ເລື່ອງລາວກ່ຽວກັບສະຫະກອນຫວຽດ-ສປປ ເກົາຫຼີ

00:54 2019/05/15

ຍສໝ-ພໍ່ແມ່ປະຊາຊົນທີ່ນີ້ມັກເອີ້ນກຸ່ມຊຸມຊົນ ກວານຊາ ບ້ານຊວນລາ ແມ່ນບ້ານຫວຽດຈ່ຽວ ໂດຍທີ່ນີ້ມີສະຫະກອນ ຫວຽດນາມ - ສປປ ເກົາຫຼີ ມິດຕະພາບ, ເປັນສັນຍາລັກແຫ່ງຄວາມມິດຕະພາບລະຫວ່າງ ສສ ຫວຽດນາມ ແລະ ສປປ ເກົາຫຼີ.

ເລື່ອງລາວກ່ຽວກັບສະຫະກອນຫວຽດ-ສປປ ເກົາຫຼີ
ປະທານ  Kim Il-sung  ແລະ ປະທານ ໂຮ່ ຈີ ມີງ ຢ້ຽມຢາມສະຫະກອນ ຫວຽດຈ່ຽວ ປີ 1964

ຫຼາຍມື້ທີ່ຜ່ານມາ, ຮ່າໂນ້ຍໄດ້ມີການກະກຽມໃນການຈັດກອງປະຊຸມສຸດຍອດ ອາເມລິກາ - ສປປ ເກົາຫຼີ ແລະ ການຕ້ອນຮັບ ທ່ານ ປະທານ ສປປ ເກົາຫຼີ ມາຢ້ຽມຢາມສັນຖະວະໄມຕີຫວຽດນາມຢ່າງເປັນທາງການ, ພໍ່ແມ່ປະຊາຊົນທີ່ບ້ານຊວນລາ, ເມືອງ ໄຕໂຮ່, ຮ່າໂນ້ຍ ກໍ່ມີການກຽມພ້ອມຢ່າງຮີບດ່ວນໃນການຕ້ອນຮັບບັນດາອົງການຈັດຕັ້ງ, ອົງການສື່ສານມວນຊົນ ມາຢ້ຽມຢາມ ແລະ ຊອກຮູ້ດ້ານປະຫວັດຊາດຂອງສະຫະກອນຫວຽດຈ່ຽວ. ຫ່າງຈາກນີ້ກວ່າ 50 ປີ ກ່ອນ, ທີ່ນີ້ ໄດ້ມີການຕ້ອນຮັບຜູ້ນໍາ ສປປ ເກົາຫຼີ, ປະທານ  Kim Il-sung.

ພໍ່ແມ່ປະຊາຊົນທີ່ນີ້ມັກເອີ້ນກຸ່ມຊຸມຊົນ ກວານຊາ ບ້ານຊວນລາ ແມ່ນບ້ານຫວຽດຈ່ຽວ ໂດຍທີ່ນີ້ມີສະຫະກອນ ຫວຽດນາມ - ສປປ ເກົາຫຼີ ມິດຕະພາບ, ເປັນສັນຍາລັກແຫ່ງຄວາມມິດຕະພາບລະຫວ່າງ ສສ ຫວຽດນາມ ແລະ ສປປ ເກົາຫຼີ. ໃນປີ 1958, ລຸງໂຮ່ໄດ້ໄປຢ້ຽມຢາມໜ່ວຍງານສະຫະກອນຕາແສງຊວນລາ, ເຫັນວ່າຊີວິດການເປັນຢູ່ຂອງຊາວກະສິກອນທີ່ນີ້ໄດ້ມີການພັດທະນາ ແລະ ມີຄວາມກ້າວໜ້າຫຼາຍ,  ລຸງໂຮ່ກໍ່ໄດ້ເຊື້ອເຊີນການນໍາຂອງ ສປປ ເກົາຫຼີມາຢ້ຽມຢາມ. 

ປີ 1958, ໃນເວລາຢ້ຽມຢາມຫວຽດນາມຢ່າງເປັນທາງການ, ທ່ານ ປະທານ Kim Il-sung ແລະ ຄະນະຜູ້ແທນ ສປປ ເກົາຫຼີ ໄດ້ມາຢ້ຽມຢາມຊວນລາ. ສະຫະກອນຫວຽດຈ່ຽວທີ່ປະກອບມີສີ່ກຸ່ມບ້ານຂອງຕາແສງຊວນລາ; ແລະ ສະຫະກອນຫວຽດຈ່ຽວໄດ້ຜູກສ່ຽວກັບ ສະຫະກອນແຫ່ງໜຶ່ງຂອງ ສປປ ເກົາຫຼີ ເຊິ່ງມີຊື່ວ່າສະຫະກອນຈ່ຽວ - ຫວຽດ ມິດຕະພາບ. ໃນວັນທີ 23 ພະຈິກ ປີ 1964,  ພໍ່ແມ່ປະຊາຊົນສະຫະກອນຫວຽດຈ່ຽວໄດ້ຕ້ອນຮັບທ່ານ ປະທານ ໂຮ່ ຈີ ມີງ ແລະ ຜູ້ນໍາ Kim Il-sung  ມາຢ້ຽມຢາມຄັ້ງທີສອງ.

ທ່ານ ຫງວຽນ ວັນ ຢຸ້ງ ຮອງປະທານຄະນະກໍາມະການປະຊາຊົນບ້ານຊວນລາໄດ້ໃຫ້ຮູ້ວ່າ, ການພົວພັນຫວຽດນາມ - ສປປ ເກົາຫຼີ ກໍ່ຄືການພົນພັນລະຫວ່າງສະຫະກອນຫວຽດ-ຈ່ຽວ ກັບ ສປປ ເກົາຫຼີ ກໍ່ມີຄວາມສະໜິດສະໜົມຢ່າງສະເໝີ. ແຕ່ລະປີ, ສະມາຄົມມິດຕະພາບ ຫວຽດ - ຈ່ຽວ ກໍ່ໄດ້ມີການຈັດຕັ້ງໃນການພົບປະ, ການແລກປ່ຽນລະຫວ່າງພະນັກງານຂອງສະຫະກອນຕາແສງຈ່ຽວ - ຫວຽດ (ຢູ່ ສປປ ເກົາຫຼີ) ກັບ ສະຫະກອນມິດຕະພາບ ຫວຽດ - ຈ່ຽວ. ບາງຄັ້ງພະນັກງານຂອງສະຖານທູດ ສປປ ເກົາຫຼີ ປະຈໍາ ສສ ຫວຽດນາມ ກໍ່ມາຢ່້ຽມຢາມເຂດທີ່ນີ້. ໂດຍສະເພາະ, ໃນປີ 2018, ພະນັກງານຂອງສະຖານທູດ ສປປ ເກົາຫຼີ ປະຈໍາ ສສ ຫວຽດນາມ ກໍ່ມາເກັບກໍາຂໍ້ມູນ ແລະ ຢ້ຽມຢາມ ທົ່ງນາ, ໂຮງຮຽນອະນຸບານ...

ໄຊພອນ
;

同类别新闻