ຫວຽດນາມ ເອົາຊະນະ ຊີເຣຍ ເຂົ້າຮອບຮອງຊະນະເລີດ ເຕະບານຊາຍ Asiad 2018

22:48 2018/08/27

ຍສໝ - ຕອນ 19ໂມງ 30 ນາທີ ວັນທີ 27 ສິງຫາ ການແຂ່ງຂັນເຕະບານ ຮອບສີ່ ລະຫວ່າງ ທີມ ໂອລິມປິກ ຫວຽດນາມ ພົບ ກັບ ທີມຊາດຊີເຣຍ ຫວຽດນາມ ເອົາຊະນະໄປໄດ້ 1-0 ເຂົ້າຮອບໄປພົບກັບ ທີມຊາດເກົາຫຼີໃຕ້.

ຫວຽດນາມ ເອົາຊະນະ ຊີເຣຍ ເຂົ້າຮອບຮອງຊະນະເລີດ ເຕະບານຊາຍ Asiad 2018
ທີມຊາດຫວຽດນາມ.

ການແຂ່ງຂັນລະຫວ່າງສອງທີມເຕັມໄປດ້ວຍຄວາມເຄັ່ງຕຶງ ຈົບ 90 ນາທີ ສະເໝີກັນ 0-0 ຕ້ອງໄດ້ຕໍ່ເວລາໄປອີກ . ເຄິ່ງແລກຂອງການຕໍ່ເວລາ ທັງສອງທີມຍັງຄົງເປີດເກມໃສ່ກັນຢ່າງບໍ່ມີໃຜຍອມໃຜ ແລະ ເຮັດໃຫ້ມີການປະທະກັນ ເທື່ອຈົນມີໃບເຫຼືອງ ແລະ ມີຜູ້ບາດເຈັບ ຄິ້ມແຕກ ຄື ກວາງຫ້າຍ ສູນໜ້າຕົວເກັ່ງຂອງ ຫວຽດນາມ . ມາຮອດ ນາທີ 108 ຂອງເຄິ່ງເວລາສຸດທ້າຍ ຂອງການຕໍ່ເວລາ ຊິນເວີ້ໂກ ວັນຕວ່ານ ສູນໜ້າ ທີ່ຫາກໍ່ຖືກປ່ຽນຕົວເຂົ້າມາໃນເຄິ່ງເວລາທີ ສອງ ໄດ້ມີໂອກາດ ຈາກລູກຍິງຂອງ ແອັງດຶກ ເຕະຕຳຄານ ບານເດັ້ງມາໃສ່ ຕີນ ວັນຕວ່ານ ຍິງສວນເວົ້າປະຕູໄປຢ່າງງົດງາມ.

ກົງເຟື້ອງ ກອງໜ້າທີມຊາດຫວຽດນາມ.

ວັນຕວ່ານ ເປັນຜູ້ຍິງປະຕູໄຊ ໃຫ້ທີມຊາດຫວຽດນາມ ເອົາຊະນະ ຊີເລຍ. 

ບັນຍາກາດຕອນນັ້ນທັງນັກເຕະກໍ່ຄືກອງເຊຍໃນສະໜາມ ພາກັນຮ້ອງໂຮ, ສະບັດທຸງ, ເປົ່າແກ, ບັດທຸງ ,... ດີໃຈຢ່າງບໍ່ມີຄຳໃດທີ່ຈະບັນລະຍາຍໄດ້.

ສູນໜ້າຕົວເກັ່ງຂອງທີມຊາດຫວຽດນາມ.

ໝົດເວລາການແຂ່ງຂັນທີມຊາດຫວຽດນາມ ເອົາຊະນະ ທີມຊາດ ຊີເລຍ ໄດ້ຢ່າງເມົາມັນ 1-0 ເຂົ້າໄປພົບກັບທີມຊາດ ເກົາຫຼິໃຕ້ ໃນວັນທີ 29 ສິງຫາທີ່ຈະມາເຖິງນີ້.

ເສື້ອ ເບີ 8 ວັນຕວ່ານ ກອງໜ້າຕົວເກັ່ງ ຍິງໃນນາທີ 108 ສົ່ງທີມຊາດ ຊິເລຍກັບບ້ານ.

ພາບບັນຍາກາດ ຢູ່ຫວຽດນາມ ຫຼັງທີມໂອລິມປິກຫວຽດນາມ ໄດ້ຮັບໄຊຊະນະ ກອງເຊີຍອອກມາສະຫຼອງທົ່ວປະເທດ.








ກອງເຊຍທີມຊາດຫວຽດນາມ ຫຼັງອອກມາຖະໜົນຫົນທາງ ສະບັດທຸງ ຮ້ອງໂຮດ້ວຍຄວາມດີໃຈ ພາກັນແຫ່ສະຫຼອງຢູ່ ໂຮ່ເກືອມ ແລະ ຕາມຖະໜົນເສັ້ນຕ່າງໆ.
(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll