ພາບປະກອບ
ເມື່ອໃກ້ຈະຮອດໄລຍະ ງານບຸນຊາວບ້ານຈະພາກັນຕົ້ມ ເຫຼົ້າແລະກະກຽມອາຫານການກິນ ເພື່ອຕ້ອນຮັບສັດທາຈາກ ພາກສ່ວນຕ່າງໆທີ່ມາຮ່ວມ ງານ, ໃນມື້ຂຶ້ນ 13 ຄໍ່າເດືອນ 4 ລາວຈະເປັນມື້ຫ້າງຫາກະກຽມ ສະຖານທີ່, ຫໍອຸປະຄຸດ, ບ່ອນຝັງ ຫຸ່ນ ໂດຍການເອົາກະໂປະຫົວ ຄວາຍຈຳນວນ4ຫົວຝັງໄວ້ທັງ 4 ທິດ, ພໍເຖິງເວລາ 4 ໂມງເຊົ້າ ຂອງມື້ຂຶ້ນ 14 ຄໍ່າ ຊາວບ້ານກໍ ຈະພາກັນໄປນຳເອົາອຸປະຄຸດ (ຫີນແຮ່-ຫີນຊາຍຢູ່ພື້ນນໍ້າ) ມາ ຂຶ້ນຫໍທີ່ໄດ້ກະກຽມໄວ້ເພື່ອເປັນ ການປົກປັກຮັກສາຊາວບ້ານ ແລະ ເຮັດໜ້າທີ່ປາບມານຮ້າຍ. ສຳລັບຕອນກາງຄືນຈະມີການ ຄົບງັນຕາມຮີດຄອງປະເພນີ, ໃນເວລາ 7:00 ໂມງເຊົ້າຂອງ ມື້ຂຶ້ນ 15 ຄໍ່າທຸກໆຄອບຄົວ ໄດ້ ກະກຽມເຄື່ອງໃສ່ບາດຖວາຍ ສັງຂະທານ,ເວລາ14:00 ໂມງ ຊາວບ້ານກໍຈະແຫ່ອ້ອມບ້ານ ໂດຍແຕ່ລະຄົນຈະແຕ່ງກາຍ ທີ່ມີຫຼາກຫຼາຍສີສັນແຕກຕ່າງ ກັນໄປມືຖືດາບທີ່ເຮັດຈາກໄມ້ ເພື່ອໄລ່ມານຮ້າຍ ພ້ອມທັງຕີ ກອງເລງ, ກອງຫາງ, ລຳພະ ຫຍາຍ່ອຍ, ເປົ່າປີ່, ເປົ່າແຄນ ແລະ ອື່ນໆ. ພໍຮອດເດີ່ນວັດກໍ ຈະມີຂັນຫ້າ ເພື່ອເຊີນໃຫ້ໝໍ ຫຸ່ນ (ເຈົ້າມະເຫສັກ) ມາຫຼິ້ນບຸນ ຮ່ວມກັບຊາວບ້ານແລ້ວມີການ ແຫ່ອ້ອມວັດ 3 ຮອບ.
ດິນແດນແຂວງໄຊຍະບູລີ ຕັ້ງຢູ່ພາກເໜືອຂອງສາທາ ລະນະລັດ ປະຊາທິປະໄຕ ປະຊາຊົນລາວ ແລະ ຕັ້ງຢູ່ຝັ່ງ ຂວາຂອງແມ່ນໍ້າຂອງ, ມີດິນຕໍ່ແຜ່ນຕິດກັບ 6 ຈັງຫວັດລາຊະອານາຈັກໄທ, ມີຄວາມຍາວ 647 ກິໂລແມັດເຊັ່ນ: ຈັງຫວັດຊຽງຣາຍ, ພະເຍົາ, ນ່ານ, ອຸດ ຕະລະດິດ, ພິດສະນຸໂລກ ແລະ ຈັງຫວັດເລີຍ. ປະກອບມີ 11 ເມືອງຄື: ເມືອງຄອບ, ຊຽງຮ່ອນ, ເມືອງເງິນ, ຫົງສາ, ໄຊຍະບູລີ, ໄຊສະຖານ, ເມືອງພຽງ, ປາກລາຍ, ທົ່ງມີໄຊ, ແກ່ນທ້າວ ແລະ ເມືອງບໍ່ແຕນ. ມີທັງໝົດ 430 ບ້ານ, ມີ 77.114 ຄອບຄົວ, ມີພົນລະເມືອງ 396.529 ຄົນ, ຍິງ 195.691 ຄົນ; ໃນນີ້ມີຄອບຄົວທຸກຍາກ 1.202 ຄົນ ເທົ່າກັບ 1,6%, ບ້ານທຸກຍາກ 12 ບ້ານກວມ 2,78% ແລະ ເມືອງທຸກຍາກມີ 1 ເມືອງ. ແຂວງໄຊຍະບູລີເປັນແຂວງທີ່ມີທິວທັດທໍາມະຊາດ ແລະ ວັດທະນະທໍາບັັນດາເຜົ່າຫຼາກຫຼາຍສີສັນເໝືອນດັ່ງດອກໄມ້ຫຼາຍສີທີ່ເກີດຢູ່ຮ່ວມຕົ້ນດຽວ ກັນ ຄືດັ່ງ 8 ເຜົ່າທີ່ດໍາລົງຊີວິດຢູ່ ຮ່ວມກັນຢ່າງມີຄວາມສຸກ, ສາ ມັກຄີປອງດອງຊ່ວຍເຫຼືອຊຶ່ງກັນ ແລະ ກັນເຊັ່ນ: ເຜົ່າລາວ, ມົ້ງ, ອິວມຽນ, ໄຕດໍາ, ລື້, ຍວນ, ໄປຣ ແລະ ເຜົ່າກຶມມຸທີ່ນອນຢູ່ໃນ 50 ຊົນເຜົ່າໃນທົ່ວປະເທດ ແລະ ແຕ່ລະເຜົ່ານັ້ນລ້ວນແຕ່ມີເອກະລັກສະເພາະຂອງໃຜລາວ ພ້ອມນີ້, ຍັງມີມູນເຊື້ອທີ່ດຸ ໝັ່ນຂະຫຍັນພຽນ ໃນການອອກ ແຮງງານ, ຜະລິດກະສິກໍາເປັນ ສິນຄ້າຕາມນະໂຍບາຍຂອງ ພັກ, ຕິດພັນກັບການອະນຸລັກຮັກສາຮີດຄອງປະເພນີອັນດີ ງາມຂອງຊາດ, ຂອງທ້ອງຖິ່ນກໍ ຄືຂອງເຜົ່າ.
ດັ່ງຄໍາຂວັນທີ່ວ່າ: “ໄຊຍະບູລີດິນແດນຍາວສຸດຫຼາ ດ່ານໜ້າທີ່ແຂງແກ່ນ ແດນພູເຂົາແຫ່ງຄໍາຂຽວ ທ່ອງທ່ຽວແຫ່ງເມືອງຊ້າງ ເອກອ້າງໝໍ້ໄຟໃຫຍ່ເມືອງຫົງສາ ໄຟຟ້າເຂື່ອນນໍ້າຂອງ ສາມັກຄີປອງດອງບັນດາເຜົ່າຫຼາຍສີສັນ ພະລັງດັນສູ່ຄວາມມັ່ງຄັ່ງເຂັ້ມແຂງ”. ນອກຈາກນີ້ແລ້ວ, ແຂວງໄຊຍະ ບູລີຍັງອຸດົມສົມບູນໄປດ້ວຍພູ ຜາປ່າໄມ້ທີ່ຕຶບໜາ, ມີນໍ້າຕົກ ຕາດ, ວັດວາອາຣາມ ປູສະນິຍະ ສະຖານ, ສະຖານທີ່ປະຫວັດ ສາດ ແລະ ວັດທະນະທໍາຂອງເຜົ່າທີ່ມີຄວາມສວຍງາມແຕກຕ່າງກັນ ເມື່ອເຫັນແລ້ວກໍມີຄວາມປະທັບໃຈຍາກທີ່ຈະລືມ ທັງໝົດເຫຼົ່ານີ້ໄດ້ກາຍເປັນທ່າ ແຮງທີ່ດຶງດູດເອົາແຂກທັງພາຍໃນ ແລະ ຕ່າງປະເທດເຂົ້າມາທ່ອງທ່ຽວຢູ່ແຂວງໄຊຍະບູລີ ນັບມື້ນັບເພີ່ມຂຶ້ນ.
(ໄຊພອນ)