ຫວຽດນາມ-ລາວ ຮ່ວມລາດຕະເວນສອງຝ່າຍ ເພື່ອ ປົກປັກຮັກສາເສັ້ນຊາຍແດນ

15:41 2018/12/23

ຍສໝ - ແຕ່ວັນທີ 19-21 ທັນວາ, ຄ້າຍທະຫານຊາຍແດນ ຕາມເຫີບ, ທະຫານຊາຍແດນ ແຂວງເຫງະອານ ສສ ຫວຽດນາມ ໄດ້ປະສານສົມທົບ ກັບ ກອງຮ້ອຍທະຫານຊາຍແດນ 251, ກອງບັນຊາການທະຫານແຂວງບໍລິຄໍາໄຊ ຈັດຕັ້ງ ການລາດຕະເວນ ຮ່ວມສອງຝ່າຍ, ກວດກາລະບົບເສັ້ນຊາຍແດນ, ຫຼັກໝາຍຊາຍແດນ ເພື່ອປົກປັກຮັກສາເສັ້ນຊາຍແດນ ຫວຽດນາມ-ລາວ.

ຫວຽດນາມ-ລາວ ຮ່ວມລາດຕະເວນສອງຝ່າຍ  ເພື່ອ ປົກປັກຮັກສາເສັ້ນຊາຍແດນ
ຫົວໜ້າຄ້າຍທະຫານຊາຍແດນ ຕາມເຫີບ ເປັນເອກກະພາບໃນພາລະກິດ ໃຫ້ກຳລັງລາດຕະເວນ. (ພາບ: ເຟືອງລິງ)

ກໍາລັງລາດຕະເວນຮ່ວມສອງຝ່າຍ ໄດ້ດໍາເນີນການລາດຕະເວນຢ່າງປິດລັບຕາມເສັ້ນຊາຍແດນ ຫວຽດນາມ-ລາວ ແຕ່ເຂດຫຼັກໝາຍຊາຍແດນເລກທີ 426 (ມີຄວາມສູງ 1.528 ແມັດ ເມື່ອທຽບໃສ່ລະດັບໜ້ານໍ້າທະເລ) ໄປຮອດຫຼັກໝາຍຊາຍແດນເລກທີ 426/2 (ມີຄວາມສູງ 1.766 ແມັດ ເມື່ອທຽບໃສ່ລະດັບໜ້ານໍ້າທະເລ). ເສັ້ນຊາຍແດນຕອນນີ້ມີຄວາມຍາວ 7,083 ກິໂລແມັດ. ສິ້ນສຸດການລາດຕະເວນຮ່ວມສອງຝ່າຍໃນຄັ້ງນີ້, ຄ້າຍທະຫານຊາຍແດນ ຕາມເຫີບ ສືບຕໍ່ດໍາເນີນການລາດຕະເວນ ແຕ່ເຂດຫຼັກໝາຍຊາຍແດນເລກທີ 426 ໄປຮອດຫຼັກໝາຍຊາຍແດນເລກທີ 425 ດ້ວຍຄວາມຍາວ 3,862 ກິໂລແມັດ.

ກອງລາດຕະເວນ  ຄ້າຍທະຫານຊາຍແດນຕາມເຮີບ ຢູ່ຫຼັກໝາຍຊາຍແດນເລກທີ 425. ພາບ: bienphong.com.vn.

ເພື່ອແກ້ໄຂຄວາມຫຍຸ້ງຍາກ ຈາກສະພາບດິນຟ້າອາກາດໜາວ, ລົມແຮງ ແລະ ພູມສັນຖານອັນ ທຸລະກັນດານ ແລະ ມີຄວາມສ່ຽງ ກອກຳລັງທັງສອງຝ່າຍໄດ້ດຳເນີນການກວດກາສະພາບຫຼັກໝາຍຊາຍແດນ ແລະ ເຮັດອານາໄມລຽບຕາມບໍລິເວນ ຫຼັກໝາຍຊາຍແດນ, ແລກປ່ຽນບັນດາເນື້ອໃນທີ່ກ່ຽວຂ້ອງເຖິງວຽກງານປົກປັກຮັກສາຊາຍແດນ... ໝາກຜົນທີ່ໄດ້ຮັບ ແມ່ນເຫັນວ່າ: ຫັຼກໝາຍຊາຍແດນ ຍັງຄົງສະພາບເດີມບໍ່ຖືກເຄື່ອນຍ້າຍ ແລະ ມີຄວາມປອດໄພ.

ແຕ່ລະເດືອນ, ສອງກົມກອງດໍາເນີນການລາດຕະເວນຮ່ວມໜຶ່ງຄັ້ງ. ພາບ: bienphong.com.vn.

ພາຍຫຼັງການລາດຕະເວນສອງຝ່າຍສິ້ນສຸດ, ທັງສອງຝ່າຍໄດ້ຈັດຕັ້ງການປະຊຸມເພື່ອຖອດຖອນບົດຮຽນ, ແລກປ່ຽນບາງເນື້ອໃນທີ່ກ່ຽວຂ້ອງ, ລົງນາມໃນບົດບັນທຶກ ແລະ ເຫັນດີເປັນເອກະພາບໃຫ້ມີການລາດຕະເວນຄັ້ງຕໍ່ໄປ.

ຮ້ອຍຕີ ຫງວ໋ຽນ ເລືອງຢຸງ ຮອງຫົວໜ້າຄ້າຍທະຫານ ຊາຍແດນ ຕາມເຫີບ ໄດ້ໃຫ້ຮູ້ວ່າ: ນີ້ແມ່ນການເຄື່ອນໄຫວທີ່ໄດ້ຮັບການປະສານສົມທົບກັນລະຫວ່າງ ໜ່ວຍງານຂອງ ຫວຽດນາມ-ລາວ ຈັດຂື້ນເດືອນລະຄັ້ງ ເພື່ອແນໃສ່ຊອກຫາການກະທຳຜິດ ຂອງກົດລະບຽບດ້ານຊາຍແດນ, ແກ້ໄຂ ບັນດາເຫດການທີ່ເກີດຂື້ນ ແລະ ປະສານສົມທົບກັນປົກປັກຮັກສາເສັ້ນຊາຍແດນຫວຽດນາມ-ລາວ ໃຫ້ເປັນຢ່າງດີ.

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll