ພົມແດນອັນເຕັມໄປດ້ວຍມິດຕະພາບ

10:44 2018/10/30

ຍສໝ - ໃນຫຼາຍປີທີ່ຜ່ານມາ, ທະຫານຊາຍແດນ ແຂວງ ກວ້າງບິ່ງ ໄດ້ມີການເຄື່ອນໄຫວ ຊ່ວຍເຫຼືອປະຊາຊົນ ເຂດຊາຍແດນ ຂອງປະເທດລາວອ້າຍນ້ອງ, ປະກອບສ່ວນເຂົ້າໃນການສ້າງຄວາມເຊື່ອໝັ້ນ ແລະ ແຕ່ງແຕ້ມ ຄວາມສາມັກຄີ, ມິດຕະພາບ ລະຫວ່າງ ປະຊາຊົນສອງຊາດ ຫວຽດ-ລາວ. ພິເສດແມ່ນ ທະຫານຊາຍແດນ ແຂວງ ກວ້າງບິ່ງ ແລະ ກຳລັງປ້ອງກັນຊາຍແດນ ສອງແຂວງ ສະຫວັນນະເຂດ ແລະ ແຂວງຄຳມ່ວນ ໄດ້ມີຄວາມມານະພະຍາຍາມ ເສີມສ້າງນຳ້ໃຈສະຫາຍ, ອ້າຍນ້ອງ, ສາຍພົວພັນລະຫວ່າງສອງປະເທດ, ລະຫວ່າງ ບັນດາແຂວງ ໃຫ້ນັບມື້ນັບແໜ້ນແຟ້ນ ແລະ ເລິກເຊິ່ງທາງດ້ານຈິດໃຈ...

ພົມແດນອັນເຕັມໄປດ້ວຍມິດຕະພາບ
ທະຫານຊາຍແດນ ແຂວງກວ້າງບິ່ງ ກວດສຸຂະພາບ ແລະ ແຈກຢາປົວພະຍາດໃຫ້ແກ່ ປະຊາຊົນເມືອງບົວລະພາ.(ພາບ: baoquangbinh.vn)

ບັນດາການເຄື່ອນໄຫວທີ່ເຕັມໄປດ້ວຍຈິດໃຈອ້າຍນ້ອງ

ບົວລະພາ ແຂວງ ຄຳມ່ວນ ແມ່ນເມືອງຊາຍແດນຕິດກັບດ່ານຊາຍແດນ ສາກົນ ຈາລໍ, ແຂວງກວ້າງບິ່ງ. ປະຊາຊົນສ່ວນຫຼາຍແມ່ນປະຊາຊົນຊົນເຜົ່າສ່ວນນ້ອຍ, ກະແຈກກະຈາຍກັນຢູ່, ການດຳລົງຊີວິດ ກໍ່່ຄືພື້ນຖານເສດຖະກິດ ແມ່ນອີງໃສ່ ການເຮັດໄຮ່ເຮັດນາ. ຍ້ອນສະພາບເສດຖະກິດ, ມີຫຼາຍຄອບຄົວຢູ່ເຂດນີ້ມີຄວາມທຸກຍາກລຳບາກ, ດັ່ງນັ້ນເດັກນ້ອຍສ່ວນໃຫຍ່ທີ່ຢູ່ໃນອາຍຸຕ້ອງໄປໂຮງຮຽນ ບໍ່ມີເງື່ອນໄຂໄດ້ໄປຮຽນໜັງສື...

ກ່ອນໜ້ານີ້ ການຮຽນຂອງ ນ້ອງ ລັດນະພາ ສີວົງສັກ (ນັກຮຽນໂຮງຮຽນ ລັ່ງກັ່ງ, ເມືອງບົວລະພາ, ແຂວງຄຳມ່ວນ) ເຄີຍຂາດຊ້ວງ ຍ້ອນເສດຖະກິດຄອບຄົວພົບກັບຄວາມຫຍຸ້ງຍາກ. ແຕ່ວ່າຍ້ອນຄວາມມານະພະຍາຍາມ ອົດທົນ ແລະ ໄດ້ຮັບການຊ່ວຍເຫຼືອຢ່າງທັນການຂອງ ໂຄງການ “ ພານ້ອງໄປໂຮງຮຽນ” ຂອງ ທະຫານຊາຍແດນ ຫວຽດນາມ, ມາຮອດປະຈຸບັນ ນ້ອງ ລັດນະພາ ໄດ້ຈົບ ມໍ 6 ແລະ ໄດ້ຮັບການຍ້ອງຍໍວ່າເປັນນັກຮຽນເກັ່ງຫຼາຍປີຊ້ອນ.

ທ່ານ ພິບູນ ຜູ້ປົກຄອງຂອງນ້ອງ ລັດນະພາ ສີວົງສັກ ເລົ່າສູ່ຝັງວ່າ: “ ຫຼານເປັນຄົນຮຽນເກັ່ງ ແລະ ຝັງຄວາມ. ຫຼານໄດ້ເຂົ້າໂຮງຮຽນຄືທຸກມື້ນີ້ແມ່ນຍ້ອນການຊ່ວຍເຫຼືອອັນຕັ້ງໜ້າຂອງ ອ້າຍນ້ອງທະຫານຊາຍແດນ ກວ້າງບິ່ງ ຕະຫຼອດມາ”.

ພາຍຫຼັງ 4 ປີ ແຫ່ງການຈັດຕັ້ງປະຕິບັດ ມາຮອດປະຈຸບັນ ໂຄງການ “ພານ້ອງໄປໂຮງຮຽນ ໂດຍ ທະຫານຊາຍແດນແຂວງກ້ວາງບິ່ງ ເປັນຜູ້ປຸກລະດົ( ຕັ້ງແຕ່ປີ 2014) ໄດ້ຮັບອຸບປະຖຳ ໃຫ້ແກ່ນັກຮຽນຈຳນວນ 80 ຄົນ ຢູ່ບັນດາບ້ານ ແລະ ກຸ່ມບ້ານ ຂອງເມືອງທີ່ມີຊາຍແດນດໍຕິດຈອດກັບຫວຽດນາມ ( ໃນນັ້ນມີນັກຮຽນລາວ ຈຳນວນ 8 ຄົນ ທີ່ໄດ້ຮັບເງິນຊ່ວຍເຫຼືອ 500.000 ດົ່ງ/ຄົນ/ເດືອນ).

ນອກຈາກການຊ່ວຍເຫຼືອຂ້າງເທິງແລ້ວ ອ້າຍນ້ອງທະຫານຊາຍແດນ ແຂວງກ້ວາງບິ່ງ ຍັງມອບລົດຖີບ, ເງິນສົດ ແລະ ໂສ້ງເສື້ອເຄື່ອງນຸ່ງຖື, ປື້ມ, ອຸບປະກອນຮັບໃຊ້ໃນການຮຽນ ໃຫ້ນ້ອງນັກຮຽນລາວ ທີ່ມີມູນຄ່າ ກວ່າ 1 ຕື້ດົ່ງ.

ນາງ ທະຄູນຄຳ ບ້ານໜອງບົວ, ເມືອງບົວລະພາ, ແຂວງຄຳມ່ວນ ໄດ້ໃຫ້ຮູ້ວ່າ: “ ແຕ່ກ່ອນປະຊາຊົນຢູ່ເຂດນີ້ເວລາເຈັບເປັນ ໄດ້ແຕ່ອົດເອົາ, ເດັດຢາມາຕົ້ມຊ່ວຍປະທັງໄປແຕ່ລະວັນ. ສາຍເຫດແມ່ນຍ້ອນໂຮງໝໍຢູ່ໄກ, ຫົນທາງໄປມາມີຄວາມລຳບາກ. ດຽວນີ້ ທ່ານໝໍ ທະຫານຊາຍແດນ ແຂວງກ້ວາງບິ່ງ ໄດ້ສືບຕໍ່ໄດ້ມາທີ່ນີ້ ເພື່ອໃຫ້ການຮັກສາ, ກວດສຸຂະພາບ, ແຈກຢາດ້ວຍຄວາມຈິງໃຈ, ພວກເຮົາມີຄວາມດີອົກດີໃຈເປັນຢ່າງຍິງ ແລະ ມີຄວາມອຸ່ນໃຈຫຼາຍຂື້ນ”.

ທ່ານ ກະໂຍນ ດວງກັນຍາ ຮອງນາຍບ້ານ ໜອງບົວໄດ້ໃຫ້ຮູ້ຕື່ມວ່າ: “ ໃນຊ່ວງທີ່ຜ່ານມາ ຍ້ອນຝົນຕົກນຳ້ຖ້ວມເປັນເວລາຍາວນານ, ສວນໝາກສາລີຂອງພໍ່ແມ່ປະຊາຊົນຖືກເສຍຫາຍຕາຍໝົດ. ນຳ້ຖ້ວມອັ່ງຢູ່ໃນຫຼາຍພື້ນທີ່ເປັນເວລາຍາວນານ ເຮັດໃຫ້ເກີດມີພະຍາດລະບາດເກີດຂື້ນ. ສຸຂະພາບຂອງປະຊາຊົນໄດ້ຮັບຜົນກະທົບຫຼາຍ, ໂດຍສະເພາະແມ່ນຜູ້ເຖົ້າແລະເດັກນ້ອຍ. ພວກຂ້າພະເຈົ້າມີຄວາມດີໃຈຫຼາຍທີ່ຄະນະທະຫານຊາຍແດນແຂວງກວ້າງບິ່ງ ມາກວດພະຍາດ, ຮັກສາໂລກ ຢ່າງທັນເວລາ ແລະ ຊ່ວຍເຫຼືພໍ່ແມ່ພີ່ນ້ອງໃນຍາມລຳບາກ ຄືແນວນີ້...”

ຮູ້ວ່ານອກຈາກການເຄື່ອນໄຫວຊ່ວຍເຫຼືອພໍ່ແມ່ປະຊາຊົນລາວອ້າຍນ້ອງ ດ້ານສາທາລະນະສຸກ, ການສຶກສາ,... ທະຫານຊາຍແດນ ແຂວງກວ້າງບິ່ງ ຍັງໄດ້ມີການຢ້ຽມຢາມ ເພື່ອປະສານສົມທົບຢ່າງແໜ້ນແຟ້ນກວ່າເກົ່າໃນພາລະກິດປົກປັກຮັກສາຄວາມສະຫງົບຊາຍແດນຂອງສອງປະເທດ.

ນອກຈາກການເພີ່ມທະວີສາຍພົວພັນມິດຕະພາບ, ການຮ່ວມມືລະຫວ່າງບັນດາຫ້ອງການຂອງແຂວງ ທີ່ມີຊາຍແດນຮ່ວມກັນ, ການຢ້ຽມຢາມ ແລະ ເຮັດວຽກ ລະຫວ່າງສອງຝ່າຍຍັງເປັນໂອກາດໃນການລາຍງານສະພາບຄວາມສະຫງົບສຸກ ແລະ ບັນດາຜົນສຳເລັດ ໃນການຕໍ່ສູ້ຕ້ານອາດສະຍາກຳ, ປ້ອງກັນຄວາມສະຫົງບ ເຂດຊາຍແດນຂອງສອງປະເທດ.
(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll