ໄຂງານມະໂຫລານທຳນອງເພງແຫ່ງສັນຕິພາບມິດຕະພາບປີ 2019

20:00 2019/10/28

ຍສໝ - ເນື່ອງໃນໂອກາດສະເຫຼີມສະຫຼອງວັນຮ່າໂນ້ຍ ໄດ້ຮັບການຮັບຮອງຈາກອົງການ UNESCO ວ່າແມ່ນ “ນະຄອນເພື່ອສັນຕິພາບ” ຄົບຮອບ 20 ປີ. ຕອນບ່າຍວັນທີ 26 ຕຸລາ, ສະຫະພັນບັນດາອົງການຈັດຕັ້ງມິດຕະພາບນະຄອນຮ່າໂນ້ຍ (HAUFO) ຈັດຕັ້ງງານມະໂຫລານທຳນອງເພງແຫ່ງສັນຕິພາບມິດຕະພາບປີ 2019 ດ້ວຍຫົວຂໍ້ “ນະຄອນເພື່ອສັນຕິພາບ”.

ລາຍການ “ສາຍໃຈລາວ-ຫວຽດ” ໂດຍສະມາຄົມຫວຽດນາມ-ລາວ ສະແດງ. ພາບ: ເຝືອງລິງ. (ພາບ: vov.vn)

ງານມະໂຫລານແມ່ນການເຄື່ອນໄຫວພົບປະແລກປ່ຽນວັດທະນະທໍາສິລະປະທີ່ສະຫງວນໃຫ້ບັນດານັກສິລະປິນສະໝັກຫຼິ້ນເພື່ອແນໃສ່ແນະນໍາເຖິງເພື່ອນມິດສາກົນກ່ຽວກັບວັດທະນະທໍາ, ປະເທດຊາດ ແລະຊາວຫວຽດນາມ ແລະຮ່າໂນ້ຍ-ນະຄອນເພື່ອສັນຕິພາບ, ກໍ່ຄືໂຄສະນາເຜີຍແຜ່ວັດທະນະທໍາປະເທດຕ່າງໆເຖິງຊາວນະຄອນຫຼວງ. ມີກວ່າ 30 ລາຍການທີ່ພົ້ນເດັ່ນແມ່ນບັນດາບົດເພງ, ວາດຟ້ອນທີ່ຍ້ອງຍໍທັດສະນີຍະພາບທີ່ສວຍງາມຂອງປະເທດຊາດ, ມະນຸດ ແລະ ນໍ້າໃຈມິດຕະພາບລະຫວ່າງປະຊາຊົນຫວຽດນາມ ກັບປະເທດຕ່າງໆໃນໂລກ, ພິເສດແມ່ນບັນດາບົດເພງກ່ຽວກັບຮ່າໂນ້ຍ, ຄືລາຍການ “ຊາວຮ່າໂນ້ຍ” (ສະຫະສະມາຄົມ UNESCO), “ຈໍາປາເມືອງລາວ” (ສະຖານທູດລາວ), ລາຍການເຕັ້ນ “Shades and shadows” (ໂຮງຮຽນມັດທະຍົມຕອນຕົ້ນລັດເຊຍ, ສັງກັດສະຖານທູດລັດເຊຍ”...

ງານມະໂຫລານໄດ້ປະກອບສ່ວນເພີ່ມທະວີຄວາມເຂົ້າໃຈ ແລະປັບປຸງຄວາມສາມັກຄີມິດຕະພາບລະຫວ່າງປະຊາຊົນຫວຽດນາມ, ປະຊາຊົນນະຄອນຫຼວງຮ່າໂນ້ຍ ກັບເພື່ອນມິດສາກົນ.

(ຄຳຮຸ່ງ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll