ມີ ກ່ວາ 900 ຄົນອາສາສະໝັກສັກວັກຊິນກັນໂຄວິດ - 19 nano Covax ຄັ້ງທີ 2 ໄລຍະທີ 3
| ສຳເລັດການສັກວັກຊິນກັນ 1000 ເຂັມທຳອິດໃນການທົດລອງສັກວັກຊິນກັນໂຄວິດ-19 Nano Covax ໄລຍະທີ 3 | |
| WHO ຈະຊຸກຍູ້ການສົ່ງແຫຼ່ງວັກຊິນໃນກົນໄກ COVAX ໃຫ້ແກ່ຫວຽດນາມ ໂດຍໄວ |
 |
| ພາບປະກອບ: TTXVN |
ຕາມນັ້ນແລ້ວ, ມີຜູ້ອາສາສະໝັກ 12.000 ຄົນໄດ້ຮັບການສັກວັກຊິນຕາມອັດຕາສ່ວນ 2:1. ໃນບັ້ນທີ 2 ຂອງໄລຍະທີ 3, ການສັກວັກຊິນກັນໂຄວິດ - 19 Nano Covax ສືບຕໍ່ໄດ້ຮັບການສັກວັກຊິນຢູ່ຫຼາຍສູນ. ຢູ່ພາກເໜືອມີວິທະຍາຄານເສນາຮັກເປັນຂົວຕໍ່, ສົມທົບກັບພະແນກສາທາລະນະສຸກແຂວງຮຶງອຽນຜັນຂະຫຍາຍຢູ່ແຂວງ, ຢູ່ພາກໃຕ້ໂດຍ ສະຖາບັນ Pasteur ນະຄອນໂຮ່ຈີມິນ ສົມທົບກັບສູນສາທາລະນະສຸກສຳຮອງຂອງສອງແຂວງລອງອານແລະຕຽນຢາງຜັນຂະຫຍາຍ.
ຄາດວ່າ, ວິທະຍາຄານເສນາຮັກ ແລະ ພະນັກງານສາທາລະນະສຸກ ແຂວງຮຶງອຽນ ໄດ້ສັກທົດລອງໃຫ້ແກ່ຜູ້ອາສາສະໝັກ 6000 ຄົນ, ນັບແຕ່ເວລາ 12 ໂມງຂອງວັນທີ 2 ກໍລະກົດ, ທັງ 2 ກົມກອງມີຜູ້ໄດ້ຮັບການສັກວັກຊິນກ່ວາ 900 ຄົນ.
ທ່ານ ພົນຈັດຕະວາ ສາດສະດາຈານ, ປ.ອ ຮ່ວາງວັນເລືອງ, ຮອງຫົວໜ້າວິທະຍາຄານເສນາຮັກ (ກະຊວງປ້ອງກັນປະເທດ) ໃຫ້ຮູ້ວ່າ:ການສັກວັກຊິນຕໍ່ຄົນ ໄດ້ຮັບການປະຕິບັດຕາມຂັ້ນຕອນຂອງກະຊວງສາທາລະນະສຸກ. ກ່ອນການສັກວັກຊິນ, ບັນດາຜູ້ອາສາສະໝັກ ຕ້ອງໄດ້ຮັບການກວດສຸຂະພາບ, ເວັ້ນແຕ່ບັນດາກໍລະນີຜູ້ອາສາສະໝັກທີ່ມີຜົນກວດເລືອດເປັນບວກກັບເຊື້ອໄວຣັດ SARS – CoV -2, ພາຍຫຼັງດຳເນີນການສັກວັກຊິນ, ຈະໄດ້ຮັບການຕິດຕາມສຸຂະພາບຢູ່ກັບທີ່ ປະມານ 30 – 60 ນາທີ ແລະ ສືບຕໍ່ໄດ້ຮັບການຕິດຕາມຕະຫຼອດໄລຍະເວລາຕາມການກຳນົດ.
ຄາດວ່າ ເຂັມທີ 1 ຂອງບັ້ນສັກວັກຊິນທີ 2 ຂອງການສັກທົດລອງວັກຊິນ Nano Covax ໄລຍະທີ 3 ຈະສິ້ນສຸດລົງໃນວັນທີ 15 ກໍລະກົດ, ເຂັມທີ 2 ຈະສິ້ນສຸດລົງກ່ອນວັນທີ 15 ສິງຫາ. ກ່ອນໜ້ານັ້ນ, ຜູ້ອາສາສະໝັກ 1000 ຄົນທີ່ໄດ້ຮັບການສັກວັກຊິນບັ້ນທຳອິດລ້ວນແຕ່ມີສຸຂະພາບທີ່ເປັນປົກກະຕິ. ຄາດວ່າ, ວັນທີ 10 ກໍລະກົດ ມີຜູ້ອາສາສະໝັກ 1000 ຄົນຈະໄດ້ຮັບການສັກວັກຊິນເຂັມທີ 2 ແລະ ປະຕິບັດສຳເລັດການເອົາເລືອດວິໄຈຫາເຊື້ອ ເພື່ອຕີລາຄາຄວາມສາມາດໃນການສ້າງພູມຕ້ານທານໃນວັນທີ 30 ກໍລະກົດ. ບັນດາເລືອດໄປເອົາວິໄຈພາຍໃນເວລາ 1 ເດືອນ, ຄາດວ່າຮອດກາງເດືອນກັນຍາ 2021 ຈະມີບົດລາຍງານຜົນຂໍ້ມູນກ່ຽວກັບຄວາມປອດໄພ ແລະການສ້າງພູມຕ້ານທານ ໃນມື້ທີ 42 ພາຍຫຼັງການສັກວັກຊິນໃຫ້ແກ່ຜູ້ອາສາສະໝັກ 1000 ຄົນ.
ວັນຊິນກັນໂຄວິດ - 19 Nano Covax ໂດຍບໍລິສັດຫຸ້ນສ່ວນເຕັກໂນໂລຢີຊີວະສາດການຢາພັດທະນາແຕ່ເດືອນພຶດສະພາ 2020. ກ່ອນການສັກທົດລອງວັກຊິນໄລຍະທີ 3, ວັກຊີນນີ້ໄດ້ຮັບການທົດລອງຕໍ່ຄົນຜ່ານ 2 ໄລຍະແລ້ວ, ໄລຍະທີ 1 ເລີ່ມແຕ່ວັນທີ 18 ທັນວາ 2020,ໄລຍະທີ 2 ເລີ່ມແຕ່ວັນທີ 26 ກຸມພາ 2021, ໄລຍະທີ 3 ເລີ່ມແຕ່ວັນທີ 11 ມິຖຸນາ 2021.
ບຸນຄົງ