທີ່ເປັນທັງພາສາຫວຽດ-ລາວ. ເທື່ອທຳອິດເຂົ້າອ່ານ ໜັງສືພິມພາກພາສາລາວ ຂອງໜ້າໜັງສືພິມເທີ່ຍດ້າຍ ແມ່ນຍ້ອນໝູ່ສົ່ງ ລິງມາໃຫ້. ເມື່ອອ່ານ ໜັງສືພິມດັ່ງກ່າວມີຂໍ້ມູນຂ່າວສານທີ່ມີຄວາມຫຼາກຫຼາຍ ແລະ ອັບເດໄວ. ແຕ່ລະມື້ຕອນເຊົ້າຂ້ອຍມັກເປີດໂທລະສັບອອກມາອ່ານ.

ທ່ານ ພານິດ ສີລາວີ: ຂ້ອຍເຫັນວ່າ ໜ້າໜັງສືພິມ ພາກພາສາລາວ ໂດຍໜັງສືພິມ ເທີ່ຍດ້າຍສ້າງຂື້ນມາເປັນເວບໄຊ ທີ່ມີນ້ອງນັກຮຽນລາວເລືອກທີ່ຈະອ່ານແລະ ຊອກຫາຂໍ້ມູນທີ່ມີປະໂຫຍດ. ໃນນັ້ນພວກເຮົາຊອກຫາຂໍ້ມູນກ່ຽວກັບວັດທະນະທຳ, ພູມສັນຖານ ແລະ ປະຊາຊົນຊາວຫວຽດນາມ. ເຂົ້າໄປກິກເບິ່ງໃນເວບໄຊເພື່ອຊອກຫາຂໍ້ມູນ ຂ້ອຍຮູ້ສຶກວ່າມີຂໍ້ມູນທີ່ອຸດົມສົມບູນ ຫຼາກຫຼາຍ ແລະ ຂໍ້ມູນອັບເດດໄວ. ມັນສ້າງຄວາມສະດວກໃຫ້ພວກເຮົາ ໃນການຊອກອ່ານຂໍ້ມູນ ພິເສດ ຂໍ້ມູນກ່ຽວກັບກົດໝາຍ, ວັດທະນະທຳ ເພື່ອໃຫ້ພວກເຮົາ ດຳລົງຊີວິດ, ຮ່ຳຮຽນ ຢູ່ປະເທດຫວຽດນາມ.

ທ່ານ ສົມສັກ ແສງສັກດາ ຮອງອຳນວຍການ ໂຮງຮຽນການເມືອງການປົກຄອງ ຈຳປາສັກ.

ນັກຂ່າວ: ຖ້າທຽບໃສ່ໜັງສືພິມພາສາລາວ ຂອງໜັງສືພິມ ເທີ່ຍດ້າຍ ກັບ ໜັງສືພິມລາວຂອງແທ້ ທ່ານເຫັນວ່າມີຄວາມແຕກຕ່າງແນວໃດ?

ທ່ານ ເກດແກ້ວ ມະນີວົງ: ຕ່າງຢູ່ບ່ອນຫົວຂໍ້ ມິດຕະພາບ ແລະ ບັນດາຫົວຂໍ້ນ້ອຍ ສ່ວນເນື້ອໃນຂ້ອຍຮູ້ສຶກວ່າມັນອັບເດດຕາມວັນເວລາໄວກວ່າຂອງລາວ.

ທ່ານ ສົມສັກ ແສງສັກດາ: ຊື້ຂອງຫົວຂໍ້ກໍ່ບໍ່ຕ່າງຫຍັງກັບໜັງສືພິມລາວ. ທາງດ້ານເນື້ອໃນ ຂ້ອຍເຫັນວ່າອັບເດດໄວກວ່າ ແລະ ລະອຽດກວ່າກ່ຽວກັບການເຄື່ອນໄຫວມິດຕະພາບ ແລະ ຮ່ວມມື ຫວຽດນາມ-ລາວ. ຂ້ອຍມັກອ່ານສະພາບການບ້ານເມືອງ ສັງຄົມ ຂອງຫວຽດນາມ ຜ່ານເວບນີ້.

ທ່ານ ອຸດົມພອນ ສີວົງສາ: ຂ້ອຍເຫັນວ່າມີຄວາມຄ້າຍຄືກັນຫຼາຍກັບໜ້າໜັງສືພິມລາວ

ທ່ານ ພານິດ ສີລາວີ: ຂ້ອຍເຫັນວ່າໜ້າໜັງສືພິມເອເລັກໂຕນິກພາກພາສາລາວນີ້ຄືກັນທາງດ້ານໂຄງສ້າງ ແລະ ເນື້ອ້ໃນ, ມີພຽງສ່ວນໜ້ອຍຄືຊື່ຂອງຫົວຂໍ້ຂ່າວ ແລະ ຟ້ອນທີ່ໃຊ້ມັນຕ່າງ.

ທ່ານ ອຸດົມພອນ ສີວົງສາ ວິຊາການ ຫ້ອງວ່າການປົກຄອງແຂວງ-ແຂວງສາລະວັນ.

ທ່ານ ເກດແກ້ວ ມະນີວົງ: ຕາມຂ້ອຍໂຄງສ້າງ ແລະ ເນື້ອໃນແມ່ນໄດ້ແລ້ວ. ຜູ່ອ່ານເຂົ້າໃຈເນື້ອໃນຂ່າວທີ່ ໜັງສືພິມຕ້ອງການນຳສະເໜີ.

ທ່ານ ສົມສັກ ແສງສັກດາ: ໃນນາມສ່ວນຕົວຂອງເຫັນວ່າ: ຊື່ຫົວຂໍ້ຂ່າວຄວນມີການຂີດໜ້າເພື່ອງ່າຍໃນການເບິ່ງ, ສ່ວນອື່ນໆແມ່ນເຫັນວ່າດີແລ້ວ.

ທ່ານ ອຸດົມພອນ ສີວົງສາ: ສ່ວນໂຕຂ້າພະເຈົ້າ ເມື່ອອ່ານແລ້ວຂ້ອຍຕ້ອງການຮູ້ຈຳນວນພົນທີເຂົ້າອ່ານວ່າມີຈັກຄົນ ແລະ ມີຈັກຄົນທີ່ສົນໃຈກ່ຽວກັບຂ່າວດັ່ງກ່າວ.

ທ່ານ ພານິດ ສີລາວີ: ຂ້ອຍວ່າຄວນປັບປຸງຟ້ອນໃຫ້ຖຶກຕາມາດຕະຖານຂອງຟ້ອນລາວ.

ທ່ານ ພານິດ ສີລາວີ ຫົວໜ້າຂະແໜງອຸດສາຫະກຳ -ພະແນກອຸດສາຫະກຳ ແລະ ການຄ້າ ເຊກອງ.

ນັກຂ່າວ:ຄັນຊັ້ນທ່ານມັກອ່ານຂ່າວກ່ຽວກັບຫຍັງ?

ທ່ານ ເກດແກ້ວ ມະນີວົງຂ້ອຍອ່ານທຸກຂ່າວທີ່ກ່ຽວຂ້ອງກັບການພົວພັນ ຫວຽດ-ລາວ. ອ່ານຂ່າວສານກ່ຽວກັບທູດປະຊາຊົນ, ນອກນັ້ນກໍ່ຍັງອ່ານ ຂ່າວເສດຖະກິດ-ການເມືອງ-ສັງຄົມ ແລະ ທ່ອງທ່ຽວຫວຽດນາມ. ພິເສດ ຂ້ອຍມັກອ່ານກ່ຽວກັບການເຄື່ອນໄຫວຮ່ວມມືຂອງສອງປະເທດ ເພາະມັນຕິດພັນກັບວຽກງານຂອງຂ້າພະເຈົ້າ ທີ່ກຳລັງເຮັດຢູ່ຫວຽດນາມປະຈຸບັນ.

ທ່ານ ສົມສັກ ແສງສັກດາ:ຂ້ອຍມັກອ່ານຂ່າວທີ່ກ່ຽວຂ້ອງກັບ ກິລາ ແລະ ສຸຂະພາບ. ຍ້ອນປະຈຸບັນ ຂໍ້ມູນກ່ຽວກັບ ສຸຂະພາບ ເປັນສ່ວນໜຶ່ງຂອງຊີວິດການເປັນຢູ່ຂອງປະຊາຊົນລາວປະຈຸບັນໃຫ້ຄວາມສົນໃຈ.

ທ່ານ ອຸດົມພອນ ສີວົງສາ:ຂ້ອຍມັກອ່ານ ຂ່າວເສດຖະກິດ-ການເມືອງ-ສັງຄົມ. ຍ້ອນວ່າມັນກ່ຽວຂ້ອງໂດຍກົງກັບການຄົ້ນຄວ້າ ແລະ ຮ່ຳຮຽນຂອງຂ້ອຍຢູຫວຽດນາມ. ນອກນັ້ນ ຂ້ອຍມັກໄປທ່ອງທ່ຽວ ແລະ ພະຈົນໄພ ສະນັ້ນຂ້ອຍກໍ່ຕິດຕາມສະຖານທີ່ທ່ອງທ່ຽວ, ອາຫານ ແລະ ບ່ອນຫຼິ້ນຂອງຫວຽດນາມ ຜ່ານເວບນີ້

ທ່ານ ພານິດ ສີລາວີ:ຂ້ອຍເຄື່ອນໄຫວໃນຂົງເຂດເສດຖະກິດ ແລະ ເປັນພະນັກງານລັດ ດັ່ງນັ້ນຂ້ອຍສົນໃຈກ່ຽວກັບ ສະພາບການເສດຖະກິດ ຂອງພາກພື້ນແລະ ສາກົນ. ຂ້ອຍສົນໃຈພິເສດ ເຖິງການພົວພັນ ຮ່ວມມືຂອງສອງປະເທດ ຫວຽດ-ລາວ.

ນັກຂ່າວ: ຂໍຂອບໃຈ.

（ຫັດທະບູນ）