​ເສດ​ຖະ​ກິດຫວຽດ​ນາມ ​ມີການ​ເຕີບ​ໂຕ ຢ່າງວ່ອງ​ໄວ ແລະ ມີ​ສະ​ຖຽນ​ລະ​ພາ​ບ

06:37 2019/10/18

ໃນສະພາບການເສດຖະກິດໂລກພວມຢູ່ໃນທ່າຫຼຸດລະດັບການເຕີບໂຕ ແລະ ມີຄວາມສ່ຽວອາດຈະເກີດວິກິດການດ້ານການເງິນ ແລະ ເສດຖະກິດໃໝ່ພາຍໃນ 1, 2 ປີຈະມາເຖິງນີ້, ແຕ່ຫວຽດນາມຍັງຄົງແມ່ນຈຸດນັດພົບທີ່ໂດດເດັ່ນທີ່ສຸດ ສະແດງໃຫ້ເຫັນລະດັບການເຕີບໂຕເສດຖະກິດ ຢ່າງວ່ອງໄວ ແລະ ມີສະຖຽນລະພາບ.

​ເສດ​ຖະ​ກິດຫວຽດ​ນາມ ​ມີການ​ເຕີບ​ໂຕ ຢ່າງວ່ອງ​ໄວ ແລະ ມີ​ສະ​ຖຽນ​ລະ​ພາ​ບ
ພາບປະກອບ

ເມື່ອຕອບສຳພາດຕໍ່ນັກຂ່າວຂອງໜັງສືພິມ Sputnik, ທ່ານ Vladimir Mazyrin ຫົວໜ້າສູນຄົ້ນຄ້ວາຫວຽດນາມ ແລະ ອາຊຽນຂອງສະຖາບັນບັນດາ ຕາເວັນອອກໄກ ຂຶ້ນກັບສະພາມະຫາບັນດິດ ລັດເຊຍ ຖືວ່າ ຫວຽດນາມ  ກໍ່ແມ່ນແບບຢ່າງທີ່ດີໃຫ້ແກ່ຫຼາຍປະເທດໃນໂລກ, ເປັນປະເທດທີ່ມີ ສະຖຽນລະພາບດ້ານເສດຖະກິດມະຫາພາກ ແລະ ຄ່າເງິນຕາແຫ່ງຊາດເປັນປົກກະຕິ, ປັດໄຈຕົ້ນຕໍທີ່ເຮັດໃຫ້ເສດຖະກິດ ຫວຽດນາມ ມີການເຕີບໂຕຢ່າງປະທັບໃຈ ແມ່ນນະໂຍບາຍຂອງ ຫວຽດນາມຮັບປະກັນໄດ້ສະພາບແວດລ້ອມແຫ່ງການດຳເນີນທຸລະກິດທີ່ສະດວກ, ໜູນຊ່ວຍວິສາຫະກິດ, ທັງຂະໜາດກາງ ແລະ ນ້ອຍ. ບັນດາປັດໄຈຊຸກຍູ້ບາດກ້າວກະໂດດຂັ້ນຢ່າງປະທັບໃຈ ຂອງ ຫວຽດນາມ ໃນຕາຕະລາງຈັດອັນດັບຄວາມສາມາດໃນການແກ້ງແຍ່ງທີ່ໂລກນັ້ນ ຍັງມີກຳລັງໜູນດ້ານການເມືອງອີກດ້ວຍ. ໂດຍອີງໃສ່ການໄຈ້ແຍກກ່ຽວກັບການພັດທະນາໃນໄລຍະຍາວຂອງ ຫວຽດນາມ, ທ່ານ Mazyrin ຢັ້ງຢືນວ່າ ຮອດທ້າຍປີ 2019, GDP ຂອງ ຫວຽດນາມ ຈະເຕີບໂຕຢູ່ໃນລະດັບສູງກ່ວາ 7%.

ຫວຽດນາມ ໄດ້ຈັດຢູ່ອັນດັບສູງພໍສົມຄວນກ່ຽວກັບດັດຊະນີ Market Size (ຂອບຂະໜາດຕະຫຼາດ) - ຢືນອັນດັບທີ 26. ບັນດາດັດຊະນີທີ່ຍັງເຫຼືອແມ່ນເໜັງຕີງແຕ່ອັນດັບທີ 41 ຫາອັນດັບທີ 93. ກ່ຽວກັບ ບັນດາດັດຊະນີພາກສ່ວນ, ຫວຽດນາມ ນອນໃນກຸ່ມທີ່ມີຄວາມສ່ຽງກໍ່ການຮ້າຍຕ່ຳທີ່ສຸດໃນໂລກ ແລະໄພເງິນເຟີ້ມີສະຖຽນລະພາບທີ່ສຸດໃນໂລກ. ທັງສອງລາຍການນີ້ຫວຽດນາມ ບັນລຸໄດ້ 100 ຄະແນນ. 

ຫວ່າງມໍ່ໆມານີ້, ທະນາຄານ Standard Chartered ຂອງອັງກິດ ໄດ້ຈັດຫວຽດນາມ ເຂົ້າໃນບັນຊີລາຍຊື່ 20 ຕະຫຼາດທີ່ມີຄວາມຄວາມສາມາດບົ່ມຊ້ອນຫຼາຍຢ່າງໃຫ້ແກ່ການເຕີບໂຕດ້ານການຄ້າທົ່ວໂລກໃນອະນາຄົດ...ທະນາຄານ Standard Chartered ເອີ້ນບັນດາປະເທດນີ້ແມ່ນບັນດາ “ດວງດາວກຳລັງພົ້ນເດັ່ນຂຶ້ນ” ຂອງການຄ້າທົ່ວໂລກ. ຕາມນັ້ນແລ້ວ, ຫວຽດນາມ (ຢືນອັນດັບທີ 6) ຢືນອັນດັບທີໜຶ່ງໃນພາກພື້ນອາຊີຕາເວັນອອກສ່ຽງໃຕ້, ຜ່ານ ອິນໂດເນເຊຍ (ຢືນອັນດັບທີ 7), ໄທ (ຢືນອັນດັບທີ 8), ສິງກະໂປ (ຢືນອັນດັບທີ 16) ແລະ ຟີລິບປິນ (ຢືນອັນດັບທີ 20).

(ໄຊພອນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll