ຜ່າຕັດເອົາງ່າໄມ້ອອກຈາກ ຮ່າງກາຍເດັກນ້ອຍຊາວລາວ ເພື່ອກູ້ຊີວິດ

00:54 2019/05/13

ຍສໝ ໃນວັນທີ 9 ມັງກອນ, ຢູ່ໂຮງໝໍແຂວງດ້ຽນບຽນ ຫາກໍ່ມີການຜ່າຕັດເອົາວັດຖຸ ເຊິ່ງແມ່ນງ່າໄມ້ຍາວປະມານ 6 ເຊັນຕີແມັດ ຢູ່ໃນຫຼອດລົມອອກສໍາເລັດ ຈາກຮ່າງກາຍຂອງຄົນເຈັບ ຄືເດັກນ້ອຍຊາວລາວ ກໍາລັງຢູ່ໃນອາການສຸກເສີນ.

ຜ່າຕັດເອົາງ່າໄມ້ອອກຈາກ ຮ່າງກາຍເດັກນ້ອຍຊາວລາວ  ເພື່ອກູ້ຊີວິດ
ຄົນເຈັບ​ທີ່​ເປັນ​ເດັກນ້ອຍ ທ້າວ ອາດາ ພວມຢູ່ໃນການຕິດຕາມ, ປິ່ນປົວພິເສດຢູ່ໂຮງໝໍແຂວງດ້ຽນບຽນ. (ພາບ: giaoducthoidai.vn)

ເວລາປະມານ 23 ໂມງ 30 ນາທີ ວັນທີ 9 ມັງກອນ, ຢູ່ໂຮງໝໍແຂວງດ້ຽນບຽນ  ໄດ້ຮັບເອົາຄົນເຈັບຊື່ວ່າ: ທ້າວ ອາດາ (ອາຍຸ 6 ປີ) ຢູ່ແຂວງຜົ້ງສາລີ ທີ່ກຳລັງຢູ່ໃນອາການຫາຍໃຈຍາກ ແລະ ເສຍເລືອດຫຼາຍຍ້ອນປະສົບອຸບັດຕິເຫດ. ຜ່ານການກວດເບື້ອງຕົ້ນ ບັນດາທ່ານໝໍ ຂອງໂຮງໝໍ ກວດພົບວັດຖຸແປກໆ ຢູ່ໃນຮູຄໍຂອງຄົນເຈັບ.

 ອິງຜົນຂອງການຖ່າຍ ເອັກສະເລ ແລະ ກວດຫົວຕາດັງຄໍແລ້ວ, ຄະນະອຳນວຍການ ໂຮງໝໍໄດ້ຕັດສິນໃຈຜ່າຕັດເອົາວັດຖຸດັ່ງກ່າວອອກມາ, ຍ້ອນວ່າອາການຂອງຄົນເຈັບຢູ່ໃນອາການໜ້າເປັນຫວ່ງ ບໍສາມາດທີ່ຈະສົ່ງໄປໂຮງໝໍອື່ນໄດ້ທັນ; ບາດແຜມີຄວາມຮຸນແຮງ ແລະ ຖືກປັກດ້ວຍວັດຖຸແປກ ແຕ່ຂວາຫາຊາຍ.

ການຜ່າຕັດດໍາເນີນໄປຫຼາຍກ່ວາ 2 ຊົ່ວໂມງ, ບັນດາທ່ານໝໍ ໄດ້ຜ່າຕັດເອົາວັດຖຸແປກອອກຈາກຮູຄໍຂອງຄົນເຈັບ ນັ້ນແມ່ນງ່າໄມ້ຍາວປະມານ 6 ເຊັນຕີແມັດ. ປັດຈຸບັນ, ສຸຂະພາບກໍ່ຄືອາການຂອງ ທ້າວ ອາດາ ໄດ້ພົ້ນຂີດອັນຕະລາຍແລ້ວໄດ້ຮັບການຕິດຕາມ ແລະ ປິ່ນປົວພິເສດ ຢູ່ ພະແນກຟັກຟື້ນ.

ການຜ່າຕັດໃນຄັ້ງນີ້ສໍາເລັດ, ບໍ່ພຽງແຕ່ນໍາມາເຊິ່ງຄວາມດີໃຈໃຫ້ແກ່ຍາດຕິພີ່ນ້ອງຂອງຄົນເຈັບເທົ່ານັ້ນ ຫາກຍັງນັບທັງແພດໝໍຢູ່ໂຮງໝໍແຂວງດ້ຽນບຽນ ອີກດ້ວຍ.

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll