ຫວຽດນາມເຂົ້າຮ່ວມກອງປະຊຸມພັດທະນາກົດໝາຍສາກົນຢູ່ອາຊີ

06:37 2019/10/17

ບັນດາບັນຫາທະເລ, ໝູ່ເກາະ ໃນນັ້ນມີທະເລຕາເວັນອອກ, ແມ່ນໜຶ່ງໃນບັນດາເນື້ອໃນຕົ້ນຕໍຂອງກອງປະຊຸມພັດທະນາກົດໝາຍສາກົນຢູ່ອາຊີ ພວມດຳເນີນຢູ່ອິນໂດເນເຊຍ ໃນລະຫວ່າງວັນທີ 14 – 18 ຕຸລາ.

ຫວຽດນາມເຂົ້າຮ່ວມກອງປະຊຸມພັດທະນາກົດໝາຍສາກົນຢູ່ອາຊີ
ພາບປະກອບ

ເຫດການໄດ້ເຕົ້າໂຮມນັກຄົ້ນຄວ້າ ແລະ ນັກຊ່ຽວຊານດ້ານກົດໝາຍກວ່າ 100 ທ່ານທີ່ມາຈາກ 23 ປະເທດ ແລະ ເຂດແຄ້ວນ. ກ່າວຄຳເຫັນທີ່ວາລະປຶກສາຫາລືພິເສດກ່ຽວກັບບັນດາບັນຫາທະເລ, ໝູ່ເກາະ, ທ່ານປະລິນຍາເອກ ຫງວຽນບ໊າເກື່ອງ, ມາຈາກສະຖາບັນຄົ້ນຄວ້າວິທະຍາສາດທະເລ ແລະ ໝູ່ເກາະຫວຽດນາມ, ໄດ້ເນັ້ນໜັກເຖິງບັນດາການປະກອບສ່ວນຂອງຫວຽດນາມ ໃຫ້ແກ່ການພັດທະນາຂອງກົດໝາຍສາກົນຢູ່ທະເລຕາເວັນອອກ; ພ້ອມທັງໃຫ້ຮູ້ວ່າ, ຫວຽດນາມ ກໍຄືສະມາຊິກ UNCLOS  ອື່ນໄດ້ ແລະ ພວມນຳໃຊ້ຊຸດ “ປະມວນລັດຖະທຳມະນູນມະຫາສະມຸດ” ດັ່ງກ່າວໃນການຂຸດຄົ້ນທະເລຕາເວັນອອກ ເພື່ອຜົນປະໂຫຍດຂອງຕົນ. 

ຕາມນັ້ນແລ້ວ, UNCLOS ແລະ ກົດໝາຍສາກົນໄດ້ກາຍເປັນເຄື່ອງມືຊ່ວຍໃຫ້ຫວຽດນາມ ກຳນົດ ແລະ ເຮັດແຈ້ງບັນດາສິດ ແລະ ພັນທະໃນການເດີນທະເລຂອງຕົນ; ສະໜອງບັນດາກົນໄກແກ້ໄຂບັນດາການຂັດແຍ້ງກັນທາງທະເລກັບບັນດາປະເທດບ້ານໃກ້ເຮືອນຄຽງອື່ນ ແລະ ຄວບຄຸມບັນດາການຂັດແຍ້ງກັນຢ່າງມີປະສິດທິຜົນ. ຕາມທ່ານປະລິນຍາເອກ ຫງວຽນບ໊າເກື່ອງ ແລ້ວ, UNCLOS ໄດ້ສວມບົດບາດແມ່ນພື້ນຖານດ້ານນິຕິກຳສາກົນທີ່ໜັກແໜ້ນໃຫ້ແກ່ການກຳນົດ ແລະ ປົກປັກຮັກສາເຂດທະເລ ແລະ ເຂດໄຫຼ່ທະວີບ, ກໍ່ຄືບັນດາສິດ ແລະ ຜົນປະໂຫຍດອັນຖືກຕ້ອງຕາມກົດໝາຍຂອງຫວຽດນາມ ຢູ່ທະເລ.

(ແຫຼ່ງ​ຂໍ້​ມູນ​: http://vovworld.vn)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll