ເສັ້ນທາງຂອງການມາເປັນ ມໍລະດົກທາງດ້ານເອກກະສານ ຂອງໂລກ “ຮວ່າງຮວາສື໋ຈິ່ງໂດ່ ”

14:11 2018/06/15

ຍ​ສ​ໝ - ການທີ່ ອົງການ UNESCO ຫາກໍ່ຍອມຮັບປື້ມບູຮານ "ຮວ່າງຮວາສື໋ຈິ່ງໂດ່", ວ່າເປັນມໍລະດົກທາງດ້ານເອກະສານ ປື້ມບັນທຶກຂອງໂລກ ຢູ່ ພາກພື້ນ ອາຊີ ຕາເວັນອອກສ່ຽງໃຕ້, ອີກເທື່ອໜື່ງໄດ້ຢືນຢັນເຖິງມູນເຊື້ອປະເພນີຮັກໃນການຮຽນຮູ້ ຂອງຄົນແຫ່ງດິນແດນ ຮ່າຕິ໋ງ.

ເສັ້ນທາງຂອງການມາເປັນ ມໍລະດົກທາງດ້ານເອກກະສານ ຂອງໂລກ “ຮວ່າງຮວາສື໋ຈິ່ງໂດ່ ”
​ປື້ມ​ບັນ​ທຶກ "ຮ​ວ່າງ​ຮ​ວາ​ສື໋​ຈີ່ງ​ໂດ່".

ນີ້ແມ່ນປື້ມບັນທຶກທີ່ມີຮູບພາບຈໍານວນຫຼວງຫຼາຍ, ຂໍ້ມູນທີ່ອຸດົມສົມບູນ ແລະ ຫາຍາກ ກ່ຽວກັບການເດີນທາງ ພົວ​ພັນ​ການ​ທູດ ຂອງທູດດ້າຍ​ຫວຽດ ສະຕະວັດທີ 18 ໂດຍ ທ່ານ ຫງວ໋ຽນ​ຮຸຍ​ແອັງ ​ເປັນ​ຜູ່ຮຽບ​ຮຽງ, ກ​ວດແກ້ ແລະໝາຍ​ເຫດ ໃນ​ປີ 1765-1768 ຈາກເອກະສານຂອງຄົ​ນຫຼາຍລຸ້ນກ່ອນທີ່​ໄປ​ເປັນ​ອັກ​ຄັນ​ທະ​ກະ , ພ້ອມ​ກັນ​ນັ້ນ​ກໍ່​ປັບ​ປຸງ​ເພີ່ມ​ເຕີມ ລາຍລະອຽດທີ່ກ່ຽວຂ້ອງກັບການເດີນທາງສ້າງ​ສຳ​ພັນ​ທະ​ໄມ​ຕີ ໃນປີ 1766-1767 ໂດຍ​ເພີ່ນຜູ່​ນຳ​ຄະ​ນະ​ທູດ.

ປື້ມຫົວ​ນີ້​ມີ​ຂະ​ໜາດ 30x20 ຊມ, ຫນາ 2 ຊມ ພິມໃສ່​ເຈ້ຍຫຍາບ, ປື້ມປະກອບມີ 7 ພາກ, ພາກທີ່ສຳ​ຄັນ​ແມ່ນ ພາກ ແຜນ​ທີ່​ຂອງ​ເສັ້ນ​ທາງ ທີ່​ໄປ​ສ້າງ​ສຳ​ພັນ​ທະ​ໄມ​ຕີ ປະ​ກອບ​ມີ 204 ຫນ້າ, ບັນ​ທືກລະອຽດ ແລະ ບັນ​ຍາຍ ກ່ຽວ​ກັບ ທໍາມະຊາດ, ຜູ່​ຄົນ, ຕົວເມືອງ, ບ້ານ, ສະ​ຖານ​ທີ່​ທ່ອງ​ທ່ຽວ​ທາງ​ທຳ​ມະ​ຊາດ,ສະ​ຖານ​ທີ່​ປະ​ຫວັດ​ສາດ, ການສື່ສານ ຂອງ​ຄະ​ນະ​ທູດ ກັບປະຊາຊົນ ແລະ ອໍານາດການປົກຄອງ.

"ຮ​ວ່າງ​ຮ​ວາ​ສື໋​ຈີ່ງ​ໂດ່" ​ມີ​ຫຼາຍ​ເອກ​ກະ​ສານ​ອ້າງ​ອີງ ກ່ຽວກັບການ​ເຄື່ອ​ນ​ໄຫວທາງການທູດ ລະຫວ່າງ ຫວຽດນາມແລະ ສ​ປ​ປ ຈີນ ໃນສະຕະວັດທີ 18.

ນີ້ແມ່ນແຜນທີ່ທັງ​ເປັນ​ບົດ​ບັນ​ທືກ ລາຍ​ລະ​ອຽດ​ກ່ຽວ​ກັນ ການເດີນທາງຈາກຊາຍແດນ ຫວຽດນາມ-ຈີນ ຜ່ານບັນ​ດາບ້ານ, ເມືອງ, ດ່ານ ໄປ​ຮອດ​ຈຸດ​ສຸດ​ທ້າຍ ແມ່ນເມືອງ ເຕິນ​ແທ່ງ, ອຽນ​ກິງ.

ຂໍ້​ມູນ​ເອກ​ກະ​ສານ​ກ່ຽວ​ກັບ "ຮ​ວ່າງ​ຮ​ວາ​ສື໋​ຈີ່ງ​ໂດ່" ໄດ້ຮັບການປົກກັນຢ່າງສົມບູນ ໃນກອງປະຊຸມໃຫຍ່​ທົ່ວ​ປະ​ເທດຄັ້ງທີ 8, ໂຄງ​ການ ຄວາມ​​ຊົງ​ຈຳ​ຂອງ​ໂລກ ພາກ​ພື້ນ ອາ​ຊີ​ຕາ​ເວັນ​ອອກ​ສ່ຽງ​ໃຕ້ ອົງການ UNESCO ແຕ່​ວັນ​ທີ 29-31 ພຶດສະພາ, ຖືກ​ບັນ​ດາ​ປະ​ເທດຕີ​ລາ​ຄາສູງວ່າແມ່ນ ເອກ​ກະ​ສານ​ທີ່​ຫາ​ຍາກ, ມີ​ຄວາມ​ຊັດ​ເຈນ, ແຈ່ມ​ແຈ້ງ, ແລະ ມີ​ຄວາມເປັນເອກະລັກ ເວົ້າ​ກ່ຽວ​ກັບ ສາ​ຍ​ພົວ​ພັນ​ການ​ທູດ ລະຫວ່າງສອງປະເທດ ພາກ​ພື້​ນ ອາ​ຊີ​ຕາ​ເວັນ​ອອກ​ສ່ຽງ​ໃຕ້ ໃນສະຕະວັດທີ 18, ປະ​ກອບ​ສ່ວນ​ເຂົ້າ​ໃນ​ການ ປົກ​ປັກ​ຮັກ​ສາ ສັນຕິພາບ ລະຫວ່າງປະຊາຊົນບັນ​ດາ​ເຜົ່າ ໃນພາກພື້ນ ແລະ ໃນໂລກ. ຂໍ້​ມູນ​ເອກ​ກະ​ສານ​ໄດ້​ຖື​ກ​ອະ​ນຸ​ມັດຜ່ານດ້ວຍຄະ​ແນນ 17/17 ສຽງ.

ດ້ວຍ​ຄຸນ​ຄ່າ​ທາງ​ດ້ານວັດທະນະທໍາ ອັນ​ເປັນ​ເອກ​ກະ​ລັກ, ຂະ​ບວນ​ການ​ກະກຽມຢ່າງລະອຽດຂອງແຂວງ ຮ່າ​ຕິ໋ງ, ການ​ຊ່ວຍ​ເຫຼືອ​ຂອງກະຊວງການຕ່າງປະເທດ ແລະ ການ​ຮ່ວມ​ມືສາ​ກົນ ໜຽວ​ແໜ້ນ ລະຫວ່າງ ຄະ​ນະ​ກຳ​ມາ​ທິ​ການ ແຫ່ງ​ຊາດ UNESCO ຫວຽດນາມ ແລະ UNESCO ບັນ​ດາ​ປະ​ເທດ​ທີ່​ຢູ່​ໃນ ໂຄງ​ການ ຄວາມຊົງ​ຈຳ​ຂອງ​ໂລກ ພາກ​ພື້ນ ອາ​ຊີ​ຕາ​ເວັນ​ອອກ​ສ່ຽງ​ໃຕ້, ຂໍ້​ມູນ​ເອ​ກ​ສານກ່ຽວ​ກັບໂຄງການ "ຮ​ວ່າງ​ຮ​ວາ​ສື໋​ຈີ່ງ​ໂດ່" ໄດ້​ຜ່ານ​ການ​ຕີ​ລາ​ຄາ​ຢ່າງ​ລະ​ອຽດ​ຂອງ ອົງ​ການ ຊ່ຽວ​ຊານ​ຂອງ​ອົງ​ການ UNESCO, ຮັບປະ​ກັນ​ໄດ້​ທຸກ ປັດ​ໃຈ ເພື່ອໄດ້​ຮັບ​ການຍອມ​ຮັບ ວ່າ​ເປັນມໍລະດົກທາງ​ດ້ານເອກະສານ ທີ່​ຂື້​ນ​ກັບ ໂຄງການ ຄວາມຊົງຈໍາ ຂອງໂລກ ພາກ​ພື້ນ ອາຊີ ຕາ​ເວັນ​ອອກ​ສ່ຽງ​ໃຕ້.

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll