CNN ອັບລາຍຊື່ ຮ້ານຂາຍເຂົ້າຈີ່ ທີ່ແຊບທີ່ສຸດຂອງ ໂຮ້ຍອານ

10:31 2018/10/02

ຍສໝ - ເມື່ອມາທ່ຽວ ໂຮ້ຍອານ ນັກທ່ອງທ່ຽວຕ້ອງລອງຊີມ ເຂົ້າຈີ່ໂຮ້ຍອານ. ເປັນເມນູທີ່ມີຄວາມລຽບງ່າຍ ແຕ່ຊ່ອນໄວ້ດ້ວຍຄວາມແຊບຊ້ອຍ ແລະ ສາມາດປຸງແຕ່ງດ້ວຍຫຼາຍວິທີທີ່ແຕກຕ່າງກັນ ສ້າງຄວາມດຶງດູດໃຫ້ແກ່ນັກທ່ອງທ່ຽວ.

CNN ອັບລາຍຊື່ ຮ້ານຂາຍເຂົ້າຈີ່ ທີ່ແຊບທີ່ສຸດຂອງ ໂຮ້ຍອານ

CNN ໄດ້ກ່າວວ່າ ຢູ່ ໂຮ້ຍອານ ສາມາດທີ່ຈະພົບຮ້ານຂາຍເຂົ້າຈີ່ຢູ່ທົ່ວທຸກບ່ອນແຄມທາງ. ເຂົ້າຈີ່ປຽບເໝືອເຍື່ອງອາຫານທີ່ເປັນເອກກະລັກທີ່ສຸດ ຂອງດິນແດນ ກວ້າງນາມ, ນອກຈາກນັ້ນຍັງໄດ້ຮັບການຍົກຍ້ອງຈາກ ພໍ່ຄົວ Anthony Bourdain ຜູ້ລ່ວງລັບ ວ່າເປັນເຂົ້າຈີ່ທີ່ແຊບທີ່ສຸດໃນໂລກ.

ຮ້ານເຂົ້າຈີ່ ຟີ.

ຮ້ານເຂົ້າຈີ່ ຟີ:  ສ່ວນປະກອບມີ ປິ້ງໝູສາມຊັ້ນ ເປັນສ່ວນປະສົມສ້າງລົດຊາດ, ກິ່ນ ອັນເປັນເອກກະລັກ ຊວນຊີມ. ຊິ້ນມີກິ່ນຫອມ, ນຸ້ມ ປະສົມກັບ ຜັກຫອມ ທີ່ມີກິ່ນເປັນເອກກະລັກ ແລະ ສ້າງຄວາມໜ້າສົນໃຈໃຫ້ແກ່ແຂກທ່ອງທ່ຽວ.

ຮ້ານເຂົ້າຈີ່ Madam ແຂັງ: ເປັນຮ້ານຂາຍເຂົ້າຈີ່ທີ່ມີຊື່ສຽງຕິດອັນດັບຕົ້ນໆຂອງ ນະຄອນໂຮ້ຍອານ, ເປັນຮ້ານຂອງ ແມ່ເຖົ້າ ຫງວ໋ຽນຖິ ລົກ (Madam Khanh) ຮ້ານສ້າງຕັ້ງແຕ່ປີ 1975, ມາຮອດປະຈຸບັນແມ່ນຍັງຄົງສືບຕໍ່ຂາຍຢູ່.

ຮ້ານເຂົ້າຈີ່ Madam ແຂັງ.

ປະຈຸບັນ ແມ່ເຖົ້າ ແຂັງ ອາຍຸ ໄດ້ 90ປີ ແລ້ວ, ຮ້ານຂາຍເຂົ້າຈີ່ຂອງລາວໄດ້ຖ່າຍທອດໃຫ້ລູກຫຼານ,  ແຕ່ຖ້າຫາກມີເວລາ ແມ່ເຖົ້າ ກໍ່ໄປຊ່ວຍຢູ່ຕະຫຼອດ. ຖ້າທຽບໃສ່ແຕ່ກ່ອນ, ປະຈຸບັນຮ້ານນີ້ໄດ້ເພີ່ມເຍື່ອງຂື້ນເປັນຕົ້ນແມ່ນ ເຂົ້າຈີ່ເຈ, ເຂົ້າຈີ່ໃຈຊິ້ນງົວຫຼືປາ. ນອກນັ້ນ ນັກທ່ອງທ່ຽວຍັງສາມາດ ສັ່ງໄຂ່ດາວ ເປັນໃຈເຂົ້າຈີ່ກໍ່ໄດ້.

ຮ້ານເຂົ້າຈີ່ ໄຊງ່ອນ: ເກີດຢູ່ ນະຄອນ ໂຮ່ຈີ໋ມິງ ເຈົ້າຂອງຮ້ານເຂົ້າຈີ່ ໄຊງ່ອນ ຢູ່ໂຮ້ຍອານ ແມ່ນ ແມ່ເຖົ້າ ຕະຖິ ເຫງຍ. ເພີ່ນຍ້າຍມາຢູ່ດິນແດນອັນສວຍງາມແຫ່ງນີ້ຕັ້ງແຕ່ 20 ປີກ່ອນ. ເຂົ້າຈີ່ຂອງຮ້ານນີ້ແຕກຕ່າງຈາກເຂົ້າຈີ່ທີ່ຂາຍທົ່ວໄປ ຢູ່ ໂຮ້ຍອານ ມີທັງຊີ້ນສາມຊັ້ນ ແລະ ໃສ່ໝາກເຜັດຂຽວນຳອີກ. ມາໂຍເນດສ (Mayonaise) ຂອງຮ້ານນີ້ຕ້ອງໄດ້ເພີ່ມນົມສົ້ມເຂົ້າໄປນຳອີກ ເຮັດໃຫ້ມີລົດຊາດກົມກ່ອມ.

ຮ້ານເຂົ້າຈີ່ ໄຊງ່ອນ.

ພິເສດແມ່ນ ປາເຕ ຂອງຮ້ານແມ່ນປຸງແຕ່ງດ້ວຍຄວາມເອົາໃຈໃສ່, ລະອຽດລະອໍ, ຜ່ານຫຼາຍຂັ້ນຕອນ ແລະ ໃຊ້ເວລາດົນ. ສຳລັບນັກທ່ອງທ່ຽວແລ້ວນີ້ແມ່ນສິ່ງທີ່ເຮັດໃຫ້ເຂົາມີຄວາມຮູ້ສຶກດີໆເມື່ອເວົ້າເຖິງ ໂຮ້ຍອານ.

ຮ້ານເຂົ້າຈີ່ ເຟື້ອງ: ແມ່ນຮ້ານຂອງ ພໍ່ຄົວຄົນດັງ Anthony Bourdain ໄດ້ຍົກໃຫ້ຮ້ານນີ້ ແມ່ນ “ຮ້ານເຂົ້າຈີ່ທີ່ແຊບທີ່ສຸດໃນໂລກ”, ແຕ່ລະມື້ຮ້ານຂາຍໄດ້ ຫຼາຍພັນ ກ້ອນ. ຖ້າວ່ານັກທ່ອງທ່ຽວມາ ໂຮ້ຍອານ ເປັນຄັ້ງທຳອິດ ກໍ່ຈະຮູ້ສຶກແປກ ທີ່ເຫັນ ຄົນຊື້ຕ້ອງໄດ້ລຽນແຖວຍາວ ຖ້າເພື່ອຈະຊື້ເຂົ້າຈີ່ກ້ອນໜຶ່ງ.

ຮ້ານເຂົ້າຈີ່ ເຟື້ອງ.

ເຂົ້າຈີ່ຂອງຮ້ານນີ້ທາງນອກກ້ອບ ທາງໃນອ່ອນນຸ້ມ ໃຈມີຫຼາຍລົດຊາດທີ່ແຕກຕ່າງກັນ. ໃນນັ້ນໃຈທີ່ເກົ່າແກ່ແມ່ນ ຊິ້ນປິ້ງ, ສ໋ອດໝາກເຜັດ ແລະ ມາໂຍເນດສ (mayonaise).

ຮ້ານເຂົ້າຈີ່ ແລັ່ງ: ເຂົ້າຈີ່ແລັ່ງ ໄດ້ໃຈປະຊາຊົນທ້ອງຖິ່ນ ກໍ່ຄືນັກທ່ອງທ່ຽວ ດ້ວຍຮ້ານນ້ອຍໆ. ຮ້ານເປີດຂາຍມາໄດ້ ກວ່າ 30ປີ ແລະ ໄດ້ຮັບການຍົກໃຫ້ວ່າມີລົດຊາດແຊບບໍ່ປ່ຽນແປງ. ນີ້ແມ່ນເຂົ້າຈີ່ທີ່ມີລົດຊາດ ຕົ້ນສະບັບຂອງ ໂຮ້ຍອານ. ຮ້ານນີ້ໃຊ້ເຂົ້າຈີ່ເປົ່າທີ່ມາຈາກແຫຼ່ງດຽວກັນກັບ ແມ່ເຖົ້າເຟື້ອງ ສ່ວນ ປາເຕ ແມ່ນເຮັດເອງ.

ຮ້ານເຂົ້າຈີ່ ແລັ່ງ.
(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll