ເຮືອນພັກຄົນ​ຊະລາ ເຕັມໄປດ້ວຍຮັກແພງ ຢູ່ແຂວງ ຫ໋າຍຟ່ອງ

20:35 2018/07/20

ຍ​ສ​ໝ - ນອນຢູ່ໃນ ໃຈກາງຕົວເມືອງແຫ່ງທ່າກຳປັ່ນ, ບ້ານພັກຄົນສະລາ ໃຜກໍ່ຮູ້ວ່າເປັນບ່ອນສຸດທ້າຍທີ່ເປັນທີ່ເພິ່ງອາໄສຂອງຄົນເລ້ລ້ອນ, ເດັກກຳພ້າ, ນັກຮຽນທຸກຍາກ. ຢູ່ພາຍໃຕ້ຊາຍຄາຫຼັງນີ້ ໂຊກສະຕາທີ່ບໍ່ອຳນວຍ ໄດ້ຮັບການເອົາໃຈໃສ່ , ຮັບຄວາມຮັກແພງ ແລະ ແບ່ງປັນຈາກສັງຄົມ.

ເຮືອນພັກຄົນ​ຊະລາ ເຕັມໄປດ້ວຍຮັກແພງ ຢູ່ແຂວງ ຫ໋າຍຟ່ອງ

ຊາຍ​ຄາ​ຂອງ​ຜູ້​ທີ່​ໂຊກ​ຮ້າຍ​ໃນ​ຊີ​ວິດ

ພວກ​ຂ້າ​ພະ​ເຈົ້າ​ມີ​ໂອ​ກາດ ໄປ​ຢ້ຽມ​ຢາມ​ຄອບ​ຄົວ​ໃຫຍ່​ທີ່​ກຳ​ລັງ​ດຳ​ລົງ​ຊີ​ວິດ​ຢູ່​ໃນ ບ້ານ​ພັກ​ຄົນ​ສະ​ລາ ( ເຮືອນ​ເລກ​ທີ 3/54/241 B ແລັກ​ໄຈ, ເມືອງ ໂງກວ່ຽນ, ແຂວງ ຫ໋າຍ​ຟ່ອງ) ຕອນ​ເຊົ້າ​ເດືອນ​ກໍ​ລະ​ກົດ.

ເຮືອນ​ພັກ​ຄົນ​ຊະ​ລາ ຢູ່​ຫ໋າຍ​ຟ່ອງ.

ບ້ານ​ພັກ​ດັ່ງ​ກ່າວ ມີ​ນາງ ດັ້ງ​ທິ​ມິງ​ທ້າວ ຫົວ​ໜ້າ​ບໍ​ລິ​ສັດ ຫຸ້ນ​ສ່ວນ  ບໍ​ລິ​ການ ຮ່​ວາງວູ໋ ກໍ່​ສ້າງ​ເພື່ອ​ຕ້ອນ​ຮັບ​ພາກ​ສ່ວນ​ທີ່​ລຳ​ບາກ-ທຸກ​ຍາກ ເຂົ້າ​ມາ​ເພື່ອ​ເບິ່ງ​ແຍງ.

ແບ່ງ​ປັນ​ກັບ ນັກ​ຂ່າວ ເທີ່ຍ​ດ້າຍ, ທ່ານ​ນາງ ທ໋າວ ໃຫ້​ຮູ້​ວ່າ: “ ພາຍ​ຫຼັງ 8 ເດືອນ​ສ້າງ​ເຮືອນ​ຫຼັງ​ນີ້​ຂື້ນ​ມາ ໃນ​ວັນ​ທີ 17 ເມ​ສາ ແມ່ນ​ການກໍ່​ສ້າງ​ຖື​ວ່າ​ສຳ​ເລັດ​ສົມ​ບູນ ແລະ ນຳ​ເຂົ້າ​ຮັບ​ໃຊ້​ໃນ​ການ​ເຄື່ອນ​ໄຫວ. ເຮືອນ​ຫຼັງ​ນີ້ກວ້າງ​ປະ​ມານ 200ຕາ​ແມັດ, 3ຊັ້ນ ສາ​ມາດ​ໃຫ້​ຄົນ​ເຂົ້າ​ຢູ່​ໄດ້​ປະ​ມານ 50ຄົນ. ມາ​ຮອດ​ປະ​ຈຸ​ບັນ ເຮືອນ​ພັກ​ດັ່ງ​ກ່າວ​ຮັບ​ເຂົ້າ​ມາ​ເບິ່ງ​ແຍງ​ປະ​ມານ 10 ຄົນ ແລ້ວ​ໂດຍ​ທັງ​ໝົດ​ແມ່ນ​ຜູ້​ເຖົ້າ-ຄົນ​ຊະ​ລາ, ໃນ​ນັ້ນ​ມີກໍ່​ຍັງ​ມີ ເດັກ​ນ້ອງ​ອີກ 2 ຄົນ”.

ຜູ້​ເຖົ້າ ແລະ ເດັກ​ກຳ​ພ້າ​ແມ່ນ​ຢູ່​ແບບ​ຟີ​ຟີ ບໍ່​ມີ​ຄ່າ​ໃຊ້​ຈ່າຍ​ຫຍັງ​ໝົດ. ສ່ວນ​ນັກ​ຮຽນ​ທຸກ​ຍາກ​ແມ່ນ​ຢູ່​ຟີ, ແຕ່​ຄ່າ​ອາ​ຫານ​ແມ່ນ​ຈ່າຍ​ບາງ​ສ່ວນ. ສ່ວນ​ໃຫຍ່​ຜູ້​ເຖົ້າ​ທີ່​ຢູ່​ໃນ​ເຮືອນ​ແຫ່ງນີ້​ແມ່ນ​ມາ​ຈ​າກ​ຄອບ​ຄົວ​ທຸກ​ຍາກ, ຕ້ອງ​ໄດ້​ໄປ​ເຊົ່າ​ເຮືອນ​ຢູ່ ຫຼື​ວ່າ ນອນ​ຊົ່ວ​ຄາວ​ຕາມ​ສະ​ຖານ​ນີ​ລົດ​ໂດຍ​ສານ, ກ້ອງ​ຂົວ ແລະ ສະ​ຖານ​ນີ​ລົດ​ໄຟ.

ຊັ້ນ 1 ແມ່ນ​ສຳ​ລັບ ຜູ້​ເຖົ້າ​ຄົນ​ຊະ​ລາ​ທີ່​ເລ້​ລ້ອນ​ບໍ່​ມີ​ບ່ອນ​ຢູ່ ມີ​ສອງ​ຫ້ອງ: ສຳ​ລັບ​ຍິງ-ຊາຍ ແຕ່​ລະ​ຫ້ອງ​ແມ່ນ​ມີ 8 ຕຽງ​ດ່ຽວ.

ຊັ້ນ 2 ແມ່ນສຳ​ລັບ​ນັກ​ຮຽນ​ຍິງ​ທີ່​ມີ​ສະ​ພາບ​ຄອບ​ຄົວ​ທຸກ​ຍາກ, ເດັກ​ກຳ​ພ້າ. ສ່ວນ​ຊັ້ນ 3 ແມ່ນ​ສຳ​ລັບ​ນັກ​ຮຽນ​ຊາຍ​ຄອບ​ຄົວ​ທຸກ​ຍາກ ແລະ ເດັກ​ກຳ​ພ້າ.

ຫ້ອງນອນ​ທີ່​ສະ​ດວກ​ສະ​ບາຍ.
ຫ້ອງ​ອາ​ຫານ​ທີ່​ສະ​ອາດ​.

ແຕ່​ລະ​ຫ້ອງ​ແມ່ນ​ຕິດ​ຕັ້ງ​ອຸ​ປະ​ກອນ​ຄົບ: ຜ້າ​ຮົ່ມ, ໝອນ, ຕູ້​ໃສ່​ເຄື່ອງ, ແອ, ໂທ​ລະ​ທັດ ແລະ ຫ້ອງ​ນ້ຳ​. ເຮືອນ​ຄົວ​ຕິດ​ຕັ້ງ​ຢ່າງ​ເໝາະ​ສົມ.

ທ່ານ​ນາງ ທ໋າວ ໃຫ້​ຮູ້​ຕື່ມ​ອີກວ່າ: ນັບ​ຕັ້ງ​ແຕ່​ເຮືອນ​ຫຼັງ​ນີ້​ສຳ​ເລັດ ລາວ​ແລະ​ໝູ່​ເພື່ອນ​ອາ​ສາ, ຜູ້​ໃຈ​ບຸນ​ຕ້ອງ​ໄດ້​ຊອກ​ຫາ​ຜູ້​ທີ່​ມີ​ສະ​ພາບ​ຄອບ​ຄົວ​ທີ່ ຫຍຸ້ງ​ຍາກ. ໃນ​ຂັ້ນ​ຕອນ​ຊອກ​ຫາ ຄະ​ນະ​ຄຸ້ມ​ຄອງ​ເຮືອນ​ພັກ ຕ້ອງ​ໄດ້​ໄປ​ຢັ້ງ​ຢືນ​ສະ​ພາບ​ຄອບ​ຄົວ​ຂອງ​ຜູ້​ເຖົ້າ​ຜູ້​ແກ່​ທັງ​ໝົດ​ຮຽບ​ຮ້ອຍ​ແລ້ວ ຈັ່ງ​ໄດ້​ພາ​ເຂົ້າ​ມາ​ເບິ່ງ​ແຍງ ແລະ ອຸບ​ປະ​ຖຳ. “ພາຍ​ຫຼັງ​ຊອກ​ໄດ້​ຜູ້​ເຖົ້າ, ຄົນ​ຊະ​ລາ ຫຼື​ຜູ້​ທີ່​ມີ​ສະ​ພາບ​ຄອບ​ຄົວ​ທຸກ​ຍາກ​ແລ້ວ ທາງ​ຄະ​ນະ​ຄຸ້ມ​ຄອງ ໄດ້​ປະ​ສານ​ງານ​ກັບ​ຜູ້​ໃຈ​ບຸນ, ໂຮງ​ໝໍ ເພື່ອ​ພາ​ໄປ​ກວດ​ສຸກ​ຂະ​ພາບ. ຊິ້ນ​ເປືອງ​ທັງ​ໝົດ​ໃນ​ການກວດ​ພະ​ຍາດ​ທັງ​ໝົດ​ແມ່ນຟີບໍ່​ໄດ້​ເສຍ​ຄ່າ. ບັນ​ດາ​ຜູ້​ເຖົ້າ​ທີ່​ນຳ​ເພິ່ນ​ມາ​ຢູ່ນີ້​ຫຼາຍ​ຄົນ​ແມ່ນ ສຸ​ຂະ​ພາບ​ແຂງ​ແຮງ​ດີ ແຕ່ກໍ່​ມີ​ບາງ​ຄົນ​ກໍ່​ເຈັບ​ໄຂ້​ຕະ​ຫຼອດ. ເພື່ອ​ຮັບ​ປະ​ກັນ​ສຸ​ຂະ​ພາບ​ໃຫ້​ເຂົາ​ເຈົ້າ ຄະ​ນະ​ຄຸ້ມ​ຄອງ​ເຮືອນ​ພັກ ໄດ້​ພາ​ເພິ່ນ​ໄປ​ກວດ​ພະ​ຍາດ ແລະ ປິ່ນ​ປົວ​ຕະ​ຫຼອດ”.

"ຄຳໃສນອນຫັ້ນ"

ຮ່ວມ​ກັນ​ແບ່ງ​ປັນ​ຄວາມ​ຫວານກໍ່​ຄື​ຂົມ​ນຳ​ກັນ ຮ່ວມ​ພາ​ເຂົ້າ​ນຳ​ກັນ​ຢູ່​ເຮືອນນີ້ ແຕ່​ວ່າ​ແຕ່​ລະ​ຄົນ ພັດ​ມີ​ຄວາມ​ເຈັບ​ປວດ​ພາຍ​ໃນ​ທີ່​ແຕກ​ຕ່າງ​ກັນ. ພວກ​ເພິ່ນ​ລ້ວນ​ແລ້ວ​ແຕ່​ເປັນ​ຄົນ​ຊະ​ລາ ​ຕົວ​ຄົນ​ດຽວ, ທຸກ​ຍາກ ແລະ ບໍ່​ມີ​ບ່ອນ​ເພິ່ງ​ພາ​ອາ​ໄສ. ສິ່ງ​ທີ່​ຜ່ານ​ໄປ​ແລ້ວບໍ່​ມີ​ໃຜ​ຢາກ​ເລົ່າ​ຄືນ, ຢູ່​ເຮືອນ​ພັກ​ແຫ່ງນີ້ ຄົນ​ຊະ​ລາ​ທຸກ​ຄົນ​ໄດ້​ຮັບ​ກາ​ນ​ເອົາ​ໃຈ​ໃສ່​, ເບິ່ງ​ແຍງ ດ້ວຍ​ໃຈ​ຈິງ. ເກີນ​ໄປ​ກວ່ານີ້ ລະ​ຫວ່ງ​ພວກ​ເພີ່ນ ແລະ ອາ​ສາ​ຫະ​ໝັກ ແມ່ນບໍ່​ມີ​ຊາຍ​ແດນ​ຂວາງ​ກັ້ນ​ລະ​ຫວ່າງ​ກັນ.

ພາ​ເຂົ້າ​ທີ່​ອົບ​ອຸ່ນ.

“ໄດ້​ຮັບ​ການ​ອຸບ​ປະ​ຖຳ ເບິ່ງ​ແຍງ ເອົາ​ໃຈ​ໃສ​ແນ່ນີ້ ລຸງ​ແມ່ນ​ດີ​ໃຈ ແລະ ໄວ້​ວາງ​ໃຈ​ແລ້ວ, ດຽວນີ້​ແດດບໍ່​ສ່ອງ​ໜ້າ, ຝົນ​ຕົກ​ກໍ່​ບໍ່​ໄດ້​ປົບ​ໄປ​ໃສ​ໝົດ ຊ້ຳ​ບໍ່​ໜຳ​ພັດ​ຍັງ​ມີ​ໝູ່, ໂອ​ລົມ​ແລກ​ປ່ຽນ ຍ້ອນ​ແນວນັ້ນ​ລຸງ​ດີ​ໃຈ​ທີ່​ສຸດ. ຊີ​ວິດ​ດຽວນີ້​ສຳ​ລັບ​ລຸງ​ແລ້ວ ປຽບ​ເໝືອນ​ພື້ນ​ຄອນ​ຊີບ​ມາ​ໃໝ່ ແລະ ກຳ​ລັງ​ຢູ່​ເທິງ​ສະ​ຫວັນ​ຊັ້ນ​ຟ້າ​ນີ້​ລະ, ພໍ່​ເຖົ້າ ຫງວ໋ຽນ​ຢຸຍ​ດິ້ງ (ອາ​ຍຸ 80 ປີ ດຳ​ລົງ​ຊີ​ວິດ​ໂດຍ​ການ​ລ້ອນ​ເລ້​ພະ​ເນ​ຈອນ ຕາມ​ຖະ​ໜົນ ຫງວ໋ຽນ​ກົງ​ຮ​ວ່າ, ເມືອງ ເລ​ເຈິນ) ລົມ​ດ້ວຍ​ຄວາມ​ດີໃຈ.

40 ປີຜ່ານມາ ທ່ານ ຫງວ໋ຽນວັນໂຮ້ຍ ອາຍຸ 78 ປີ (ບ້ານເກີດ ຫ໋າຍເຢືອງ) ໃຊ້ຊີວິດແບບເລ້ລ້ອນຄຳ່ໃສນອນຫັ້ນ. ຍ້ອນບໍ່ມີຄອບຄົວຍາດຕິພີ່ນ້ອງ ເຮັດໃຫ້ລາວບໍ່ມີເຮືອນຢູ່. ຊີວິດບໍ່ມີຍາດພີ່ນ້ອງເຮັດໃຫ້ລາວຫຼາຍຄັ້ງກໍ່ຄິດສັ້ນ.

ມີຫຼາຍເທື່ອລາວກໍ່ມີຄວາມນ້ອຍເນື້ອຕຳໃຈ ເຫັນຄົນອື່ນມີເຮືອນໃຫ້ກັບໄປຫາ ສ່ວນຕົວເອງພັດ "ຄຳໃສນອນຫັ້ນ" ເຈັບໄຂ້ກະບໍ່ມີໃຜຮູ້. ມີຫຼາຍຄັ້ງກໍ່ຝັນຢາກມີເຮືອນຢູ່ຄືກັບຄົນອື່ນ, ລາວກົ້ມໜ້າແບ່ງປັນ.

ກາງເວັນ ພໍ່ເຖົ້າ ໂຮ້ຍ ຖີບສາມລໍ້ຊິກໂລ ແລະ ແປງລົດຫາລ້ຽງຊີບ. ຄຳ່ມາລາວໄປເຮັດວຽກເປັນຍາມຕໍ່ ໃຫ້ຮ້ານຂາຍໂທລະສັບ. ກາງຄືນ ລາວປູສາດນອນຢູ່ ແຖວສີ່ແຍກ ຖະໜົນ ໂງກວ່ຽນ. ຫຼາຍເທື່ອຝົນຕົກກະທັນຫັນ ຖ້າມືໃດສຸຂະພາບແຂງແຮງແມ່ນລາວຖີບສາມລໍ້ໄປ ຫົຼບຝົນແຖວຊາຍຄາເຮືອນໃດນື່ງ.

ແຕ່ມື້ໃດເມື່ອຍ ພໍ່ເຖົ້າໂຮ້ຍ ລາວກະນຸ່ງເສື້ອກັນຝົນບາງໆໂຕນຶ່ງ ແລະ ອີກໂຕນຶ່ງກໍ່ປົກສາມລໍ້ແລ້ວນອນໃນລໍ້ບໍ່ສົນໃຈວ່າຝົນມັນຊິຝະໃສ່ຕົນໂຕ. ຕອນທີ່ພະນັກງາານຂອງ ເຮືອນພັກແຫ່ງຄວາມຮັກ ບ້ານພັກຄົນຊະລາພໍ້ລາວ ແລະ ປຸກລະດົມໃຫ້ກຳລັງໃຈໃຫ້ເຂົ້າມາອາໄສຢູ່ທີ່ນີ້, ລາວກໍ່ຕົກລົງ. ແຕ່ເຖິງວ່າແນວໃດກໍ່ຕາມ ເຖິງວ່າຈະມີທີ່ພັກອາໄສແລ້ວ, ມີເຂົ້າກິນແຕ່ ພໍ່ເຖົ້າໂຮ້ຍ ກະຍັງບໍ່ປະວຽກທີ່ເຄີຍເຮັດແຕ່ລະມື້ຂອງລາວ.

ລາວເວົ້າວ່າ: "ໄດ້ຮັບເຂົ້າມາຢູ່ທີ່ນີ້ຂ້ອຍກໍ່ພໍໃຈແລ້ວ. ແຕ່ວ່າກໍ່ບໍ່ແມ່ນຍ້ອນແນວນັ້ນຊິຢູ່ເສີຍໆເປັນໄດ້. ເຮົາຍັງມີແຮງກະຕ້ອງດິ້ນລົງຂົນຂວາຍ".

ໃຫ້​ຫຼາຍ​ແຫ່ງ​ໄດ້​ຮັບ​ຫຼາຍ

ແບ່ງ​ປັນ​ກ່ຽວ​ກັບ​ການ​ສ້າງ​ເຮືອນ​ຫຼັງ​ນີ້​ຂື້​ນ​ມາ ນັກ​ທຸ​ລະ​ກິດ ດັ້ງ​ທິ​ມິງ​ທ໋າວ ໄດ້​ເລົ່າ​ສູ່​ຝັງ​ວ່າ: “ລາວ​ໂຊກ​ດີ​ໄດ້​ເຂົ້າ​ຮ່ວມ​ການ​ເຄື່ອນ​ໄຫວ​ກິດ​ຈະ​ກຳ​ການ​ກຸ​ສົນ , ແຕ່​ລະ​ເທື່ອ​ທີ່​ລາວ​ໄດ້ໄປ​ລາວ​ຕ້ອງ​ໄດ້​ພົບ​ກັບ​ສ່ວນ​ທີ່​ໂຊກ​ຮ້າຍ​ໃນ​ຊີ​ວິດ ບໍ່​ມີ​ຄອບ​ຄົວ, ບໍ່​ມີ​ບ່ອນ​ເພິ່ງ​ພາ​ອາ​ໄສ”.

ທ່ານ​ນາງ ທ໋າວ ແບ່ງ​ປັນ​ຕື່ມ​ວ່າ: ພາຍ​ຫຼັງກັບ​ມາ​ຈາກ​ການ​ໄປ​ຮ່ວມ​ການ​ກຸ​ສົນ​ ເວ​ລາ​ກັບ​ມາ​ຮອດ​ເຮືອນ ລ​າວ​ຄິດ​ໃນ​ໃຈ ແລະ ມີ​ຄວາມ​ມຸ້ງ​ມາດ​ປາດ​ຖະ​ໜາ​ວ່າ​ ຢາກ​ຈະ​ສ້າງ​ເຮືອນ​ພັກ​ເພື່ອ​ແບ່ງ​ປັນ​ຄວາມ​ທຸກ​ຍາກ, ໃຫ້​ແກ່​ຜູ້​ທີ່​ຖາ​ນະ​ຫຍຸ້ງ​ຍາກ​ໂຊກ​ຮ້າຍ. “ ເຮັດ​ແນວ​ໃດ ເຮືອນ​ພັກ​ດັ່ງ​ກ່າວນີ້​ຕ້ອງ​ຢູ່​ໄດ້​ທັງ ຜູ້​ເລ້​ລ້ອນ, ຜູ່​ຂາດ​ບ່ອນ​ເພິ່ງ​ພາ​ອາ​ໄສ, ເດັກ​ນ້ອຍ​ກຳ​ພາ ເພື່ອ​ແບ່ງ​ປັນ​ຄວາມ​ລຳ​ບາກ​ຂອງ​ພວກ​ເຂົາ ທີ່​ຄຳ​ໃສ​ນອນ​ຫັ້ນ, ແບ່ງ​ປັນ​ຄວາມ​ອົບ​ອຸ່ນ​ໃນ​ຄືນ​ອັດ​ໜາວ​ຮອດ​ກະ​ດູກ.

ພະ​ນັກ​ງານ​ອາ​ສາ​ເບິ່ງ​ແຍງ​ພໍ່​ເຖົ້າ.

ປະ​ຈຸ​ບັນ ບັນ​ດາ​ພໍ່​ເຖົ້າ​ແມ່​ເຖົ້າ ທີ່​ອາ​ໄສ​ຢູ່ທີ່​ເຮືອນ​ພັກ​ຄົນ​ຊະ​ລາ​ແຫ່ງນີ້ ໄດ້​ຮັບ​ການ​ເບິ່ງ​ແຍງ, ເອົາ​ໃຈ​ໃສ່​ຈາກຄະ​ນະ​ຄຸ້ມ​ຄອງ​ເຮືອນ​ພັກ​ແຫ່ງ​ຮັກ​ນີ້ ແລະ ມີ​ອາ​ສາ​ສະ​ໝັກ​ອີກປະ​ມານ 20 ຄົນ ທີ່​ກຽມ​ພ້ອມ​ຈະ​ຊ່ວຍ​ເຫຼືອ. ເຖິງວ່າ​ຍັງ​ມີ​ຫຼາຍ​ສິ່ງ​ຫຼາຍ​ຢ່າງ​ຍັງ​ບໍ່​ທັນ​ໄດ້​ສົມ​ບູນ ແລະ ພົບ​ຄວາມ​ຫຍຸ້ງ​ຍາກ​ຫຼາຍ​ປະ​ການ. ແຕ່​ປະ​ຈຸ​ບັນ​ຊີ​ວິດ​ການ​ເປັນ​ຢູ່​ຂອງ ຜູ້​ທີ່​ໂຊກ​ຮ້າຍ​ໃນ​ສັງ​ຄົມ​ນັ້ນ​ໄດ້ ດີ​ຂື້ນ​ເທື່ອ​ລະ​ກ້າວ, ພວກ​ເຂົາ​ມີ​ໝູ່​ເພື່ອ​ທີ່​ກຽມ​ພ້ອມ​ທີ່​ຈະ​ແບ່ງ​ປັນ​ຄວາມ​ຮັກ​ຄວາມ​ອົບ​ອຸ່ນ​ກັບ​ພວກ​ເຂົາ​ຢູ່​ຕະ​ຫຼອດ​ເວ​ລາ.

​ພໍ່​ເຖົ້າ​ນັ່ງ​ພັກ​ຜ່ອນພາຍ​ຫຼັງ​ກິນ​ອາ​ຫານ​ແລ້ວ.

ບໍ່​ແມ່ນ​ວ່າ​​ໃຜ​ກໍ່​ໂຊກ​ດີ ມີ​ຊາຍ​ຄາ​ເພື່ອ​ກັບ​ມາ​ຫຼັງ​ຈາກ​ການ​ເຮັດ​ວຽກ​ງານ​ທີ່​ລຳ​ບາກ. ນ​ອກນີ້ ຍັງ​ມີ​ອີກ​ຫຼາຍ​ຄົນ​ທີ​ຕ້ອງ​ດຳ​ລົ​ງ​ຊີ​ວິດ ແບບ​ມີ​ຟ້​າ​ເປັນ​ມຸ້ງ ມີ​ພື້ນ​ດິນ​ເປັນ​ສາດ , ບໍ່​ມີ​ຍາດ​ຕິ​ພີ່​ນ້ອງ, ບໍ່​ມີ​ບ່ອນ​ເພິ່ງ​ພາ​ອາ​ໄສ. ເຮືອນ​ພັກ​ແຫ່ງ​ຄວາມ​ຮັກ​ອັ​ນ​ນີ້ ອາດ​ຈະ​ບໍ່​ສາ​ມາດ​ຊ່ວຍ​ໄດ້​ໝົດ​ທຸກ​ຄົນ​ທີ່​ໂຊກ​ຮ້າຍ, ລຳ​ບາກ​ໃນ​ຊີ​ວິດ ແຕ່​ວ່າ​ມັນ​ເປັນ​ແປວ​ທຽນ​ນ້ອຍໆ​ແຫ່ງ​ນ້ຳ​ໃຈເມ​ຕາ​ກະ​ລຸ​ນາ, ເຊື່ອມ​ຕໍ່​ຄວາມ​ຮັກ ລະ​ຫວ່າງ​ຄົນ​ກັບ​ຄົນ​ໃນ​ສັງ​ຄົມ. ແລະ ກໍ່​ເປັນ​ຕົວ​ຢັ້ງ​ຢືນ​ວ່າ​ໂລກ​ໃບ​ນີ້ກໍ່​ຍັງ​ມີ​ສິ່ງ​ທີ່ສວຍ​ງາມຢູ່.

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll