ຫວຽດນາມ ຕິດອັນດັບທີ 2 ຂອງໂລກ ກ່ຽວກັບ “ຄວາມສະບາຍໃນການເຮັດວຽກ, ສ້າງໝູ່ ແລະ ລ້ຽງຄອບຄົວ”

10:20 2019/10/09

ຍສໝ - ອີງຕາມການສຳຫຼວດຂອງ InterNations, ໃນຈຳນວນ 30 ປະເທດ ແລະ ເຂດແຄວ້ນ ທົ່ວໂລກ, ຫວຽດນາມ ຢືນເປັນອັນດັບທີ 2 ກ່ຽວກັບ "ຄວາມສະບາຍໃນການເຮັດວຽກ, ສ້າງໝູ່ ແລະ ລ້ຽງຄອບຄົວ" ປີ 2019.

ຫວຽດນາມ ຕິດອັນດັບທີ 2 ຂອງໂລກ ກ່ຽວກັບ “ຄວາມສະບາຍໃນການເຮັດວຽກ, ສ້າງໝູ່ ແລະ ລ້ຽງຄອບຄົວ”

ຫວຽດນາມຢືນເປັນອັນດັບທີ 2 ່ຂອງໂລກ ກ່ຽວກັບ"ຄວາມສະບາຍໃນການເຮັດວຽກ, ສ້າງໝູ່ ແລະ ລ້ຽງຄອບຄົວ" ປີ 2019, ໃນບັນຊີລາຍຊື່ 30 ປະເທດ ແລະ ເຂດແຄ້ວນ  ໂດຍການຄັດເລືອກ InterNations.

ຫວຽດນາມ ຕິດອັນດັບທີ 2 ຂອງໂລກ ກ່ຽວກັບ ຄວາມສະບາຍໃນການເຮັດວຽກ, ສ້າງໝູ່ ແລະ ລ້ຽງຄອບຄົວ.

ທຸກໆປີ InterNations ຈະຈັດອັນດັບດັ່ງກ່າວນີ້ ໂດຍອີງໃສ່ການສຳຫຼວດຊາວຕ່າງປະເທດ ທີ່ອາໄສຢູ່ໃນ 187 ປະເທດ ແລະ ເຂດແຄວ້ນໃນທົ່ວໂລກ ກ່ຽວກັບແງ່ມຸມທີ່ແຕກຕ່າງ ເປັນຕົ້ນ ທີ່ຢູ່ອາໄສ, ຄ່າໃຊ້ຈ່າຍໃນການດຳລົງຊີວິດ, ຄຸນນະພາບຂອງການບໍລິການດ້ານການແພດໄປຈົນຮອດການສ້າງໝູ່ກັບປະຊາຊົນຄົນທ້ອງຖິ່ນໄດ້ຢ່າງງ່າຍສະບາຍ. ແຕ່ລະປະເທດມີຜູ້ທີ່ຈະຕອບຄຳຖາມຢ່າງໜ້ອຍ 40 ຄົນ.

ໃນປີນີ້, ຜົນການສຳຫຼວດຊາວຕ່າງປະເທດຫຼາຍກ່ວາ 20.000 ຄົນ ຈາກທົ່ວໂລກ InterNations ໄດ້ດຳເນີນການ ແລະ ເລືອກເອົາ 30 ປະເທດ ແລະ ເຂດແຄວ້ນອັນດັບຕົ້ນໆຂອງໂລກສຳຫຼວດໃນແງ່ຂອງ “ ຄວາມສະບາຍໃນການເຮັດວຽກ, ສ້າງໝູ່ ແລະ ລ້ຽງຄອບຄົວ".

ຫວຽດນາມໄດ້ຕິດຢູ່ໃນອັນດັບ 2 ຂອງບັນຊີລາຍຊື່ດັ່ງນີ້ ດ້ວຍການຕີລາຄາ ຄື: ລາຄາຖືກ, ລາຍໄດ້ຂອງຄົນຕ່າງປະເທດ ຢູ່ຫວຽດນາມ ຫຼາຍກວ່າຄ່າຄອງຊີບທີ່ພຽງພໍກັບຄ່າໃຊ້ຈ່າຍປະຈຳວັນ . ຄົນຕ່າງປະເທດ ຢູ່ຫວຽດນາມ ກໍ່ເພິ່ງພໍໃຈກັບກາລະໂອກາດໃນການເຮັດວຽກຢູ່ທີ່ນີ້.

ໃນຕົ້ນປີນີ້, ກຸ່ມຄົນຕ່າງປະເທດຍັງໄດ້ແບ່ງປັນກັບ HSBC ວ່າມັນງ່າຍທີ່ຈະເຊື່ອມໂຍງຢູ່ຫວຽດນາມ ແລະ ຜູ້ທີ່ຢູ່ໃນທ້ອງຖິ່ນກໍ່ມີຄວາມຮັບແຂກ ແລະ ຕ້ອນຮັບຊາວຕ່າງປະເທດ.

ແຕ່ເຖິງຢ່າງໃດກໍ່ຕາມ, ຄົນຕ່າງປະເທດຈຳນວນໜຶ່ງ ໃນການສຳຫຼວດຂອງ InterNations ກໍ່ຍັງສະແດງຄວາມບໍ່ພໍໃຈກ່ຽວກັບຄຸນນະພາບສິ່ງແວດລ້ອມ ແລະ ຊີວິດດິຈິຕອນ ຢູ່ ຫວຽດນາມ.

ໃນຕາຕະລາງການຈັດອັນດັບນີ້, ປະເທດໄຕ້ຫວັນ (ຈີນ) ຢືນເປັນອັນດັບທີ ໜຶ່ງ. ນີ້ແມ່ນສະຖານທີ່ທີ່ຄົນຕ່າງປະເທດໃຫ້ການຍ້ອງຍໍຊົມເຊີຍຕໍ່ຄຸນນະພາບຊີວິດ, ລາຄາທີ່ເໝາະສົມ ແລະ ຄຸນນະພາບຂອງການບໍລິການດູແລສຸຂະພາບ, ຄວາມປອດໄພ ແລະ ຄວາມມຸ່ງຫວັງດ້ານອາຊີບ.

ສະຖານທີ່ທີສາມຂອງ ປອກຕຸຍການ ໄດ້ຮັບການຍ້ອງຍໍຈາກສະພາບອາກາດ ທີ່ມີຄວາມສະຖຽນ, ສະພາບອາກາດດີ ແລະ ມີຫລາຍທາງເລືອກໃນການໃຊ້ພາສາທີ່ຈະສື່ສານຕໍ່ກັນ. ປະເທດ ແລະ ເຂດແຄວ້ນອື່ນໆ ທີ່ຕິດຢູ່ໃນອັນດັບ 10 ແມ່ນ ເມັກຊິໂກ, ສະເປນ, ສິງກະໂປ, ບາເຣນ, ເອກວາດໍ, ມາເລເຊຍ ແລະ ສາທາລະນະລັດເຊັກ.

ຫັດ​ທະ​ບູນ
;

同类别新闻