ຮ່າໂນ້ຍ - ນະຄອນແຫ່ງຄວາມເຊື່ອໝັ້ນ ແລະ ຄວາມຫວັງ

13:06 2019/07/18

ຜ່ານໄລຍະກວ່າ 1000 ປີແຫ່ງການສ້າງຕັ້ງ ແລະ ພັດທະນາ ຮ່າໂນ້ຍ ໄດ້ຢັ້ງຢືນໃຫ້ເຫັນທີ່ຕັ້ງເປັນໃຈກາງຂອງປະເທດກ່ຽວກັບການເມືອງ, ວັດທະນະທໍາ, ວິທະຍາສາດ, ເຕັກນິກ, ເສດຖະກິດ. ການພັດທະນາຂອງ ຮ່າໂຮ້ຍ ໃນຕົວຈິງ ແມ່ນອີງໃສ່ບັນດາພື້ນຖານຂອງສັນຕິພາບ, ບັນດາຄຸນຄ່າທາງດ້ານວັດທະນະທໍາ ກ່ຽວກັບ ຄຸນນະພາບຂອງການສຶກສາ ແລະ ການຂະຫຍັນຂັນເຄື່ອນຢ່າງມີຫົວຄິດປະດິດສ້າງ.

ຮ່າໂນ້ຍ - ນະຄອນແຫ່ງຄວາມເຊື່ອໝັ້ນ ແລະ ຄວາມຫວັງ
ນາມມະຍົດ “ນະຄອນເພື່ອສັນຕິພາບ” ເຊິ່ງໄດ້ຮັບການເຊີດຊູຈາກອົງການ Unesco ເມື່ອວັນທີ 16 ກໍລະກົດ ປີ 1999.(ພາບ: thuthuatphanmem.vn)

ໃນຕະຫຼອດໄລຍະປະຫວັດສາດ ແຫ່ງການສ້າງສາ ແລະ ປົກປັກຮັກສາປະເທດຊາດ, ຕິດພັນກັບຊາຕາກຳ ຂອງ ປະເທດຊາດ, ຮ່າໂນ້ຍ, ນະຄອນຫຼວງຂອງ ຫວຽດນາມ ຍາມໃດກໍ່ແມ່ນແຫ່ງເຕົ້າໂຮມຍອດຍິ່ງ, ບັນດາຄຸນຄ່າ ແລະ ມູນເຊື້ອອັນດີງາມ ທີ່ສຸດຂອງຊາດ ຫວຽດນາມ. ນາມມະຍົດ “ນະຄອນເພື່ອສັນຕິພາບ” ເຊິ່ງໄດ້ຮັບ ການເຊີດຊູຈາກອົງການ Unesco ເມື່ອວັນທີ 16 ກໍລະກົດ ປີ 1999 ຢູ່ ລາປາ ນະຄອນຫຼວງຂອງ ໂບລີເວຍ ກໍ່ແມ່ນການຕີລາຄາສູງ ບັນດາຄຸນຄ່າທີ່ເປັນມູນເຊື້ອປະຫວັດສາດ ວັດທະນະທຳ, ບັນດາຜົນງານໃນພາລະກິດປ່ຽນແປງໃໝ່ ກໍ່ຄືຄວາມຄາດຫວັງເພື່ອສັນຕິພາບຂອງຊາວ ຫວຽດນາມ.

ຂົວລອງບຽນ.(ພາບ: thuthuatphanmem.vn)

ໃນສະພາບຕົວຈິງ ຮ່າໂນ້ຍ ໄດ້ປຸກລະດົມຄວາມສາມາດບົ່ມຊ້ອນທາງດ້ານພູມປັນຍາໃຫ້ເປັນຢ່າງດີ, ສ້າງການຫັນປ່ຽນເທື່ອລະກ້າວ ແລະ ໄດ້ກາຍເປັນສູນກາງ ທີ່ດີເດັ່ນກ່ຽວກັບ ບັນດາການເຄື່ອນໄຫວ ເສດຖະກິດ ວັດທະນະທຳ ສິລະປະວັນນະຄະດີ ການສຶກສາ ແລະ ວິທະຍາສາດເຕັກໂນໂລຊີຂອງທົ່ວປະເທດ.

ຮ່າໂນ້ຍ ໃນປັດຈຸບັນໄດ້ພັດທະນາທີ່ສຸດ, ຊາວຮ່າໂນ້ຍ ກໍ່ມີຄວາມສະໜິດສະໜົມ.(ພາບ: thuthuatphanmem.vn)
ໃນຊຸມປີມໍ່ໆມານີ້ , ຮ້າໂນ້ຍ ຍັງພົ້ນເດັ່ນຂຶ້ນເປັນນະຄອນ ໄດ້ຮັບເລືອກຈັດຕັ້ງ ບັນດາເຫດການ ທີ່ສຳຄັນຂອງໂລກ.(ພາບ: thuthuatphanmem.vn)

ໃນທົດສະວັດທຳອິດຂອງສະຕະວັກທີ 21, ຮ່າໂນ້ຍ ນັບມື້ນັບມີການປ່ຽນແປງຫຼາຍຢ່າງສາມາດຕອບສະໜອງຄວາມຮຽກຮ້ອງຕ້ອງການໃນໄລຍະພັດທະນາໃໝ່. ຮ່າໂນ້ຍ ມີຮູບຊົງເປັນຕົວເມືອງທັນສະໄໝດ້ວຍບັນດາຕຶກອາຄານສູງຫຼາຍຊັ້ນບັນດາຫ້ອງການສຳນັກງານສູນການຄ້າ, ບັນດາເຂດຕົວເມືອງໃໝ່ໄດ້ຮັບການປຸກສ້າງຂຶ້ນ. ພ້ອມກັນນັ້ນ ຮ່າໂນ້ຍ ກໍ່ຍັງເກັບຮັກສາບັັນດາຄວາມເກົ່າແກ່ດ້ວຍບັນດາປູຊະນີຍະສະຖານ ວັດທະນະທຳ ປະຫວັດສາດທີ່ມີຄຸນຄ່າ. 

ຮ່າໂນ້ຍ ກໍ່ໄດ້ພິສູດໃຫ້ເຫັນວ່າ ເປັນນະຄອນເພື່ອສັນຕິພາບຢ່າງແທ້ຈິງ.(ພາບ: thuthuatphanmem.vn)

ນາມມະຍົດ “ນະຄອນເພື່ອສັນຕິພາບ” ກໍແມ່ນຄວາມເປັນກຽດຂອງທັງປະເທດສໍາລັບ ຮ່າໂນ້ຍ ເມື່ອໄດ້ຮັບຖືວ່າແມ່ນນະຄອນແຫ່ງຄວາມເຊື່ອໝັ້ນ ແລະ ຄວາມຫວັງ. ສັນຕິພາບແມ່ນຄວາມໄຝ່ຝັນຂອງຄົນເຮົາ ແຕ່ວ່າໃນປະຫວັດສາດຂອງສັງຄົມມວນມະນຸດນັ້ນຄົນເຮົາກໍຕ້ອງຜ່ານຜ່າສົງຄາມອັນແສນສາຫັດບໍ່ຈັກວ່າເທົ່າໃດຄັ້ງ, ຍິ່ງຜ່ານຜ່າສົງຄາມ ແລະ ການປະທະກັນນັ້ນ ຄວາມໄຝ່ຝັນຢາກມີສັນຕິພາບ ແລະ ຮ່ວມມືຍິ່ງແຮງກ້າ, ເພາະສະນັ້ນ, ປະໂຫຍກທໍາອິດຂອງ ກົດບັດສ້າງຕັ້ງ ອົງການ ຢູແນັດໂກ ໄດ້ເນັ້ນໜັກວ່າ: ຍ້ອນສົງຄາມເກີດຂຶ້ນມາຈາກແນວຄິດຂອງຄົນເຮົາ ສະນັ້ນ ກໍາແພງປ້ອງກັນຂອງສັນຕິພາບກໍ່ຕ້ອງໄດ້ສ້າງຂຶ້ນໃນແນວຄິດຂອງຄົນເຮົາເອງ”.

ຮ່າໂນ້ຍ ໃນປັດຈຸບັນໄດ້ພັດທະນາທີ່ສຸດ, ຊາວຮ່າໂນ້ຍ ກໍ່ມີຄວາມສະໜິດ ສະໜົມ. ການດໍາລົງຊີວິດຍັງຄົງຮັກສາພື້ນຖານ ວັດທະນະທຳພື້ນເມືອງຂອງຊາວ ຫວຽດນາມ ເພື່ອໃຫ້ເພື່ອນມິດສາກົນເຫັນໄດ້ວ່າຊາວ ຫວຽດນາມ ມີຈິດໃຈ ຮັກແພງແຂກ ແລະ ຮັກຫອມສັນຕິພາບ.

(ໄຊພອນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll