ອາຫານລາວ ຢູ່ ສສ ຫວຽດນາມ

00:54 2019/05/13

ຍສໝ - ເມື່ອມາຮອດປະເທດລາວ, ຫນຶ່ງໃນສິ່ງທີ່ເຮັດໃຫ້ນັກທ່ອງທ່ຽວຕິດຕາຕິດໃຈ ແລະ ຫຼົງໄຫຼ ແມ່ນ ວັດທະນະທຳດ້ານການກິນດື່ມ (ອາຫານລາວ).

ອາຫານລາວ ຢູ່ ສສ ຫວຽດນາມ

ເມື່ອໄວໆມານີ້, ມີຊາວຫວຽດນາມບາງຄົນສົນໃຈໃນອາຫານລາວ ຢູ່ເມືອງເຮືອງຮວາ ແຂວງກວ້າງຈິ ສສ ຫວຽດນາມ ໄດ້ມາຮຽນຮູ້ ແລະ ນໍາເອົາອາຫານລາວ ກັບໄປຫວຽດນາມ, ເພື່ອສະຫນອງໃຫ້ແກ່ລູກຄ້າທ້ອງຖິ່ນທີ່ມີຄວາມຕ້ອງການຮັບປະທານ ອາຫານພື້ນເມືອງລາວແຕ່ບໍ່ມີເງື່ອນໄຂ. ພ້ອມດຽວກັນນັ້ນ, ພວກເຂົາກໍ່ມີຄວາມຄິດສ້າງສັນ ແລະ ມີການປະສົມປະສານກັບເຄື່ອງອາຫານລາວ ແລະ ຫວຽດນາມ ເຮັດເປັນເມນູອາຫານໃຫມ່ທີ່ມີລົດຊາດ ເປັນເອກະລັກ.

ເຈົ້າຂອງຮ້ານອາຫານລາວ ຄົນຫວຽດນາມ ຢູ່ ແຄແຊັງ ກຳລັງເຮັດຕຳໝາກຮຸ່ງ.

ເມື່ອປຽບທຽບກັບອາຫານຫວຽດນາມ, ອາຫານລາວແມ່ນເຮັດງ່າຍກວ່າ. ອາຫານຫຼັກຂອງປະເທດລາວແມ່ນອາຫານປະເພດປີ້ງ ເຊັ່ນ: ປີ້ງໝູ, ຊີ້ດາດ, ລາບງົວ, ຊີ້ນແຫ້ງ, ປີ້ງໄກ່, ... ສ່ວນປະກອບບໍ່ພິຖີພິຖັນຫຼາຍແຕ່ມັນຈະຕ້ອງເລືອກຢ່າງລະອຽດ ແລະ ນຳເຂົ້າຈາກລາວ. 

ປະເພດຫມາກໄມ້ ແລະ ຜັກປະກອບມີຫຼາຍຊະນິດເຊັ່ນ: ຂີງ, ກຸ້ງ, ຜັກທຽມ, ຫມາກເຂືອ, ຫມາກເລັ່ນ ... ແລະ ຊື້ຈາກທ້ອງຖິ່ນສະເພາະຂອງປະເທດລາວ, ເພາະເຫດນັ້ນອາຫານຈຶ່ງໄດ້ລົດຊາດດັ້ງເດີມຂອງອາຫານລາວ. ອາຫານລາວບໍ່ເນັ້ນຄວາມງາມ, ການອອກແບບແຕ່ເນັ້ນຫນັກໃສ່ການປຸງລົດຊາດ, ອາຫານແຕ່ລະເຍື່ອງສ່ວນຫຼາຍແມ່ນມີລົດຊາດເຂັ້ມຂຸ້ນ. ເພາະສະນັ້ນ,ວິທີການປຸງແຕ່ງແຈ່ວຂອງຄົນລາວແມ່ນມີຝີມືຫຼາຍ ເຊິ່ງຕ້ອງດຸ່ນດ່ຽງລະດັບຄວາມເຄັມ, ຫວານ, ສົ້ມ, ເຜັດ. ອາຫານມີລົດຊາດເຜັດຖືວ່າເປັນຕົ້ນຕໍຂອງອາຫານລາວ. ປາແດກຖືວ່າເປັນເຄື່ອງປຸງທີ່ເປັນເອກະລັກຂອງລາວ, ປາແດກແມ່ນເຮັດຈາກການຫມັກປາແລະກະປູ, ປາແລະກະປູແມ່ນຫາມາຈາກແມ່ນໍ້າລຳເຊ (ນຳ້ຈຶດ), ມີຄວາມເປັນເອກະລັກໃນລົດຊາດ, ບໍ່ເຫມືອນກັບນ້ໍາປາຫວຽດນາມທີ່ປຸງແຕ່ງຈາກປາທະເລ. ຫຼັງຈາກການຫມັກແມ່ນປະສົມກັບຂີງ, ກຸ້ງແລະເຄື່ອງເທດອື່ນໆ. ດັ່ງນັ້ນປາແດກຂອງລາວມີຄວາມຫວານ, ເຜັດແລະມີກິ່ນເຫມັນເປັນເອກະລັກ. ຕຳສົ້ມຖືວ່າເປັນອາຫານຫຼັກ, ລະອຽດໃນການແຕ່ງຫຼາຍທີ່ສຸດໃນບັນດາອາຫານຂອງປະເທດລາວ. 

ລູກຄ້ານັບມື້ນັບໃຫ້ຄວາມນິຍົມຊົມຊອບອາຫານ ລາວ.

ຕຳສົ້ມສະແດງໃຫ້ເຫັນເຖິງການປະສົມປະສານກັນລະຫວ່າງ ລົດຊາດກໍ່ຄືສີສັນ. ການປະສົມປະສານຂອງບັນດາລົດຄື: ສົ້ມ-ເຜັດ-ເຄັມ-ຫວານ ແລະ ປະສົມປະສານກັນ ລະຫວ່າງ ຫມາກໄມ້ແລະ ຜັກເຊັ່ນ: ຫມາກຫຸ່ງ, ຫມາກເລັ່ນ, ຫມາກເຂືອ,ຫມາກເຜັດ, ຂີງ, ຫມາກກອກ,ໝາກມ່ວງ, ຫອມ ... ປະສົມລົດເຜັດ ແລະ ຄວາມເຂັ້ມຂຸ້ນຈາກນ້ຳປາແດກ. ສີສັນຂອງ ຜັກກິນກັບຂອງຕຳສົ້ມແມ່ນມີຄວາມຈັບຕາ, ເຮັດໃຫ້ສີສັນງາມຕາ ຄວາມຫນ້າສົນໃຈໃນຕຳສົ້ມຂອງລາວ. ຕຳສົ້ມຫຼືຕຳໝາກຮຸ່ງມັກກິນຄູ່ກັບເຂົ້າຫນຽວລາວ, ສະນັ້ນເຮົາມັກເອີ້ນວ່າ "ເຂົ້າຫນຽວ-ຕຳຫມາກຫຸ່ງ". ເຂົ້າຫນຽວຈະຕ້ອງໄດ້ຄັດເອົາເຂົ້າຫນຽວປະເພດ 1, ອ່ອນ ແລະ ຫອມ. ຫຼັງຈາກຫນຶ້ງແລ້ວ, ເຂົ້າຫນຽວຖືກເກັບໄວ້ໃນຕິບເຂົ້າເພື່ອຮັກສາອຸນນະພູມ. ກ່ອນຫນ້ານີ້, ເມື່ອຢາກກິນອາຫານຂອງລາວ, ລູກຄ້າຈະຕ້ອງເດີນທາງມາກິນຢູ່ ລາວ, ທີ່ໃກ້ທີ່ສຸດແມ່ນຮ້ານຄ້າໃນຕະຫຼາດກະໂລນ ໃກ້ກັບຊາຍແດນຫວຽດນາມ. ແຕ່ໃນປັດຈຸບັນ, ຍ້ອນການເຊື່ອມໂຍງຫລາກຫຼາຍຂອງອາຫານພື້ນເມືອງລາວ, ຊ່ວຍໃຫ້ລູກຄ້າບໍ່ຈໍາເປັນຕ້ອງໄປໄກ, ແຕ່ກໍ່ສາມາດກິນອາຫານພື້ນເມືອງລາວ ຢູ່ ຫວຽດນາມໄດ້. ທ່ານ ຮວ່າງ ດິງຕວານ ຢູ່ ບ້ານແຄແຊັງ, ເມືອ ເຮືອງຮວາ, ແມ່ນລູກຄ້າປະຈຳ ຂອງຮ້ານອາຫານລາວ. ລາວມີຄວາມສຸກ: "ຂ້ອຍເປັນນັກທຸລະກິດໄປມາລາວ, ຂ້ອຍມັກອາຫານລາວຫຼາຍ. ໃນປັດຈຸບັນຖ້າທ່ານຢາກກິນອາຫານລາວ, ແມ່ນມີຮ້ານຄ້າຕ່າງໆໃນເມືອງແຄແຊັງແລ້ວ. ຂ້າພະເຈົ້າເຫັນວ່າປະຊາຊົນຫວຽດນາມແຕ່ງອາຫານລາວຂ້ອນຂ້າງແຊບ". 

ທ່ານ ນາງ ເຈິນ ຖິຖຸຍ, ເຈົ້າຂອງຮ້ານອາຫານລາວໃນເມືອງແຄແຊັງ ໄດ້ເປີດຮ້ານເກືອບເຄິ່ງປີມາແລ້ວ ກ່າວວ່າ: "ແຂກຢູ່ເມືອງເຮືອງຮວາ ແມ່ນຂ້ອນຂ້າງມັກອາຫານລາວ. ນັບຕັ້ງແຕ່ຕອນເປີດຮ້ານມາຮອດປັດຈຸບັນຈໍານວນລູກໄດ້ເພີ່ມຂຶ້ນ. ສ່ວນໃຫຍ່ຂອງພວກເຂົາມັກອາຫານລາວພື້ນເມືອງ, ອາຫານບາງເຍື່ອງທີ່ປະສົມປະສານລະຫວ່າາງ ເອກກະລັກສະເພາະຂອງລາວ ແລະ ຫວຽດນາມ ". ຮ້ານອາຫານລາວ ໃນເມືອງເຮືອງຮວາ ບໍ່ພຽງແຕ່ນຳສະເຫນີອາຫານພື້ນເມືອງລາວໃຫ້ແກ້ລູກຄ້າເທົ່ານັ້ນ, ແຕ່ບັນດາຮ້ານອາຫານດັ່ງກ່າວຍັງໄດ້ຮຽນຮູ້ກ່ຽວກັບຄວາມຄ້າຍຄືກັນຂອງວັດທະນະທໍາອາຫານລາວ ແລະ ຫວຽດນາມ ເພື່ອສ້າງການປະສົມປະສານ ລະຫວ່າງ ວັດທະນະທໍາດ້ານການປຸງແຕ່ງອາຫານຂອງສອງປະເທດ. ສິ່ງດັ່ງກ່າວນີ້ຊ່ວຍເພີ່ມເຍື່ອງອາຫານໃນເມນູ ເຮັດໃຫ້ລູກຄ້າສະໜຸກເລືອກ. ຄວາມຄິດສ້າງສັນນີ້ກໍ່ແມ່ນອີງໃສ່ຄວາມຕ້ອງການຂອງປະຊາຊົນຫວຽດນາມ ເຊັ່ນ: ອາຫານປະເພດປີ້ງຂອງລາວແມ່ນຈໍ້າແຈ່ວຂອງຫວຽດນາມ; ອາຫານປະເພດລວກ ແລະ ຫນຶ້ງແມ່ນຈໍ້າແຈ່ວຂອງລາວຖືກປຸງແຕ່ງເປັນປະສົມປະສານກັນກໍຄືປະເພດຜັກຂອງຫວຽດນາມປະສົມປະສານກັບປາແດກຂອງປະເທດລາວ ... ຄວາມຄິດສ້າງສັນໃນການປຸງແຕ່ງຂອງເຈົ້າຂອງຮ້ານອາຫານຄົນຫວຽດນາມສະແດງໃຫ້ເຫັນ ເຖິງຄວາມລະອຽດ ແລະ ຊໍານານ, ສໍາຄັນແມ່ນວ່າອາຫານຍັງຄົງຮັກສາລົດຊາດດັ້ງເດີມ, ເຜັດຈັດແຊບຊ້ອຍຂອງລາວ. ສິ່ງເຫຼົ່ານີ້ໄດ້ສ້າງໃຫ້ອາຫານທີ່ປະຈັດຕາ, ເປັນເອກະລັກ ແລະ ເປັນທີ່ດຶງດູດໃຈຫຼາຍ ເປັນຕົ້ນແມ່ນ: ອ່ອມຫອຍ, ຜັດເຜັດຕີນໄກ່, ປີ້ງນົກກະທາ, ຂົ້ວສາລີ, ສົ້ມຫມາກມ່ວງ ... ເຄື່ອງດື່ມຢູ່ຮ້ານອາຫານລາວ ຢູ່ ຫວຽດນາມ ກໍ່ມີຄວາມຫຼາກຫຼາຍ ມີຫຼາຍຊະນິດຫຼາຍປະເພດ. ໂດຍສະເພາະແມ່ນ ນ້ໍາໂອລ້ຽງ ຫອມຫວານ ຂອງລາວ. ການອອກແບບແລະ ຕົກແຕ່ງນີ້ຍັງສະແດງໃຫ້ເຫັນເຖິງການແຊກແຊງທາງ ດ້ານວັດທະນະທໍາຂອງສອງປະເທດຫວຽດ - ລາວ, ນັບຈາກເມນູອາຫານ(ລາຍການ)ຈົນເຖິງໂຕະຕັ່ງໃນການຮັບປະທານ ... ໄດ້ຮັບປະທານອາຫານລາວໃນບັນຍາກາບອຸດົມສົມບູນທາງວັດທະນະທໍາຂອງລາວ ຢູ່ແຜ່ນດິນຫວຽດນາມ ແມ່ນສິ່ງທີ່ຫນ້າສົນໃຈຫຼາຍສໍາລັບລູກຄ້າ. ນີ້ແມ່ນຫນຶ່ງໃນວິທີການທີ່ປະຊາຊົນທັງສອງຟາກຊາຍແດນ ເພີ່ມທະວີການ ການປຸງແຕ່ງອາຫານ ແລະ ການແລກປ່ຽນວັດທະນະທໍາ ລະຫວ່າງ ຫວຽດນາມ ແລະ ລາວ.

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll