ມອບຂອງຂວັນປີໃໝ່ ໃຫ້ແກ່ພະນັກງານ, ນັກຮົບຢູ່ເຂດເກາະທະເລທາງທິດຕາເວັນຕົກສ່ຽງໃຕ້

10:41 2019/12/30

ຍສໝ - ວັນທີ 29 ທັນວາ, ກອງບັນຊາການທະຫານເຮືອເຂດ 5 ແລະ ບັນດາຄະນະຜູ້ແທນທ້ອງຖິ່ນ ໄດ້ໄປຢ້ຽມຢາມ, ຂໍອວຍພອນບຸນເຕັດ ແລະ ມອບຂອງຂວັນໃຫ້ບັນດາພະນັກງານ, ທະຫານ, ປະຊາຊົນຢູ່ບັນດາເກາະທິດຕາເວັນຕົກສ່ຽງໃຕ້ຂອງປະເທດ ເນື່ອງໃນໂອກາດ ປີໃໝ່ 2020. ສົ່ງມາພ້ອມກັບຄະນະຜູ້ແທນແມ່ນນັກຂ່າວເກືອບ 60 ຄົນ ທີ່ມາຈາກບັນດາສຳນັກຂ່າວສູນກາງ ແລະ ທ້ອງຖິ່ນໃນທົ່ວປະເທດ.

ຕອນບ່າຍວັນທີ 29 ທັນວາ, ຢູ່ແຂວງບ່າເຣ້ຍ - ຫວູງເຕົາ, ກໍ່າປັ່ນກວດກາການເຄື່ອນໄຫວຫາປາ 2 ລໍາ ໄດ້ຂົນສົ່ງນັກຂ່າວກວ່າ 60 ຄົນ ທີ່ມາຈາກຫຼາຍອົງການສື່ມວນຊົນ ພ້ອມດ້ວຍຄະນະພະນັກງານກອງບັນຊາການທະຫານເຂດ 2 ໄດ້ອອກຈາກທ່າກໍ່າປ່ັນ ໄປຍັງຮ້ານຍາມ DK1 ຂຶ້ນກັບກຸ່ມເສດຖະກິດ - ວິທະຍາສາດ - ເຕັກນິກ ໄຫຼ່ທະວີບພາກໃຕ້.

ຄະນະນັກຂ່າວ ຈະໄປຢ້ຽມຢາມຖາມຂ່າວ, ມອບຂອງຂວັນປີໃໝ່ປະຈໍາຊາດ ໃຫ້ບັນດານັກພະນັກງານ, ນັກຮົບ. (ພາບ: baodienbienphu.com.vn)

ຄະນະນັກຂ່າວ ຈະໄປຢ້ຽມຢາມຖາມຂ່າວ, ມອບຂອງຂວັນປີໃໝ່ປະຈໍາຊາດ ແລະ ຂຽນຂ່າວ, ບົດກ່ຽວກັບຊີວິດການເປັນຢູ່ຂອງບັນດານັກພະນັກງານ, ນັກຮົບ ທີ່ພວມປະຕິບັດໜ້າທີ່ຢູ່ຮ້ານຍາມ DK1. ສໍາລັບບັນດານັກຂ່າວໜຸ່ມແລ້ວ, ນີ້ແມ່ນການໄປປະຕິບັດງານທີ່ມີຄວາມໝາຍ ແລະ ເຕັມໄປດ້ວຍຄວາມຕື້ນຕັນໃຈ. ເຖິງວ່າວ່າຈະປະສົບກັບຄວາມຫຍຸ້ງຍາກຫຼາຍຢ່າງກໍຕາມ ແຕ່ນີ້ແມ່ນຄວາມເປັນກຽດເພື່ອໃຫ້ບັນດານັກຂ່າວປະຕິບັດໜ້າທີ່ຂອງຕົນໄດ້ເປັນຢ່າງດີ.

ກອງບັນຊາການທະຫານເຮືອເຂດ 5 ແມ່ນ ກຳລັງຫຼັກໃນການຄຸ້ມຄອງ ແລະ ປົກປັກຮັກສາອຳນາດອະທິປະໄຕເຂດທະເລທິດຕາເວັນຕົກສ່ຽງໃຕ້, ແມ່ນເຂດທະເລມີບົດບາດສຳຄັນໃນການປ້ອງກັນຊາດ, ປ້ອງກັນຄວາມສະຫງົບ ແລະ ພັດທະນາເສດຖະກິດທະເລເຂດໃຕ້ຂອງປະເທດ, ແມ່ນປະຕູເຂົ້າອອກຕົ້ນຕໍທາງທິດໃຕ້ ແລະ ນະຄອນໂຮຈິມິນ.

(ຄຳຮຸ່ງ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll