ນັກ​ຮ້ອງ​ ຫວຽດນາມ ແລະ ລາວ ​​ໄດ້ເຂົ້າ​ຮອບ​ຊິງ​ຊະ​ນະ​ເລີດ “ງານ​ປະ​ກວດສຽງເພງອາ​ຊຽນ + 3” ປີ 2019

21:25 2019/07/28

ງານປະກວດ “ສຽງເພງອາຊຽນ +3” ໄດ້ຈັດຂຶ້ນໃນວັນທີ 26 - 28 ກໍລະກົດ 2019 ຢູ່ ນະຄອນຫ້າລອງແຂວງກວ໋າງນີງ ສສ ຫວຽດນາມ.

ນັກ​ຮ້ອງ​ ຫວຽດນາມ ແລະ ລາວ ​​ໄດ້ເຂົ້າ​ຮອບ​ຊິງ​ຊະ​ນະ​ເລີດ “ງານ​ປະ​ກວດສຽງເພງອາ​ຊຽນ + 3” ປີ 2019
ນັກ​ຮ້ອງ​ ຫວຽດນາມ ແລະ ລາວ ​​ໄດ້ເຂົ້າ​ຮອບ​ຊິງ​ຊະ​ນະ​ເລີດ “ງານ​ປະ​ກວດສຽງເພງອາ​ຊຽນ + 3” ປີ 2019.(ພາບ:vovworld.vn)

ງານປະກວດ “ສຽງເພງອາຊຽນ +3”  ແມ່ນການແຂ່ງຂັນຄັດເລືອກນັກຮ້ອງດີເດັ່ນ 22 ຄົນທີ່ມາຈາກ 10 ປະເທດອາຊຽນເພື່ອພ້ອມກັນແຂ່ງຂັນໃນຮອບຮອງຊະນະເລີດ ແລະ ຮອບຊີງຊະນະເລີດຊື່ງຖືກຈັດຂຶ້ນໃນວັນທີ 26 - 28 ກໍລະກົດ 2019 ຢູ່ ນະຄອນຫ້າລອງແຂວງກວ໋າງນີງ. ຮອບຮອງຊະນະເລີດເປັນງານມະໂຫລານດົນຕີທີ່ເຕັມໄປດ້ວຍສິສັນ, ດ້ວຍ 22 ລາຍການທີ່ໄດ້ຮັບການກະກຽມຢ່າງພິຖິພິຖັນຂອງ ນັກຮ້ອງ 22 ຄົນທີ່ມາຈາກ 10 ປະເທດ ອາຊຽນ. ສ່ວນຫຼາຍແມ່ນບັນດາບົດເພງລ້ວນແຕ່ມີເນື້ອໃນເຊີດຊູຄວາມຮັກແພງບ້ານເກີດເມືອງນອນ, ປະເທດຊາດ, ປະຊາຊົນເຊິ່ງບັນດານັກຮ້ອງຢາກສົ່ງໄປເຖິງຜູ້ຊົມຜູ້ຟັງຂອງບັນດາປະເທດ ອາຊຽນ.

ເຈີ່ນໂຮ່ງຍູງ (ຫວຽດນາມ).(ພາບ:vovworld.vn)

ພາຍຫຼັງ ເຮັດວຽກມາເປັນເວລາ3 ຊົ່ວໂມງ, ຄະນະກຳມະການງານປະກວດລວມມີບັນດານັກດົນຕີ, ນັກຮ້ອງທີ່ມີຊື່ສຽງຂອງ ຫວຽດນາມ, ໄທ, ຟິລິບປິນ ແລະ ອິນໂດເນເຊຍໄດ້ຄັດເລື້ອກເອົາ ຜູ້ເຂົ້າປະກວດດີເດັ່ນ 10 ຄົນ ຜ່ານເຂົ້າ ຮອບຊິງຊະນະເລີດ “ງານປະກວດ ສຽງເພງ ອາຊຽນ +3” ຄື: ນັກຮ້ອງ Aicelle (ຟີລິບປິນ),  Ng Zhen Long Desmond (ສິງກະໂປ), Soukthavy Southammavong (ລາວ), Y Marineth (ກຳປູເຈຍ) ເຈິນຮົ່ງຍຸງ (ຫວຽດນາມ), Rosario Ninih Chamini Biani (ມາເລເຊຍ), Olivia Christina (ອິນໂດເນເຊຍ), Eint Chit (ມຽນມາ), Sateanpong Klantang (ໄທ), Mohd Naqib Hafizuddin Bun Zulfikri (ບຣູໄນ). ນອກຈາກການແຂ່ງຂັນຂອງນັກຮ້ອງ  22 ຄົນນັ້ນຍັງມີນັກຮ້ອງຖືກເຊີນມາຈາກຈີນ, ສ.ເກົາຫລີ, ຍີ່ປຸ່ນກໍ່ມາສະແດງໃນການແຂ່ງຂັນຮອບຊີງຊະນະເລີດອີກດ້ວຍ.

ໄຊພອນ
;

同类别新闻