CNN ແນະນໍາ 13 ປະສົບການທີ່ໜ້າທົດລອງທີ່ສຸດ ເມື່ອທ່ອງທ່ຽວຫວຽດນາມ

10:24 2019/09/17

ຍສໝ - ທ່ອງທ່ຽວສຳຫຼວດຖ້ຳເຊີນດ່ອງ, ພະຈົນໄພເຂດພູດອຍພາກເໜືອດ້ວຍລົດຈັກ, ຂີ່ລົດໄຟທົ້ງເຍິດ... ແມ່ນ 1 ໃນ 13 ປະສົບການທີ່ເປັນໜ້າຈັບໃຈທີ່ສຳນັກຂ່າວ CNN ແນະນຳເມື່ອທ່ອງທ່ຽວຢູ່ຫວຽດນາມ.

CNN ແນະນໍາ 13 ປະສົບການທີ່ໜ້າທົດລອງທີ່ສຸດ ເມື່ອທ່ອງທ່ຽວຫວຽດນາມ

ໃນບໍ່ດົນມານີ້ ສຳນັກຂ່າວ CNN ໄດ້ລະບຸເຖີງບັນດາປະສົບການການທ່ອງທ່ຽວທີ່ເປັນອກະລັກສະເພາະບໍ່ຄືໃຜທີ່ນັກທ່ອງທ່ຽວຕ່າງຊາດບໍ່ຄວນພາດເມື່ອມາທ່ຽວຫວຽດນາມ.

ຖ້ຳເຊີນດ່ອງ

ທ່ອງທ່ຽວສຳຫຼວດຖ້ຳເຊີນດ່ອງ

ຖ້ຳເຊີນດ່ອງ ເປັນຖໍ້າທີ່ໃຫຍ່ທີ່ສຸດໃນໂລກ. ນີ້ແມ່ນໜຶ່ງປະສົບການທີ່ທ່ານສາມາດສຳພັດໄດ້ທີ່ຫວຽດນາມເທົ່ານັ້ນ. ຖ້ຳເຊີນດ່ອງມີຄວາມສູງເກືອບເທົ່າກັບເຮືອນ 40 ຊັ້ນ ແລະ ມີຫຼາກຫຼາຍສິ່ງມະຫັດສະຈັນ ເປັນຕົ້ນແມ່ນ: ຫີນນ້ຳຍ້ອຍ, ນໍ້າລອດຖ້ຳ,  ແລະ ປ່າດົງດິບ, ສິ່ງເຫຼົ່ານີ້ມີຄວາມດຶງດູດນັກທ່ອງທ່ຽວ.  

ຖະໜົນໂຄມໄຟ ໂຫຍອານ

ຍ່າງເລາະຊົມຖະໜົນໂຄມໄຟ ໂຫຍອານ

ໃນເວລາທີ່ທົ່ວທຸກມຸມໃນເມືອງພ້ອມກັນດັບໄຟເພ່ອໃຫ້ໂຄມໄຟຈຳນວນຫຼາຍພັນດວງເປັ່ງປະກາຍແສງທົ່ວຕົວເມືອງ ແລະ ແມ່ນໍ້າ ທູໂບ່ນ ນີ້ເປັນສິ່ງມະຫັດສະຈັນທີ່ບໍ່ແມ່ນວ່າຢູ່ໃສກໍ່ສາມາດຫາໄດ້ ນອກນັ້ນ, ໃນເທດສະການນັກທ່ອງທ່ຽວຍັງຈະໄດ້ສຳພັດກັບສຽງເພງ ແລະ ການຫຼິ້ນລື່ນເລີງຂອງປະຊາຊົນຕາມສອງຝັ່ງແມ່ນ້ຳ. ຖ້າມັກແບບງຽບໆ ນັກທ່ອງທ່ຽວສາມາດເຊົ່າເຮືອລ່ອງຕາມແມ່ນ້ຳເພື່ອປ່ອຍໂຄມລອຍ.

ຂີ່ລົດຈັກພະຈົນໄພໄປຕາມເສັ້ນທາງຮ່ອມພູຂອງພາກເໜືອ

ຂີ່ລົດຈັກພະຈົນໄພໄປຕາມເສັ້ນທາງຮ່ອມພູຂອງພາກເໜືອ

ຖ້າເປັນຄົນມັກເດີນທາງ, ນັກທ່ອງທ່ຽວສາມາດຫາເຊົ່າລົດຈັກ ເພື່ອພິຊິດບັນດາເສັ້ນທາງຄົດໂຄ້ງຕາມຮ່ອມພູຢູ່ເຂດພາກເໜືອ. ພິເສດແມ່ນ ປະສົບການພິຊິດ 4 ຍອດພູທີ່ມີຊື່ສຽງຂອງພາກເໜືືອໄດ້ແກ່: ພູເຂົາ ມ໋າປີແລງ, ພູເຂົາຟ້າ, ພູເຂົາໂອກຸຍໂຮ ແລະ ພູເຂົາຟາດິງ. ສິ່ງນີ້ຈະເຮັດໃຫ້ນັກທ່ອງທ່ຽວມີຫຼາກຫຼາຍມຸມມອງໃນການຊົມທັດສະນີຍະພາບຂອງຫວຽດນາມ.

ຂີ່ລົດໄຟ ທົ້ງເຍິດ ແຕ່ພາກເໜືອ ຮອດພາກໃຕ້

ຂີ່ລົດໄຟ ທົ້ງເຍິດ ແຕ່ພາກເໜືອ ຮອດພາກໃຕ້

ເສັ້ນທາງລົດໄຟຍາວຢຽດຕັ້ງແຕ່ຮ່າໂນ້ຍຮອດນະຄອນໂຮ່ຈີມິງຜ່ານທັດສະນີຍະພາບ ແລະ ສະຖານທີ່ສວຍງາມນັບບໍ່ຖ້ວນໃນຕະຫຼອດການເດີນທາງ 35 ຊົ່ວໂມງເທິງລົດໄຟ. ເພື່ອເຮັດໃຫ້ການເດີນທາງມີຄວາມສະດວກສະບາຍນັກທ່ອງທ່ຽວສາມາດເລືອກຊື້ປີ້ນັ່ງຫຼືນອນກໍ່ໄດ້. ພິເສດໃນການເດີນທາງນັກທ່ອງທ່ຽວຍັງຈະໄດ້ແວ່ຊົມສຳຫຼວດທັດສະນີຍະພາບທາທຳມະຊາດທີ່ສຸດຍອດ ແລະ ສະຖານທີ່ທາງປະຫວັດສາດຂອງຫວຽດນາມຈຳນວນໜຶ່ງ.

ຂີ່ລົດຖີບອ້ອມເມືອງບູຮານ ເຫວ້

ຂີ່ລົດຖີບອ້ອມເມືອງບູຮານ ເຫວ້

ນັກທ່ອງທ່ຽວສາມາດຂີ່ລົດຖີບອ້ອມຮອບເມືອງບູຮານ ເຫວ້ ຕາມເສັ້ນທາງທ່າມກາງປ່າໄມ້ທີ່ງຽບສະຫງົບຕາມສອງຝາກທາງ, ພັກຜ່ອນດື່ມກາເຟ ແລະ ດື່ມດ່ຳກັບຄວາມໃຫຍ່ໂຕຂອງປ່ອມປາການບູຮານທາງດ້ານໃນ ແລະ ກຳແພງອ້ອມຮອບທາງນອກ,​ນອກນີ້ຍັງມີຫຼາກຫຼາຍວັດວາອາຮາມ ແລະ ຫໍບູຊາ...

ທ່ຽວຊົມບ້ານຜະລິດເສັ້ນລ້ອນພື້ນເມືອງ ກຸດ່າ

ທ່ຽວຊົມບ້ານຜະລິດເສັ້ນລ້ອນພື້ນເມືອງ ກຸດ່າ

ບ້ານຜະລິດເສັ້ນລ້ອນພື້ນເມືອງ ກຸດ່າ ເປັນໝູ່ບ້ານທີ່ຢຶດຖືເອົາການຜະລິດເສັ້ນລ້ອນເປັນອາຊີບ ແລະ ມີຊື່ສຽງໂດ່ງດັງມາແລ້ວ ກວ່າ 400 ປີ. ມາເຖິງທີ່ນີ້ ນັກທ່ອງທ່ຽວຈະໄດ້ພົບກັບປະສົບການປະທັບໃຈທີ່ສຸດຍອດ ຕື່ນຕາກັບພາບ ການຕາກເສັ້ນລ້ອນສີຄຳເຫຼືອງອາຮ່າມໃນທ່າມກາງບ້ານເຮືອນທີ່ເປັນສະຖາປັດຕະກຳສະໄໝຝຣັ່ງ. ນອກນັ້ນນັກທ່ອງທ່ຽວຍັງສາມາດເຂົ້າຮ່ວມທົວເພື່ອສຶກສາເຕັກນິກການຜະລິດເສັ້ນລ້ອນດັ້ງເດີມຂອງທ້ອງຖິ່ນ.

ຊົມອ່າວຮາລອງ ດ້ວຍເຮລີຄອບເຕີ້

ຊົມອ່າວຮາລອງ ດ້ວຍເຮລີຄອບເຕີ້

ອ່າວຮາລອງຖື ເປັນຈຸດໝາຍປາຍທາງທ່ອງທ່ຽວທີ່ສວຍງາມແຫ່ງໜຶ່ງຂອງຫວຽດນາມ ເຊິ່ງເຕັມໄປດ້ວຍໝູ່ເກາະຫີນປູນນັບພັນໆເກາະ, ນອກນີ້ຍັງມີສັດປ່າ ແລະ ຖ້ຳລຶກລັບທີ່ໜ້າຄົ້ນຫາ. ກິດຈະກຳທ່ອງທ່ຽວອາວຮາລອງດ້ວຍເຮລີຄອບເຕີ້ນີ້ໄດ້ເລີ່ມຕົ້ນຂຶ້ນແຕ່ຕົ້ນປີ ສິ່ງນີ້ໄດ້ເຮັດໃຫ້ນັກທ່ອງທ່ຽວໄດ້ສຳພັດກັບພາບມຸມສູງຂອງວິວທຳມະຊາດທາງທະເລທີ່ເປັນເອກະລັກສະເພາະບໍ່ມີໃຜຄືຂອງອ່າວຮາລອງ.

(ໄຊພອນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll