ຫວຽດນາມ ແລະ ອີຢູ ຊຸກຍູ້ການຮ່ວມມືໃນຂົງເຂດຮັກສາສັນຕິພາບ ຂອງສະຫະປະຊາຊາດ

06:16 2020/02/12

ໃນວັນທີ 10 ກຸມພາ, ຢູ່ຮ່າໂນ້ຍ, ທ່ານພົນໂທ ຫງວຽນຈີ໊ວິ້ງ ຮອງລັດຖະມົນຕີກະຂວງປ້ອງກັນປະເທດ ຫວຽດນາມ ໄດ້ໃຫ້ການຕ້ອນຮັບທ່ານນາງ Axelle Nicaise, ອັກຄະລັດຖະທູດ, ຄະນະຜູ້ຕາງໜ້າສະຫະພາບເອີຣົບ ປະຈໍາ ຫວຽດນາມ.

ທ່ານນາງ Axelle Nicaise ໃຫ້ຮູ້ວ່າ ຝ່າຍ ອີຢູ ໄດ້ໃຫ້ສັດຕະຍາບັນສັນຍາ ລະຫວ່າງ ຫວຽດນາມ ແລະ ອີຢູ ກ່ຽວກັບການສ້າງຂອບເຂດການເຂົ້າຮ່ວມຂອງ ຫວຽດນາມ ໃນບັນດາການເຄື່ອນໄຫວຄຸ້ມຄອງວິກິດການຂອງ ອີຢູ (FPA). ນອກຈາກນັ້ນ, ອີຢູ ໄດ້ແຕ່ງຕັ້ງບັນດານັກຊ່ຽວຊານ ກ່ຽວກັບການຮັກສາສັນຕິພາບ ສປຊ ມາເຮັດວຽກຢູ່ກົມຮັກສາສັນຕິພາບ ຫວຽດນາມ ເພື່ອໜູນຊ່ວຍບັນດາໂຄງການຮ່ວມມືລະຫວ່າງສອງຝ່າຍໃນໄລຍະຈະມາເຖິງ.

ທ່ານພົນໂທ ຫງວຽນຈີ໊ວິ້ງ ຮອງລັດຖະມົນຕີກະຂວງປ້ອງກັນປະເທດ ຫວຽດນາມ ຕ້ອນຮັບທ່ານນາງ Axelle Nicaise, ອັກຄະລັດຖະທູດ, ຄະນະຜູ້ຕາງໜ້າສະຫະພາບເອີຣົບ ປະຈໍາ ຫວຽດນາມ (ພາບ: qdnd.vn)

ທ່ານພົນໂທ ຫງວຽນຈີ໊ວິ້ງ ສະແດງຄວາມຂອບອົກຂອບໃຈຕໍ່ການໜູນຊ່ວຍຢ່າງມີປະສິດທິຜົນຂອງ ອີຢູ ໃນໄລຍະຜ່ານມາ, ພ້ອມກັນນັ້ນ ກໍໃຫ້ຮູ້ວ່າ ຫວຽດນາມຈະໃຫ້ສັດຕະຍາບັນ ສັນຍາ FPA ໃນໄລຍະຈະມາເຖິງ. ດັ່ງນັ້ນ, ສອງຝ່າຍຄວນປະຕິບັດສໍາເລັດວຽກງານກະກຽມ ເພື່ອປຶກສາຫາລືກ່ຽວກັບບັນດາແຜນການລະອຽດ ແນໃສ່ຜັນຂະຫຍາຍການຮ່ວມມືໃນເນື້ອໃນຕ່າງໆ ເຊິ່ງສອງຝ່າຍໄດ້ເຫັນດີເປັນເອກະພາບກັນ. ທ່ານຮອງລັດຖະມົນຕີ ຫວຽວນຈີີ໊ວິ້ງ ກໍສະເໜີໃຫ້ ອີຢູ ສືບຕໍ່ພິຈາລະນາໜູນຊ່ວຍການບໍາລຸງສ້າງໃຫ້ແກ່ນາຍທະຫານ ຫວຽດນາມ ທີ່ຈະເຂົ້າຮ່ວມການຮັກສາສັນຕິພາບ ສປຊ, ໃນນັ້ນ ລວມມີຊຸດບໍາລຸງພາສາຝລັ່ງ ອີກດ້ວຍ. 

(ແຫຼ່ງ​ຂໍ້​ມູນ​: VOV WORLD)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll