ໄຂງານວາງສະແດງວິຈິດສິນສາກົນຄັ້ງທີ 1 ປີ 2019 ຢູ່ ຫວຽດນາມ

16:22 2019/08/02

ຍສໝ - ໃນວັນທີ 01 ສິງຫາ, ໄດ້ຈັດຕັ້ງພິທີໄຂລາຍການ “ພົວພັນແລກປ່ຽນ, ປະດິດແຕ່ງ, ງານວາງສະແດງວິຈິດສິນສາກົນຄັ້ງທີ 1 ປີ 2019” ຢູ່ ຫໍພິພິທະພັນວິຈິດສິນນະຄອນ ດ່າໜັງ ໂດຍ ກົມວິຈິດສິນ, ຖ່າຍຮູບ ແລະ ວາງສະແດງ (ກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ) ສົມທົບກັບພະແນກວັດທະນະທຳ ແລະ ກິລານະຄອນ ດ່າໜັງ.

ກ່າວຄຳປາໄສໃນພິທີໄຂ, ທ່ານຮອງລັດຖະມົນຕີກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ ຕະກວາງດົງ ໃຫ້ຮູ້ວ່າ: ລາຍການ “ພົວພັນແລກປ່ຽນ, ປະດິດແຕ່ງ, ວາງສະແດງວິຈິດສິນສາກົນຄັ້ງທີ 1 ປີ 2019” ລະຫວ່າງນັກສິລະປະການ ຫວຽດນາມ ກັບນັກສິລະປະການສາກົນທີ່ມາຈາກ 15 ປະເທດຢູ່ 5 ທະວີບໃນໂລກ.

ພິທີໄຂລາຍການ “ແລກປ່ຽນ, ປະດິດແຕ່ງ ແລະ ວາງສະແດງວິຈິດສິນສາກົນຄັ້ງທີ 1 ປີ 2019” (ພາບ: thethaovanhoa.vn) 

ພິທີດັ່ງກາວແມ່ນການເຄື່ອນໄຫວພົວພັນແລກປ່ຽນວິຈິດສິນທີ່ເປັນເອກະລັກສະເພາະ, ສະແດງໃຫ້ເຫັນຈິດໃຈສາມັກຄີ, ການເປີດປະຕູຂອງ ຫວຽດນາມ ໃນວິວັດທະນາການເຊື່ອມໂຍງເຂົ້າກັບສາກົນ. ນີ້ກໍ່ແມ່ນໂອກາດເພື່ອໂຄສະນາ, ແນະນຳຮູບພາບປະເທດຊາດ ແລະ ປະຊາຊົນ ຫວຽດນາມ ທີ່ມີຄວາມສະໜິດສະໜົມ, ຮັກແພງແຂກຄົນ. ເຂົ້າຮ່ວມລາຍການມີຈິດຕະກອນ 25 ຄົນທີ່ມາຈາກບັນດາປະເທດໃນໂລກລວມມີ: ອົດສະຕາລີ, ຈີນ, ຝຣັ່ງ, ເຢຍລະມັນ, ອິນໂດເນເຊຍ, ອີຕາລີ, ຍີ່ປຸ່ນ, ສ.ເກົາຫຼີ, ໂມຣິດ, ມຽນມາ, ຟີລິບປິນ, ລັດເຊຍ, ສິງກະໂປ, ໄທ, ອາເມລິກາ ແລະ ຫວຽດນາມ.

(ຄຳຮຸ່ງ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll