“ເຊີນດ່ອງ” ຈຸດຫມາຍທີ່ໄຝ່ຝັນຢາກມາຂອງແຂກທ່ອງທ່ຽວ ໃນປີ 2019

00:54 2019/05/13

ຍສໝ - ຂໍ້ມູນຈາກກົມທ່ອງທ່ຽວແຂວງກວ້າງບິ່ງ: Lonely Planet - ວາລະສານການທ່ອງທ່ຽວທີ່ໃຫຍ່ທີ່ສຸດໃນໂລກ ໃນການນຳທ່ຽວ ແລະ ສະຫນອງຂໍ້ມູນ ແກ່ນັກທ່ອງທ່ຽວ ພ້ອມທັງຜູ້ອ່ານ ສະຖານທີ່ທ່ອງທ່ຽວໃນຝັນຂອງໂລກ 5 ແຫ່ງ ປີ 2019, ໃນນັ້ນມີຖໍ້າ “ເຊີນດ່ອງ”.

“ເຊີນດ່ອງ” ຈຸດຫມາຍທີ່ໄຝ່ຝັນຢາກມາຂອງແຂກທ່ອງທ່ຽວ ໃນປີ 2019

ອີງຕາມວາລະສານຂ້າງເທິງ, ຖ້ໍາ”ເຊີນດ່ອງ” ແມ່ນຖໍ້າໃຫຍ່ທີ່ສຸດຂອງໂລກ ແລະ ຕິດອັນດັບທີສາມສະຖານທີ່ທ່ອງທຽ່ວໃນຝັນຂອງນັກທ່ອງທ່ຽວ, ຮອງຈາກ ເສັ້ນທາງສາຍ Inca ທາງຂື້ນຈອມພູ Machu Picchu ຢູ່ ເປຣູ ແລະ ບຸນວັດທະນະທໍາ, ດົນຕີ, ສິລະປະ burning man ຢູ່ ເນວາດາ.

"ເພື່ອເຮັດໃຫ້ຄວາມຝັນ ໃນການມາທ່ອງທ່ຽວ “ເຊີນດ່ອງ” ເປັນຄວາມຈິງ, ເຮົາຕ້ອງວາງແຜນ ເພື່ອຈອງປີ້ ຂອງການເດີນທາງໄປສູ່ຈຸດຫມາຍ ໃນຝັນທີ່ມີິຄວາມສວຍງາມທີ່ສຸດໃນໂລກປີ 2019.

ຖໍ້າ “ເຊີນດ່ອງ” (ພາບ: ryan deboodt)

“ເຊີນດ່ອງ” ເປັນຖ້ຳທີ່ມີຄວາມເລິກທີ່ຫນ້າຕະລຶງໃຈ ເປັນຖໍ້າໃຫຍ່ທີ່ສຸດຂອງໂລກ ດຶງດູດ ນັກທ່ອງທ່ຽວແບບພະຈົນໄພ ຢ່າງແທ້ຈິງ. ຢ່າງໃດກໍຕາມ, ຖ້າຢາກມີໂອກາດ ເດີນທາງມາທ່ຽວທີ່ຖ້ຳແຫ່ງນີ້, ທ່ານຕ້ອງ ໄດ້ຈອງບັດຫຼືປີ້ ລ່ວງຫນ້າ ຜ່ານເວັບໄຊທ໌ຂອງເຈົ້າໜ້າທີ່ ຄຸ້ມຄອງ ແລະ ບໍລິຫານ ສະຖານທີ່ກ່ອນ. ໃນປັດຈຸບັນ, ຍັງມີ ບ່ອນວ່າງຫນ້ອຍກວ່າ 300 ສໍາລັບນັກທ່ອງທ່ຽວໃນປີນີ້ເທົ່ານັ້ນ (ໃນຄະນະທີ່ ຖ້ໍາ “ເຊີນດ່ອງ”ປີ 2019 ສາມາດຮັບນັກທ່ອງທ່ຽວໄດ້ 1,000 ຄົນ ). ຖ້າທ່ານໃດຢາກເປັນຜູ້ໂຊກດີ, ກະລຸນາຈັບຈອງ ຫລື ລົງທະບຽນລາຍຊື່ ລໍຖ້າປີ 2020 "- ວາລະສານນີ້ໄດ້ແຈ້ງບອກ.

ອີງຕາມກົມທ່ອງທ່ຽວກວ່າງບິ່ງ, ໃນອານາຄົດມໍ່ໆນີ້ ຈະຈັດໂຄງການ ສຳຫຼວດໃຕ້ນໍ້າທີ່່ມີ ຄວາມຍາວ 600 ແມັດ ເຊິ່ງຍັງບໍ່ເຄີຍ ຈັດມາກ່ອນໃນຖ້ໍາ “ເຊີນດ່ອງ”  ເພື່ອຊອກຫາທາງຊອດຜ່ານຖໍ້າທີ່ມີຢູ່ໄປຫາຖ້ໍາໃກ້ຄຽງ ( ຖ້ໍາ “ທຸງ” ), ດ້ວຍການເຂົ້າຮ່ວມຂອງຜູ້ຊ່ຽວຊານດ້ານມຸດນໍ້າ ສີ່ຄົນ, ຜູ້ທີ່ເຄີຍເຂົ້າຮ່ວມໃນປະຕິບັດການກູ້ໄພ ຊີວິດທີມບານເຕະ "ຫມູປ່າ" ຢູ່ ປະເທດໄທ.

ສະຖານທີ່ຕັ້ງແຄ້ມ ຢູ່ ໃນຖ້ຳ“ ເຊີນດ່ອງ ”. (ພາບ: Ryan Deboodt)

ຖ້າການສຳຫຼວດຄັ້ງນີ້ປະສົບຜົນສໍາເລັດ, ລະບົບຖໍ້າ “ເຊີນດ່ອງ” ຂະຫນາດຂອງຖ້ຳຈະຂະຫຍາຍໃຫຍ່ກ່ວາເກົ່າ,  ບົ່ງບອກໃຫ້ຮູ້ວ່ານີ້ແມ່ນຖ້ຳທໍາມະຊາດ ທີ່ໃຫຍ່ທີ່ສຸດໃນໂລກ. ຄະນະດຽວກັນ, ໃນປີ 2019 ກົມທ່ອງທ່ຽວກວ້າງບິ່ງ ຈະປະສານງານ ແລະ ຮ່ວມມືກັບ ສຳນັກຂ່າວ ຂອງໂລກ ເພື່ອຈັດລາຍການ ໂທລະພາບ ໃນສະຖານທີ່ຈິງຂອງຖໍ້າ “ເຊີນດ່ອງ” ແລະ “ຟອງຍາ-ແກ໋ບ່າງ”.


ຖ້ໍາ “ ເຊີນດ່ອງ” ເຮັດໃຫ້ແກ່ຊາວໂລກປະຫລາດໃຈດ້ວຍສິ່ງພິເສດສະເພາະຕົວ. ໃນບາງບ່ອນຂອງຖ້ໍາ, ຮ່ອງຮອຍການແຕກ ແລະ ຫັກພັງຂອງເພດານຖໍ້າ ຜ່ານມາຫລາຍແສນປີກ່ອນ, ເນລະມິດໃຫ້ເປັນປ່ອງຢ້ຽມຍັກ. ແສງສະຫວ່າງຈາກດວງອາທິດ ສາມາດສ່ອງເຂົ້າໄປໃນຖ້ໍາ, ບວກກັບສາຍນ້ໍາລອດພື້ນໃນຖ້ຳ ສ້າງໃຫ້ມີລະບົບນິເວດ ອັນມີເອກະລັກທີ່ບໍ່ມີບ່ອນໃດມີ ແລະທຽບໄດ້, ອັນນີ້ກໍເປັນຄຳຕອບທີ່ວ່າ: ເປັນຫຍັງຈິ່ງມີລະບົບນິເວດ ທີ່ມີທັງ ພືດພັນ, ແມງໄມ້ ແລະ ສັດນາໆຊະນິດ ທີ່ມີຄວາມແປກຕາແປກໃຈ ຢູ່ໃນຖ້ຳ.

ໃນບາງສ່ວນຂອງເພດານຖໍ້າທີ່ຖະລົ່ມລົງ, ນັກວິທະຍາສາດເອີ້ນມັນວ່າຂຸມ. ຖ້າທ່ານໂຊກດີ, ທ່ານສາມາດຊົມແສງທໍາມະຊາດສ່ອງສອດເຂົ້າໃນບາງຊ່ວງເວລາຂອງປີ. ຮູບພາບທຳມະຊາດນີ້ ຄືໃນຈິນຕະນາການ, ຈົນເກີນຄຳບັນລະຍາຍ ແລະ ບໍ່ມີຄໍາສັບໃດ ຫຼື ຮູບພາບໃດທີ່ສາມາດອະທິບາຍໄດ້, ທ່ານຈະຕ້ອງມາພົບ ແລະ ເຫັນປະຈັດຕາດ້ວຍຕົວທ່ານເອງ.

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll